8
पोन यीशु जैतून डोगाआ पोओं गोयु 2 फासाड़ी वेग स्युज येशु मंदिरोम गोल्यो आना त्याजागे आखे माहे त्याआ जागे आव्ये आना तो बोहित त्याहा संदेश आपुहू लाग्यू 3 तेहालाम यहुदी धोर्मी शास्त्री आना परुसी माहे व्यभिचार गुनाह्गारोमे उनाआ बोयोहो तियाअ जागापो घेऊन आव्ये आना तीही माअहाआआगाडी उभे कोल्यु 4 येशुहू कोल्यो , 'ओ येशु, ए बोयोआ व्यभिचार अतांवाही तोअन्याम आवयी होय 5 मोशेए नियमशास्त्राम आमुहू आज्ञा आपिला आवयी होय का एहलो बोंई डोनो माअये जोवे ओमे कोआ, तुमाआ नाहाकोत कोईओलो होय ? 6 (ओ येशुहू ओलखीलाकोअता ते त्याहा विचारोम ओते याकोअता त्याहा एहेलू नखरा मिलूहु वारू का जीयाद्वारे त्याआ विरूध लागाडता आवे ) तेहालाम येशु निसे टूगुवोलीत आपाआ आंगठीवाही धरतीपो लिखेहू लाग्यू 7 काहाके ते विचारोम रोल्या त्याकोता येशु उबु रोला आना त्याहा कोल्यो , 'तुमामेरोत जे पापी नेओय तिये पालील्यो यीपो डोणो माईलु' 8 आना तो फासी टूगुवोलीत धरतीपो लिखेहू लाग्यू 9 जाहा माहु ओ उनाअयो तेहालाम आखाम पेल्लू डायु माहे फासाड़ी फासी एक- एक कोईत त्याजागेरोत निहित गोये आना ह्याप्रमाणे तिंही येशु एखल्यू उबु रोला आना येशूउ आगाडी ती बोयोआ उबी ओती 10 येशु उबु रोला आना तियाअ बोंई कोल्यो , “ओ बोयोआ, ते आखे कोठे गोये नाहाकोत ताहु कोडु दोषी ठेरव्यो नाहा?” 11 बोयोआ गोगल्यी, 'नाहा, महोदय', कोडूच नाहा येशूने कोल्यो , आय पण ताहु दंड आपित नाहा जा, ओमे फासी पाप कोहू नाहा 12 fत्याजागे उपफसाडी स्थित माहुंहु येशूने कोल्यो , 'आय जगाआ प्रकाश होय ' जो कोडु माफासाडी आवे तो आदाराम रोही नाहा, आना त्याहा तियाअ उजवोडाआ प्राप्ती उवे जो जीवोन आपोहो 13 यापो परुसी त्याहा कोल्यो , 'तू आपाआ साक्षी स्वता: च आपित होय त्याकोता ताआ साक्षी योग्य नाहा' 14 उत्तरामे येशूने त्याहा कोल्यो, 'जर आय आपाआ साक्षी स्वता: च आपित होय तेबी पण माआ साक्षी योग्य होय काहाके माहु मालूमे होय आय कोरात आवयू होय आना कोहे जात होय परंतु तुमु माहु ओळखीतल्यो नाहा का आय कोरात आवयू होय आना कोठे जात होय 15 तुमु माहाआ नियमोहो न्याय कोअता आय कोडाआ न्याय कोईत नाहा 16 पण जर आय न्याय कोहू तेबी पण माआ न्याय योग्य रोही काहाके आय एखल्यू नाहा परंतु परम आबहु जीआ माहु मोक्ल्यीत होय तो आना आय मिलून न्याय कोअता 17 तुमाआ नियमांमे लेखिलो होय का बेन माहुऊ साक्षी ए न्याय कोतली 18 आय आपाआ साक्षी स्वता: कोतलू आना परम आबहु जीआ माहु मोक्ल्यीत होय , मापोरोत तो साक्षी आपोहो 19 यापो माहु त्याहा कोल्यो, ताआ आबहु कोठे होय ? येशूने उत्तर आपिलू, नाहा तुमु माहु ओलखीत आना नाहा तुमु माआ आबाहाहा ओलखीत जर तुमु माहु ओलख ओते ताहा माआ आबाहाहा पण ओलख ओते 20 येशु मंदिरामे हिकाडतो ओतु तेहालाम भेट वस्तूविषयी तो बोलतुल्यो ओतु पण कोडु त्याहा तोअल्यो नाहा काहाके फासी तिया वेल आवयू नेओतू 21 येशु त्याहा फासी कोल्यो , "आय निहित जानारू आना तुमु माआ होद मुडोपो परंतु तुमु स्वता: च्याच पापुमे मोअनारू