16
ऐ गोठयु आम हुमुहू याआकोअता कोहो का तुमु ठोकर ने खाय 2 एह्ली वेल मंदिर आवीत होय , का जो कोडु तुम्हामे माईत टाकही तो होमजे का आय परमेश्वराआ सेवा कोअत्लू 3 एहलो ते याकोअता कोआ का ते आबाहाहा ओळखीतल्यो नाहा आना माहु नाहा माहु ओलखीत 4 पोन ए गोठी आय तुम्हामे याआ याकोअता कोल्यो, का जेव्हा त्याआ वेल आवेज तेहालाम तुम्हामे पहिलुच कोल्यो ओते 5 पवित्र आत्माआ काम आय आरंभापासून तुम्हामे ए गोठी याआ याकोअता नाहा कोल्यी काहाके आय तुमाआ आरी ओतु पोन आय जेव्हा माहु मोकलीणारा त्याही जात्लू आना तुमाआ मायारोत कोडूच माहु फुसीत नाहा,' तू का जात होय ? 6 पोन जी गोठी आय तुम्हामे कोल्यी होय , याआ याकोअता तुमाआ मोन शंकांनी पोईत गोये होय 7 तेबी आय तुम्हामे खोरो कोतलू का माआ जाअलो तुमाआ याकोअता हाजो होय , काहाके केधी आय जानारू नाहा ताहा तो मदतकोअनारू तुमाआ त्याही आविलो नाहा; परंतु केधी आय जाय, ताहा त्याहा तुमाआ त्याही मेकलीही 8 तो आवीत जगाला पाप आना धार्मीक्ताआ विषया माय वारुई कोअही 9 पापाआ विषयामे याकोअता का ते मापो विश्वास नाहा कोअनारू ; 10 आना धर्मिक्ताआ विषयामे याआ याकोअता का आय आबहा त्याही जात होय , आना तुमु मांहु फासी पलणारू नाहा; 11 न्यायाआ विषयामे याआ याकोअता का जगोओ सरदार दोषी ठेरव्यू गोल्यो होय 12 आवयू तुमाआ आरी फाशी जाअखो गोठी कोअला होय , परंतु तुमु ओमे त्याहा सहन नाहा कोहू सेकेहे 13 पोन तो जाहा अर्थात सत्यांआ आत्माआ आपे, तो तुम्हामे आखे खोराआ मार्ग देखाडही, काहाके तो आपाआ आना आपाआ त्यापोरोत नाहा काहाके जी उनाय तोज कोअही , आना आवनाराआ गोठी तुम्हामे कोअही 14 तो माआ गौरव कोअही, काहाके माआ गोठी मायरोन तुम्हामे कोअही 15 जे किबी आबहाआ होय , ते आखे माआ होय ; याआ याकोअता आय कोल्यो का तो माआ गोठी मायारोत तुम्हामे कोअही 16 थोडो वेलूम तुमु माहु पलणारू नाहा, आना फासाड़ी थोडो वेलूम माहु पाल्यो'' 17 तेहालाम त्याआ कोडू उनाआ शिष्यांनी आपसामेहे कोल्यो , ओ नाहाकोत होय जे आमुहू कोल्यो होय ' थोडो टायमोमे माहु पालिलो?' आना जे याआ याकोअता का आय आबहा जागे जात होय ?' 18 तोयो तिये कोल्यो '' ओ थोडो वेल, जे तो कोतलू, नाहाकोत गोठी होय ? आमुहू मोलुम नाहा का नाहाकोत कोल्यो होय '' 19 येशूने ओ होमजीत का ते फुसिलो इच्छितात, तिये कोल्यो ,'' नाहाकोत तुमु आपसामेहे माआ आव गोठी च्या विषयामे फूस तात,' थोडो टायमोमे तुमु माहु पलणारू नाहा, आना फासाड़ी थोडो टायमोमे माहु पाल्यो, 20 आय तुम्हामे खोरो- खोरो कोतलू का तुमु रोड्यू आना दुख कोआ , परंतु जग आनंद कोआ ; तुमु दुख कोआ पण तुमाआ दुख आनंदाम बोद्लीत जाय 21 ठाल्लीपोडीलाआ वेले बोयोआ ला त्रास ओतू , काहाके तीआ दुखाआ वेल आवीत जाहो , परंतु ती जेव्हा पोऱ्याहा जोल्मो आपोहो , ताहा तियाअ आनंदाआ जगात एक मांहु उत्पन्न पोयो, तियाअ झुलुमाहा फासी ओर कोईसेक्त्ले नाहा 22 तिया प्रआ कारे तुम्हामे ओमेते दुख होय , परंतु आय तुम्हामे फासी मिले आना तुमाआ मोन आनंदावाही पोईत जाथ; आना तुमाआ आनंद तुमाआ त्यापोरोत कोडु साडाळीते लेही नाहा 23 तिया तेदीही तुमु माहु किबी फुसनारू नाहा आय तुम्हामे खोरो -खोरो कोतलू, केधी आबहा त्यापोरोत किबी मागहू ताहा, तो माआ नावामेहे तुम्हामे आपे 24 ओमे जाआ तूमु माआ नावामेहे कीज मागे नाहा मागा ते तुमुह जोड़े काहाके तुमाआ आनंद पुरू ओत जाय 25 आय तुम्हामे ए गोठी दाखल्या माय कोल्यी होय , परंतु तेज वेल आवीत होय का आय तुम्हामे दाखलाम फासी कोअही नाहा, परंतु उगाडीत तुम्हामे आबाहाआ बद्दल कोअही 26 ज्या तेदीही तुमु माआ नावामेहे मागे; आना आय तुम्हामे ओ नाहा कोल्यो का आय तुम्हाकोअता आबाहाहा विनंती कोअही; 27 काहाके आबहु तुमापो प्रीती कोअत्लू, याआ याकोअता का तुमु मापो प्रीती कोअयी आना ओ पण विश्वास कोल्योओ होय का आय आबाहांह आवयू होय 28 आय आबाहांह जगात आवयू होय , आय फासी जगाला सोडीत आबाहांही जात्लू'' 29 त्याआ शिष्यांनी कोल्यो,'' जाअखो ओमेते तू उघड कोल्यो होय , दाखलाम नाहा कोल्यो 30 ओमे आमुहू होमजीत गोये होय का ताहु आखो किबी मोलुम होय , आना त्याआ गरजओतली नाहा का कोडु ताहु किबी फुसे ; यामे विश्वास कोअत्लू का तू परमेश्वरा त्यापोरोत आवयू होय ' 31 ऐ उनाईत येशू लेतजा त्याहा कोल्यो,'' नाहाकोत तुमु ओमे विश्वास कोअता? 32 पाला, ती वेल आवयी होय नहाते आलीहोय का तुमु आखे एहे-तिकडे जात आपाआ मार्ग लेणारे आना माहु एखल्यू सोडीत आपे; तेबी आय एखलू नाहा काहाके आबहु माआ आरी होय 33 आय ए गोठी तुम्हामे याकोअता कोल्यी का तुम्हामे मामेह शांती जोडीत जगात तुम्हामे त्रस होय , पोन धीर तोआ आय जगाला जीतुल्यू होय ''.