9
तो तीहेरोत जातो ओतु ताहा तीये एक माहू पाल्यु ते तो जोलोमक्युज आंधलू ओतु 2 त्याआ शिष्यांनी त्याहा फ़ुस्ल्याआ, "ओ गुरुजी, कोडु पाप कोल्यु ओते का ओ आदोलो जन्मला, आव माहुहुं कान याआ आई-वडिलांनी?'' 3 येशुनी उत्तर आपिलू, "नाहा तिये पाप कोल्यु ओते नाहा त्याआ आई-वडिलांनी पोन ऐ याकोअता उवे का देवोओ काम तीयाम प्रगट उवे 4 जिये माहु मोक्ल्यीत होय , आमुहू त्याआ काम दीही न दिहोम कारने गरजेए होय ; ती रात आविलो होय ज्याम कोडु काम नाहा कोहू सेकेहे 5 जोपोरोत आय जगात होय , तो पर्यंत जगाआ प्रकाश होय '' 6 ऐ कोत तिये धरतीपो थुंकला, आना तियाअ थुकनाराआ गारू कोल्यु, आना ते गारू तियाअ आंधलाहा डोआहा लागाडी 7 त्याहा कोल्यो , "जा शिलोहाआ तलावूमे तुवीत ले शिलोह्चा अर्थ पाठविलेला त्याआ जात तुण्यो, आना पालीलो फासी आवयू 8 तेहालाम जागरयु आना जिये पालील्यो त्याहा भिक मागतले ताहा पाल्लये ओते कोअहु लागाडीत , "नाहाकोत ओ तो नाहा, जो बोहित भिक मागित ओतु?'' 9 किबी कोकानी कोल्यो , "ओ तोज होय ,'' बिहरे कोल्यो , "नाहा, पोन तिया तारखू होय '' तो कोल्यो , "आय तोज होय ' 10 तेहालाम ते त्याहा फुसिलो लागाडीत , "तांआ डोआं केहलो उगड्यो?'' 11 तिये उत्तर आपिलू, "येशू नावाआ एक माहुई गारू कोईत, आना माआ डोआहा लागाडी माहु कोल्यो , शिलोह्मोत जात तोवीत ले , आखरी: आय गोल्यू आना तुण्यो आना पालुहू लाग्यू '' 12 तिये त्याहा फ़ुस्ल्याआ, "तो का होय ?'' तो कोल्यो , "माहु नाहा मोलुम'' 13 माहे त्याहा जो पहीले आदोलो ओतु परुश्याकडे घेऊन आव्ये 14 ज्या तेदीही येशुनी गारू कोईत त्याआ डोआं उगड्यो ओते , तो शब्बाथाआ दीही ओतु 15 फासी परुश्याही पण त्याहा फ़ुस्ल्याआ का त्याआ डोआं कोडला रीतीवाही उगाडीत गोयी तो त्याहा कोल्यो , "तिये माआ डोआंपे गारू लागाड्ये, फासाड़ी मिती तुवीन लेधलो, आना ओमे पाल्तू'' 16 यापोरोत किबी परुसी कोहू लागाडीत , "ओ मांहु देवापो नाहा, काहाके ओ शब्बाथाचा दीही नाहा मानीत'' बिहीरावाही कोल्यो , "पापी मांहु एहलो चिन्ह केहलो देखाडहु शकतो?'' आखरी: तीयाम फुटी पोडीत गोयी 17 तिये तियाअ आंधलाहा फासी कोल्यो , "तिये तांआ डोआं उगड्यो होय तू त्याविषयी नाहाकोत कोतलू?'' तो कोल्यो , "तो संदेष्टा होय '' 18 पोन यहुदियाहा विश्वास नाहा पोयो का तो आदोलो ओतु आना ओमे पालत्लू, जोपोरोत त्याआ -त्याआ डोआं उगड्यो ओते , आई-वडिलांना हादीत 19 त्याहा फ़ुस्ल्याआ, "नाहाकोत ओ तुमाआ पोऱ्या होय , ज्याहा तुमु कोअता का आदोलो जन्मूला ओतु? फासाड़ी ओमे तो केहलु पालीलो होय ?'' 