आना जीही आय जात होय तीइही तुमु आवहू शकत नाहा 22 f यहुदी अधिकाफसाडी री कोडु लागाडीत , "नाहाकोत तुमु फूस कोअता का तो आत्महत्या कोअनारू होय ? काहाके तिये कोल्यो होय का तुमु तियाअ जागापो आवहू शकत नाहा ज्याजीजागे आय जात होय 23 त्यापो येशूने त्याहा कोल्यो, तुमु निसाऱ्ये होय आय वरून आव्यो होय तुमु संसाराआ होय आना आय आव जगाआ नाहा 24 याकोअता आय तुम्हामे कोल्यो ओते का तुमु स्वताआज पापाहाम मोअनारू जर तुमु विश्वास कोईत नाहा का आय तो होय तुमु आपाआ पापाहाम मांअहा 25 तिये येशुहू फासाड़ी फ़ुस्ल्याआ, तू कोडू होय ? येशूने उत्तर आपिलू आय तोज होय जो का पेलेरोत तुम्हामे कोल्यो आवयू होय 26 तुम्हामे कोइला आना तुमाआ न्याय कोईलाकाजे माआहने जाखो किबी होय परंतु खोरो ओच होय जीआ माहु मोक्ल्यीत होय त्यापोरोत जे जगत उनाअयो होय तोच आय कोअत्लू 27 ते ओ ओलखुहू सेकेले नाहा का येशु त्याहा परम आबहु विषयी कोल्यो होय 28 येशूने फासाड़ी कोल्यो , "जाहा तुमु माहाहा पोऱ्याहा उचो मुडोपो तेहालाम तुमु ओलखीही का आय तोज होयआय मापोरोत किबी कोईत नाहा ताहा आय जे किबी कोल्यो होय ते ओच होय का जे माहु माआ परम आबहाही हिकाड्ये होय 29 आना जीआ माहु मोक्ल्यीत होय तो माआरी होय , तिये माहु एखुल्योज सोडये नाहा काहाके कायम आय तोच कोअत्लू जे त्याहा गोमतो 30 येशु जेव्हा ओ कोल्यो ओतु तेहालाम जास्तीज माहु त्याआपो विश्वास मेकिलो 31 येशू तियाअ यहुदी अधिकाऱ्यांना कोल्यो जे त्याआपो विश्वास कोईत ओते , जे तुमु माआ संदेशाप्रमाणे सालनारू ताहा खोरोज माआ शिष्य उवे 32 आना खोरो नाहाकोत होय ते ओलखीही आना खोरो तुम्हामे मुक्त कोअही 33 यापो तिये येशुहू प्रश्न कोल्योओ, "आमुहू अब्राहामाआ वंशज होयेत , आमुहू कोडाआ गुलाम रोयोजे नाहीत ताहा तुमु केहलो केते का तुमु मुक्त उवे 34 येशु त्याहा उत्तर आपित कोल्यो , आय तुम्हामे खोरीज कोतलू हरएक जो पाप कोअत्लू तो पापाहा गुलाम होय 35 आना कोडु गुलाम कायमो परिवाराआरी रोत नाहा फक्त पोरयुज रोहू शकतो 36 जर पोऱ्या तुम्हामे मुक्त कोईत होय तोयोंज तुमु खोरो मुक्त उवे माहु मोलुम होय का तुमु अब्राहामाआ वंशज होय 37 आवहू तुमु माहु मोयईला प्रयत्न कोईत होय काहाके माआ संदेशाकोअता तुमाआ अंतकरणाआ किबी जागू नाहा 38 आय तोच कोअत्लू जे माहु आबहाही देखाडीलाआ होय आना तुमु तोच कोअता जे तुमु तुमाआ आबहाद्वारे उनाअयो होय 39 यापो तिये येशुहू उत्तर आपिलू, आमाआ आबहु आब्राहाम होय तेहालाम येशु त्याहा कोल्यो , तुमु जर अब्राहामाआ पोऱ्ये रोल्या ओते ताहा तुमु तोच काम कोल्यु ओते जे अब्राहमने कोल्यु ओते 40 पोन तुमु ताहा ओमे माहु म्हणजे एहलो माहुंहु जो तुम्हामे तियाअ सत्याहा कोल्यो होय जे तिये परमेश्वरपोरत उनाअयो होय त्याहा तुमु माआहि इच्छिता अब्राहमने ताहा एहलो कोल्यु नाहाआत्लू 41 तुमु आपाआ आबहाआ काम कोईत होय , फासाड़ी तिये येशुहू कोल्यो , आमुहू व्यभिचाराआ सहायाने जन्मूला आवयू नाहा आमाआ फक्त एकुच आबहु होय तो परमेश्वर होय 42 