युहानो 14

तुमाआमोन ने का ब्राय कोईत परमेश्वरा पोओ विश्वास मेका आना माआ बी विश्वास मेका 2 माआ आबाहाआ कोआ जाअखो रोईला स्थान होय , केधी रोली नाहाओते ताहा आय तुमाआ कोल्यो , ओते; काहाके आय तुमाआ याकोअता जागू तीयार कोइला याकोअता जात होय 3 आना केधी आय जात तुमाआ याकोअता जागू तीयार कोअही, ताहा फासाड़ी आवीत तुम्हामे लेत जाय किजीथ आय रोतलू तिही तुम्हामे पण रोही 4 जीही आय जात होय तीहीइ मार्ग तुम्हामे मोलुम होय 5 योना लेतजा त्याहा कोल्यो ,'' ओ प्रभू, आमुहू नाहा मोलुम का तू का जात होय ; ताहा'' वाट केह्लुकाय मोलुम रोही ?'' 6 येशूने त्याहा कोल्यो , मार्ग आना संत्य आना जीवोन आयुच होय ; माआ वासित आबहा त्याही कोडूच जानारू नाहा 7 केधी तुमु माहु ओलखे ओते, ताहा माआ आबाहाहा पण ओलखे ओते; आना ओमे त्याहा ओलखीत , आना त्याहा पालल्ते पण'' 8 फिलीप्प लेतजा त्याहा कोल्यो ,'' ओ प्रभू, आबाहाहा आम्हुहू देखाडीत आप , ओच आम्हा याकोअता खूप होय '' 9 येशूने त्याहा कोल्यो ,'' ओ फिलीप्प , आय ओतो दिहे पोरोत तुमाआ आरी होय , आना नाहाकोत तू माहु नाहा ओळखीतल्यो? जीआ माहु पालील्यो होय तिये आबाहाहा पाल्यो होय तू काहा कोतलू का आबाहाहा आम्हुहू देखाड? 10 नाहाकोत तू विश्वास नाहा कोईत का आय आबहा माय होय आना आबहु माआ माय होय ए गोठी आय ताहु कोतलू, माआ त्यापोरोत नाहा कोहू शकत, परंतु आबहा माआ माय रोत त्याआ काम कोअत्लू 11 माआ विश्वास को का आय आबहा माय होय आना आय आबहा माय होय ; नहाते कामाआ कारनोवाही मापो विश्वास को 12 आय तुमहू खोरो- खोरो कोतलू का जो माआ उपो विश्वास कोअत्लू, ओ काम आय कोअत्लू ते तो पण कोअही, नाहा ताहा त्याआ पेक्षाहि किबी काम तो कोअही, काहाके आय आबाहांही जात होय 13 जे किबी तुमु माआ नावामेहे मागे, तोच आय कोअही का पुत्रा च्या त्यापोरत आबहाआ गौरव उवे 14 केधी तुमु माआ त्यापोरोत माआ नावोवांहि किबी मागे, ताहा आय त्याहा कोअही 15 केधी तुमु माआ उपो प्रीती कोअता, ताहा माआ आज्ञाहा कोर्सरू 16 आय आबाहाहा विनंती कोअही, आना तो तुम्हामे एक फाशी मदतकोअनारू मेकलीही का तो आखीवेल तुमाआ आरी रोही 17 अर्थात सत्यांआ आत्माआ, ज्याहा जग ग्रहण नाहा कोअहू शकत, काहाके तो त्याहा पालीत नाहा आना त्याहा , ओळखीतल्यो; तुमु त्याहा ओलखीत , काहाके तो तुमाआ आरी रोतलू, आना तो तुम्हामे रोही 18 आय तुम्हामे अनाथ सोडविणारू नाहा; आय तुमाआ जागे आवीत होय 19 आना थोडीज वेल रोत गोयी होय का फासाड़ी जग माहु पलणारू नाहा, परंतु तुमु मांहु पालिलो; याआ याकोअता का आय जीवतु होय , तुमु पण जीवतु रोय 20 तिया तेदीइया ही तुम्हामे ओ होमजीत्ले का आय आपाआ आबहा आरी होय , आना तुमु मामेह, आना आय तुम्हामे होय आबहा आरी होय , आना तुमु मामेह, आना आय तुम्हामे होय 21 ज्याआ जागे माआ आज्ञा आना ते त्याहा पालिलो, तोज माआ उपो प्रीती कोअत्लू; आना जो मापो प्रीती कोअत्लू आना माआ माह त्याआ उपो प्रगट कोअही'' 22 दया यहूदा जो हेल्लनी नाहा ओतु, त्याहा कोल्यो ,'' ओ प्रभू, नाहाकोत उवे का तू आपाआ माह आम्हा उपो प्रगट कोअला पाल्तू आना जुगोपो नाहा?'' 23 येशूने त्याहा उत्तर आपिलू,'' केधी कोडु मापो प्रीती कोअत्लू ताहा तो माआ वचनाआ पालनारू, आना माआ आबहु त्याआ उपो प्रीती कोअही आना आय त्याआ जागे आवे नाणी त्याआ जागे रोही 24 जो मापो प्रीती नाहा कोईत , तो माआ वचन पालीत नाहा: आना जे वचन तुमु उनाईत ते माआ नाहा- नाहा ताहा आबहाआ होय , जीआ माहु मोकल्ये 25 आव गोठी आय तुमाआ आरी रोतलेतेह्लांम आय तुम्हामे कोल्यी 26 पोन सेवक अर्थात पवित्र आत्माआ ज्याहा आबहु माआ नावामे मेकलीही, तो तुम्हामे आखे गोठी हिकाडही, आना जे किबी आय तुम्हामे कोल्यो ओ आखे तुम्हामे ओर कोईत आपे 27 आय तुम्हामे शांती आपित जात्लू आपाआ शांती तुम्हामे आपोहो; जेहलो जगात आपत्ले, आय तुम्हामे नाहा आपित : तुमाआ मोन कासावीस न ओते आना बित नयेत 28 तुमु उनाईत का आय तुम्हामे कोल्यो,' आय जात होय , आना तुमाआ जागे फासी आवेज' केधी तुमु मापो प्रीती कोआ ताहा आव गोठीवाही आनंदाम उवे ओते का आय आबहा जागे जाय, काहाके आबहु माआ पोरोत वोडू होय 29 आना आय याआ आवत्ल्या पेलुज कोत आपिलू होय , जेव्हा ते होतगोयो जाय तेहालाम विश्वास को 30 पोन आय ओमे तुमाआ आरी जाअखो गोठी नाहा कोअनारू , आव जगोमेर्यू सरदार आवीत होय मापो तिया कोड्लूच अधिकार नाहा; 31 पोन ओ याआ याकोअता उवनारा होय का जग होमजीत्ले का आय आबहापो प्रेम कोअत्लू, आना जेहलो.