10
आय तुमुहू खोरोज कोहो का जो कोडू मेंडवाडाआ बाआड़ने जाता दीहरीवुगेरोत चोढीत जातलू ते तो चोर आना लुटारू होय 2 पोन जो बाअणामोरोत विसमे जात्लू तो मेंढे सारणारू रोतो 3 त्यांकोअता राखवालदार बायणो उगडवित्लू आना मेंढे तिया आवाज उनाईत तो मेंढराना नाव घेऊन आवाज मोतुलो आना त्याहा बारथे नेहो 4 तो आपाआ आखे मेडांहा जेव्हा बारथे काडत्लू तेहालाम त्याआ आगाडी- आगाडी तो चालीलो आना त्याआ मेंढे त्याआ फासाडी -फासाडी चालते रोतेहे काहाके ते तिया आवाज ओलखीत 5 मेंढे कोडोबीही अनोळखातीनाहा ला पालीत त्याआ अनुसरण कोईत नाहा ते त्यापोरोत सेटे जातेहे काहाके ते तियाअ ओलखाळनाहा आवाज ओळखीतल्यो नाहा 6 येशु लेतजा त्याहा ओ दाखलू आप्यू पण ते होम्जीलो सेकेले नाहा का येशु नाहाकोत -नाहाकोत कोल्यो होय 7 यापो येशूने त्याहा फासी कोइतलु , "आय तुम्हामे खोरो कोल्यो होय का मेंढाकोअता बायणो आय होय 8 ते आखे माआ पेल्योओ आव्ये ओते , ते बाड आना बाड ओते परंतु मेंढावाही त्याआ उनाअयो नाहा 9 आय बायणो होय आना जो कोडु मारोत प्रवेश कोअत्लू ताहा त्याआ राखिलो उवे आना जागे आवे आना बारथे जाइअलो आना त्याहा खॉआलाकाजे जोडीत 10 बाड आवत्लू तो- तो फक्त चोरी , खून आना नाश कोइलाकोअता आवत्लू परंतु आय यकोअता आवयू होय का माहे जाअखो जीवोन जगू गोयो 11 “हाजू सारणारू आय होय , हाजू सारणारू आपाआ मेंढाकोअता जीव आपुहू शकतो”, 12 पोन पाडाआ मोजश्यू तो सारणारू नाहा आना मेंढे त्याआ स्वत:आ कायनाओत जेव्हा कोल्यू आवत्लू तो त्याहा पालीत नाहीत जात्लू आना कोल्यू मेढापो उडी टाकीत त्याहा दाणादाण कोअत्लू 13 कामकअनारी नाहीत जात्लू काहाके तो कामकोनारीइ होय काहाके त्याहा मेंढाआ कालजी कायनाओतो 14 हाजू सारणारू आय होय आपाआ मेडांहा आय ओलखीतलु आना माआ मेंढे माहु ओलखीत 15 तेहलूज ओलखीत जेहलो परम आबहु माहु ओलखीतलु आना आय परम आभाहांहा ओलखीतलु माआ मेंढाकोअता आय जीव आपोहो 16 माआ फासी मेंढे होय जी हुया गोठाम नाहा माहु त्याहा पण घेऊन आवजी होय ते पण माआ वांणी होमीजीलो आना आव गोठाम आविलो एक उवे फासाड़ी आखाआ एकुच सारणारू होय 17 परम आबहु माहु याकोअता प्रेम कोअत्लू का आय आपाआ जीव आपोहो आय आपाआ जीव आपोहो याकोअता का आय त्याहा फासी- फासी लेऊ शकतो ओ मापोरोत कोडु लेऊ शकत नाहा 18 पोन आय स्वतः माआ इच्हावाहि आपित होय तो माहु आपिलो अधिकार होय ओ आदेश माहु माआ परम आबहु त्यापोरोत मिल्यू होय 19 याआ शब्दापोरोत यहुदी अधिकारी माय एक फासी फुट पोड्यी 20 वारुज कोहू लागाडीत ओ गांडू पोयो होय यामे खराब आत्माआ लेतजा वास कोल्योओ होय तुमु ह्याआ काहा एकता? 