11
मरियम आना तोई बोइही मर्थाआ गाव बैथानिया लाजर नावाआ एक ,माहू मंद्वाज्यु ओतु 2 ए तेज मरिया ओती जीयी प्रभूपो इत्र टाकीत त्याआ गुडाहा आपाआ सिज्यावाही नुसल्यो ओते , यीज पाही लाजर दुखारयो ओतु 3 कोईत: त्याआ बोईहीही कोत मोकल्ये, “ओ प्रभू पाला , ज्यापो तू प्रेम कोअत्लू, तो मांदवाड्यू ओतु” 4 ओ उनाईत येशूने कोल्यो , “ओ आजार मोईला नाहा, पण परमेश्वराआ गौरवकोअता होय , का त्यावाही परमेश्वराआ पोऱ्याआ गौरव होय,” 5 येशु जाहा आना त्याआ बोअहिं आना लाजर यापो येशु प्रेम कोईत ओतु 6 तेबी पोन तिये उनाअयो तो मांदवाड्यू होय तो ज्या जागापो ओतु तीइही बेन दीही फासी थोबिलो गोल्यो 7 याआनंतर तिये शिष्यांआ कोल्यो , “आव आपु फासी यहुदात जाऊ” 8 शिष्यांनी त्याहा कोल्यो , "ऐ स्वामी, ओमेते यहुदी तापो डोणो देही होय , तेबी तू होमजीत्लो जात्लू? 9 येशूने उत्तर आपिलू, "नाहाकोत दिहाआ बारा तास उवनारा नाहा? जर कोडु दिहोम सालनारू ताहा तो ठोकर खाही नाहा काहाके आव जगोआ प्रकाश पालत्लू 10 जर कोडु पण राती सालही ताहा तो ठोकर खाहोव काहाके तीयाम प्रकाश नाहा 11 तिये याआ गोठी कोल्या याआनंतर त्यां कोहू लाग्यू , “आमाआ हेगांति हुवीत गोल्यो होय , पण आय त्याहा जागतू कोअला जात होय ” 12 तेहालाम शिष्यांनी त्याहा कोल्यो , “ओ प्रभूजी जर तो हुवीत गोल्यो होय ताहा हाजू ओतगोल्यु जानारू ” 13 येशुई ताहा त्याआ मोइलाविषयी कोल्यो पण ते होमज्ये का तिये हुविलाबद्दल कोल्यो होय 14 तेहालाम येशूने त्याहा हीदू पणे कोत आपिलू, लाजरस मोईत गोल्यो होय ; 15 आना आय तुम्हामुळे आनंदाम होय आय तीइही नेओतू ज्याहा तुमु विश्वास को पोन ओमे आव आमुहू त्याजागे जाऊ 16 तेहालाम थोमाई जो दिद्दमुस आखिलो जात्लू, आपाआ आरीवालाआ शिष्यांआ कोल्यो , “आव, आमुहू पण ह्याच्याबरोबर मोहुहू साला ” 17 तीइही पोतितकोईत येशुहू मोलुम उवे का लाजराहा कंमरुमे मेकीत चोर दीही उवे होय 18 बेथानी यरुशलेमाआ जागे बेन मैल अंतरापो होय 19 जास्तीज यहुदी मार्था आना मरीयेजागे आपाआ पायहोओ मोयलापो त्याहा सात्वना आपिलाकोअता आव्ये ओते 20 जाहा मार्थाए येशूउ आविलाआ माहिती जोडल्यापो ती त्याहा मिलीला गोयी पण मरिया कोअमे बोहित रोली 21 मार्था लेतजा येशुहू कोल्यो , ओ प्रभू जर तू इही रोला ओतलू ताहा माआ पाही मोअयू नसते 22 पोन ओमे पण आय होमजतोलो का जे किबी तू परमेश्वारापोरोत मांगनारू परमेश्वर ताहु आपी 23 येशूने त्याहा कोल्यो , “ताआ पाही फासी जिवंत उठ्णारू” 24 मार्था लेतजा तीही कोल्यो आय होमजतोलो का शेवटच्या दिहोम पुनरुस्थानाच्या टायमोमें तो जिवंत उठ्णारू 25 येशूने त्याहा कोइतलु पुनरुस्थान आना जीवोन आयुच होय ; जो कोडु मापो विश्वास मेकोहो तो मोअनारू तेबी पण जिवंत उठ्णारू 26 आना जो कोडु जिवंत होय आना मापो विश्वास मेकोहो तो अनंत काळपर्यत मोअनारू नाहा नाहाकोत तू आव गोठीपो विश्वास कोअते? 27 तिये त्याहा कोल्यो , ओ , ओ प्रभू आय विश्वास कोअते का परमेश्वराआ पोऱ्या जो ख्रिस्त जगुमे आविलो ओतु तो तांहुज होय 28 ओ कोत ती निहित गोयी आना आपाआ बोंहि मरियेला हादीत तीही गुपचुप कोल्यो का , “स्वामी आवयू होय आना ताहु हादीत होय ” 29 ओ उनाअताज ती लागेज उठित त्याजागे आवयी 30 येशु ओमे गावून पोतीतगोयू नेओतुपोणे त्याआ जागापो ओतूजींही मार्था लेतजा त्याआ भेट लेदि ओती 31 तेहालाम यहुदी तीआरी कोआ ओते , जे तीही सात्वना आपित ओते ओ पालीत ती मरिया लागेज उठित बारथे गोयी होय ती कबरेपो रोडहू जात होय ते तिया फासाडी जाऊ लागाडीत 32 जाहा मरिया तीइही पोती जीही