20 त्याआ आई-वडिलांनी उत्तर आखे , "आमुहू ताहा मोलुम होय का ओ आमाआ पोऱ्या होय , आना आदोलो जन्मूला आवयू ओतु; 21 पण आमुहू ओ नाहा मोलुम का ओमे केहलो पालीलो होय , आना ओ नाहा मोलुम का कोडु त्याआ डोआं उगड्यो तो वयोम आवल्यु होय , तीयाहा फुसीत ल्या ; तो आपाविषयी स्वताआ आखीत आपी'' 22 ए गोठी त्याआ आई-वडिलांनी याकोअता कोल्यो काहाके ते यहुदियाहा बित ओते , काहाके यहुदी एकमोत बित ओते का जर कोडु कोअही का तो ख्रिस्त होय , ताहा सभाग्रह आथोवाही काढ्या जानारू 23 याकारनोवांही त्याआ आई-वडील कोल्यो , "तो वयोम आवयू होय , तीयाहा फुसीत ल्या '' 24 तेहालाम तिये त्याहा मांहाहा जो आदोलो ओतु, बिहीरा टायमोमें हादीत त्याहा कोल्यो , "देवोओ गौरव कोआम्हुहू ताहामालूम होय का तो मांहु पापी होय ,'' 25 त्याआ उत्तर आपिलू, "माहु एक गोठी मोलुम होय का तो पापी होय कोंयो नाहा; माहु एक गोठी मोलुम होय का आय आदोलो ओतू आना ओमे पालत्लू'' 26 तिये त्याहा फासी कोल्यो , तिये ताआ आरी नाहाकोत कोल्यु? आना कोडला प्रकारे तांआ डोआं उगड्यो?'' 27 तो त्याहा कोल्यो , आय ताहा तुम्हामे आखीत आपिलू, आना तुमु नाहा उनाईत; ओमे बिहीरा टायमोमें नाहाकोत उनायलो होय ? नाहाकोत तुम्हामे पण त्याआ शिष्य बोनीला होय ?'' 28 तेहालाम ते त्याहा वाईट- हाजो आखीत गोग्या, "तांहुज तिया शिष्य होय , आमुतेभी मोशेच शिष्य होय 29 आमुहू मोलुम होय का देवूही मोशेआरी गोठी कोअयी ओती; पण आव मांहाहा नाहा ओळखीतल्यो का कावालू होय '' 30 तिये त्याहा उत्तर आपिलू, ए ताहा आच्चार्याआ गोठी होय का तुम्हामे नाहा मोलुम का तो कावालू होय , तेबी पण तिये माआ डोआं उगाडीत आपिलू 31 आमहू मोलुम होय का परमेश्वराहा पापी महुअ नाहा उनाईत , पण जर देवाआ भक्ति होय आना त्याआ इच्छहावही चालते होय , ताहा तो त्याआ उनात्लू 32 जगाआ सुरवातीती ओ केधी उनीलाम नाहा आव्ये का कोडु तेबी जन्मापोरोत आंधलाआ डोआं उगड्यो 33 जर ओ माहहू देवापो नाहा ओतु, ताहा किबी नाहा कोहू शकत'' 34 त्याआ त्याहा उत्तर आपिलू, तू ताहा बिलकुल पापिमे जोल्मो लेदो होय , तू आमुहू नाहाकोत हिकाडत्लू? आना तिये त्याहा बारथे काढीत आपिलू 35 येशुनी उनाईत का तिये त्याहा बारथे काढीत टाक्ये, आना जेव्हा त्याआ आरी भेट उवी ताहा कोल्यो , "नाहाकोत तू देवाच्या पोऱ्यापो विश्वास कोअत्लू? 36 तिये उत्तर आपिलू, "ओ प्रभुजी, तो कोडू होय , का आय त्याआपो विश्वास कोहू ? 37 येशू त्याहा कोल्यो , "तुयें त्याहा पाल्लये तेबी होय काहा, आना जो ताआ आरी गोठी कोईत होय , तो तोज होय '' 38 इतो कोल्यो , "ओ प्रभुजी आय विश्वास मेकोहो'' आना त्याहा नमन कोयो 39 तेह्लाम येशू कोल्यो , "आय आव जगात न्यायनिवाडा कोइलाकोअता आवयू होय , काहाके जो आना पालीत, आना जे पालल्ते ते आंधले होतगोयो जानारू '' 40 परुश्यामरोत जे त्याजागे ओते तिये ओ उनाईत त्याहा कोल्यो, आमुंभी आंधले होयेत नाहाकोत? 41 जे परुसी त्याआ जागे ओते तिये ए गोठी उनाईत त्याहा कोल्यो , "जर तुमु आंधले ओते ताहा पापी नाहा ठेरवीही जाहो ; पण ओमे कोअते का आमु पालत्लू, याकोअता तुमाआ पाप बोणीत रोनारे.