21 किबी बिहरे माहे कोल्यो , 'ओ शब्द एगदा एहलो मांहाआ ओवुहू शकत नाहा का ज्याहा खराब आत्मावांहि वास कोल्यु होय ' खरोज ए कोडु खराब आत्माआ लागल्यो कोडु आन्दालाहा डोआं आपुहू शकत नाहा 22 फासाड़ी यरूशलेममोरोत फासो : स्थापिला तिवार आवयू ओतु आना ते दीही हियालामे ओते 23 येशु मंदिरोम सुलेमानाआ देवडीपाही फिरीत ओतु 24 तेहालाम यहुदी अधिकार्यांवाही त्याहा कोंडीत आना कोल्यो , "तू आमुहू कोयोजा संशयामे पोअनारू, जर तू ख्रिस्त होय ताहा आमुहू उघड कोआ 25 येशूने उत्तर आपिलू, "आय तुम्हामे कोल्यो होय आना विश्वास कोईत नाहा जे काम आय माआ आबहाआ नावामेहे कोअत्लू यामे तो स्वतः साक्षी होय 26 पोन तुमु माहे विश्वास कोईत नाहा काहाके तुमु माआ मेंढावालामरोत नाहा 27 माआ मेंढे माआ आवाज ओलखीत आना आय त्याहा ओलखीत ते माआ फासाडी आवत्ले 28 आय त्याहा अनंत जीवोन आपोहो त्याआ केधीज नाश उवे नाहा आना कोडु त्याहा मापोरोत मागित लेऊ शकत नाहा 29 माहु त्यांपो हक्क आपणारो माआ परम आबहु आखापोरोत महान होय माआ आबापोरोत त्याहा कोडु बुअसित शकत नाहा 30 माआ आबहू आना आय एक होय 31 फासाड़ी यहुदी अधिकार्यांवाही येशुहू देउलाकोअता डोणो विसित 32 येशु लेतजा त्याहा कोल्यो, आबापोरोत आय तुम्हामे अनेक हाजो काम देखाडीलाआ होय त्यामरोत कोडला कामाकोअता तुमु माहु डोणो देही होय ? 33 यहुदी अधिकार्यांवाही उत्तर आपिलू, आमुहू ताहु कोडोबीही हाजा कामाकोअता डोणोवांहिदेत कोईत नाहा ताहा यकोअता कोअनारू होय का तू परमेश्वराआ अपमान कोईत होय आना तू केवळ एक मांहु होय , स्वतःहा परमेश्वर घोषित कोईत होय 34 येशूने त्याहा उत्तर आपिलू, 'नाहाकोत ओ तुमाआ नियमांमे लेखिलो नाहा का , आय कोल्यो का तुमु आखे ईश्वर होय ' 35 नाहाकोत ईश्वर इंही त्याआ माहुंहु कोल्यो नाहा ज्याहा परम आबहा संदेश मिल्यू होय ? आना धर्म शास्त्राआ भंग कोल्योओ जाऊ शकत नाहा 36 नाहाकोत ओ तुमु त्याआ कोअता कोल्यो होय ज्याहा माआ निंदा आबहे स्वतःहा याआ जगात मोक्ल्यीत होय केवळ याकोअता का कोल्यो आय परमेश्वराआ पोऱ्या होय 37 जर आय माआ बाहाआ काम कोईत नाहा ताहा माआ विश्वास कोअहू नाहा 38 पोन जर आय माआ बाहाआ काम कोईत होय ताहा जर तुमु मापो विश्वास कोईत नाहा ताहा तियाअ कार्यापो ए विश्वास को ज्यापो तुमु ओ अनुभव कोहू सेकेहे आना ओलखुहू शकहू का माआ आबहू मामेह होय आना माआ आबहामे आय होय 39 योपो यहुदियाअत्राआ त्याहा कैदी बोनाडीलाकोअता एकवा फासी प्रयत्न कोल्योओ पोन येशु त्याआ आथे निहित गोल्यो 40 येशु फासाड़ी यर्दन च्या तिवोल तियाअ जाग्तली जातलू गोल्यो जीही पालील्यो योहान बाप्तिस्मे आपित ओतु येशु तिंही उबलु 41 जास्तीज माहे त्यांआपो आव्ये आना त्याहा कोल्यो , योहान लेतजा जाखो आश्चर्य काम कोअयी नाहा परंतु याआ माहुबारामे योहान लेतजा जे कोल्यो ओते ते आखे खोरोज निकलीलू 42 फासाड़ी त्याजागे जास्तीज माहु येशूवर विश्वास कोल्योओ.