येशु ओतु ताहा त्याहा पालताज त्याआ गुडापो पोडीत कोहू लागीई, ओ प्रभू जर तू इही रोला ओतलू, ताहा माआ पाही मोल्यु नसते 33 जाहा येशुई तीही आना यहुदियाहा जे तीआरी आव्ये ओते त्याहा रोडीलावेले पालील्यो तेहालाम आत्मावांहि दुखित आना खिन्न पोयो 34 आना कोल्यो , तुमु त्याहा कोठे मेक्ल्ये होय ? ओ प्रभू आविलो पालहु ल्या 35 येशु रोड्यू 36 तेहालाम यहुदी कोहू लागाडीत , पाला , तो त्यांपो केतो प्रेम कोईत ओतु 37 पोन त्यामेरोत किबी जानोतांहि कोल्यो , नाहाकोत ओ जीआ आंधलाआ डोआं उगड्यो, ओ पण कोहू शकला नाहा का ओ माहुहू मोल्यु नसते 38 फासी येशु मोनामे जास्तीज खिन्न ओतगोल्यु कबरेपो आवयू ती एक गुफा ओती आना तीपो एक डोणो मेकअलू ओतु 39 येशूने कोल्यो , “डोणो सेटे को” तियाअ मोल्याआ बोईहही त्याहा कोहू लागीई, ऐ प्रभू, त्यामेरोत ओमे घाणवास येत काहाके त्याहा माईत चोर दीही उवे होय 40 येशूने त्याहा कोल्यो , नाहाकोत आय ताहु कोल्यो नाहाआत्लू का , जर तू विश्वास कोअनारू ताहा परमेश्वराआ गौरव पालही 41 तेहालाम तिये तियाअ डोणुहु सेटे कोल्यु येशूने डोआं उपो कोईत कोल्यो , ओ आबुहू, आय तांआ धन्यवाद कोअत्लू का तू माआ उनाईत लेधलो होय 42 माहु मोलुम ओते , आखीवेल तू माआ उनात्लू पण जी गोर्दी आगडीफासाडी उबी होय त्यापोत आय ओ कोल्यो ज्यावाही का ते विश्वास कोअला जोवे का तू माहु मोक्ल्यीत होय 43 ओ कोत तिये वोडो शब्दावाही आवाज माईत कोल्यो , 'ओ लाजवातलु, निहित आव ' 44 जो मरण पाव्यू ओतु तो गाडीत्वाआ फाड्कावाही आथे गुडू बांधीत मेकलये निहित आव्यूअने त्याआ सोब रुमालावांही बानदल्यो ओते येशूने त्याहा कोल्यो , त्याहा सोडीत दया आना जाऊ दया 45 तेहालाम जे यहुदी मरीयेजागे आव्ये ओते आना त्याआ ओ काम पालीत त्याआपो त्यामरोत केताहा विश्वास कोल्योओ 46 पोन त्याआ मायारोत किबी जोओ परुश्याही जात येशूउ कामाहा माहिती आप्यी 47 यापो मुख्य याजक आना परुसी इये वोडी मिटीग हादिलो आना कोल्यो , आमुहू नाहाकोत कोईत होय ? ओ मांहु ताहा खुपुच चिन्हे देखाडीत होय 48 जर आमु त्याहा ऐहलेच सोडीत आपुहू ताहा आखे त्याआपो विश्वास मेकीत लेही आना रोमी आविलो आमु जागापो आना जाती बेनुपो राज्य कोहू लेही 49 तेहालाम त्याआ मायारोत कैफ नावाआ उनाआ माहुई जो तियाअ सालाआ मुख्य याजक ओतु त्याहा कोल्यो , ताहु किबी मोलुम नाहा; 50 पाच आना ओ पण होमाजाडीत नाहा का तुम्हाकोअता ओ हाजो होय का आम्हा माहाकोअता एक माहुहू माईलु आना आखी जाती नष्ट उवूंहू नाहा 51 पाच ए गोठी तिये आमापोरोत कोल्यो नाहा पण तियाअ सालाआ महायाजक ओतगोल्यु भविष्य वाचा कोअयी का येशु आव जातीकोता देही 52 पाच आना तियाअ जातीकोअता नाहा ताहा यकोअता पण का परमेश्वराआ तितर बितर उवलो पोऱ्याहा एकठे कोईत आपी 53 पाच कोईत तियाअ दिहेरोत ते तियाअ त्याहा माईत टाकिलाआ प्रयत्न कोहू लागाडीत 54 त्यामुळे येशु तिया टायमोपोरोत यहुदामे नावाजीत ओतगोल्यु फिर्यु नाहा पोन तिहीरोत जंगलातले, जागेण्या प्रांतात एफ्राईम नावोओ नगरामे निहित गोल्यो आपाआ शिष्याआरी होमजीत्लो रोंहु लाग्यू 55 पाच यहुदियाहा वल्हांडन तिवार जागे ओतु आना जास्तीज मांहे तिवाराआ पाल्या दिहेरोत यरुशलेमेत गोये का स्वतः शुद्ध कोअनारू 56 कोईत ते येशुहू होदहू लागाडीत , आना मंदिरोम उभे रोत आपसामेहे कोहू लागाडीत , “तुमु नाहाकोत फूस कोअता नाहाकोत तो तीवारोमे आविलो नाहा?” 57 पाच मुख्य याजक आना परुश्यांहि ए आज्ञा आपित मेकल्यी का जर कोडाआ मोलुम होय का येशु कोठे होय ताहा कोओलो म्हणजे ते येशुहू तोईत लेही .