येशूने त्याहा उत्तर आपिलू, जर परमेश्वर तुमाआ आबहु ओतलू ताहा तुमु मापो प्रेम कोल्यु ओते काहाके आय परमेश्वारापोरोत आवयू होय आना ओमे आय इंही होय आय इंही स्वता: हून आवयू नाहा परंतु तिये माहु मोक्ल्यीत होय 43 आय जे तुम्हामे कोल्यो होय ते तुमु काहा उनाईत नाहा? ह्याआ काहाके ओच होय का तुमु माआ संदेश उनाईत नाहा 44 तुमु आपाआ आबहू सैतानाआ पोऱ्ये होय आना तुमु आपाआ आबाहाआ इच्छेवही सालन्याआ प्रयत्न कोईत होय तो सुरवातीरोत खुनी होय आना तिये वाटेए बाजू केधी लेदि नाहा काहाके तीयाम खोराआ दाणुजा नाहाजांहा तो खोटो गोगत्लू तेहालाम तो सहज भावनावाही गोगीत रोतो काहाके तो ठोग होय आना आखे खोटाहा जोल्मो आपोहो 45 काहाके आय खोरो कोल्यो होय तुमु मापो विश्वास कोईत नाहा 46 तुमामेरयू कोडू एहेलू होय तो मापो पापी ओईला दाग देखाडहु शकतो? जर आय खोरो कोल्यो होय ताहा तुमु मापो काहा विश्वास कोईत नाहा? 47 जो माहहू परमेश्वराआ होय , परमेश्वराआ वचनांमे उनात्लू त्याआ कारनोवाही तुमु माआ उनाईत नाहा का तुमु परमेश्वराआ नाहा 48 उत्तर आपित यहुदी त्याहा कोल्यो , "ओ कोआ का आमुहू खोरो नेओतू , तू सामरी होय आना तुमामे एखादी खराब आत्मावाही वास कोल्यु होय ? 49 येशूने उत्तर आपिलू, "मामेहे कोडूबी खराब आत्माआ नाहा, परंतु आय ताहा माआ आबहां आदर कोअत्लू आना तुमु माआ अपमान कोईत होय 50 पाच आय आपाआ महिमा कोईत नाहा परंतु एक एहेलू होय जो माआ महिमा कोहू इच्छितो आना न्याय पण कोअत्लू 51 पाच आय तुम्हामे खोरो कोतलू जर कोडु माआ संदेशा ला ग्रहण कोअत्लू ताहा तो मोईला काजे केधीज पलणारू नाहा 52 पाच यापो यहुदी अधिकरावाही त्याहा कोल्यो, ओमे आमुहू ओलख होय का तांआम कोडु दुष्टात्मा लेतजा वास कोअयी होय इहिंजा का आब्राहाम आना संदेश्ते माईत गोये आना तू कोयो होय जर कोडु माआ संदेशाप्रमाणे जातले ताहा त्याआ मरण उवे नाहा 53 पाच खरोज तू आमाआ आब्राहाम ह्यापेक्षा वोडू नाहा जो मरण पाव्यू आना संदेष्टे पण मोल्यापो तू नाहाकोत फूस कोअत्लू? तू नाहाकोत होय ? 54 पाच येशूने उत्तर आपिलू, जर आय माआ महिमा कोअयी ताहा ती महिमा किबी नाहा, जो माहु महिमा आपोहो तो माआ परम आबहु होय त्याविषयी तुमु आखाआगाडी कोआ का तो आमाआ परमेश्वर होय 55 पाच तुमु त्याहा केधी ओलख नाहा परंतु आय त्याहा ओलखीत्लू जर आय एहलो कोहू का आय त्याहा ओळखीतल्यो नाहा ताहा आय पण तुमाहोस ठोग ठराविलो काहाके आय त्याहा हाजा रीतीवाही ओलखीतलु आना तो जे कोतलू त्याआ आय पालीत कोअत्लू 56 पाच तुमाआ आगडीडाये ओ ओलखीत का तो याआ दिह्याहा पलणारू तेहालाम आय आविलो आनंदावाही पोईत गोल्यो ओतु तिये त्याहा पालील्यो आना प्रसन्न पोयो 57 पाच फासाड़ी यहुदी अधिकार्यांवाही त्याहा कोल्यो, तू ओमे पन्नास सालाआ पण नाहा आना तू आब्रामाहा पालीत लेधलो 58 पाच येशु यापो त्याहा कोल्यो , आय तुम्हामे खोरोज कोतलू, अब्राहामाहा पेल्योओ त्यापोरोत आय होय 59 पाच यापो तिये येशुहू देउलाकोअता वोड़े -वोड़े डोणो विसित परंतु येशु गुप्तपणे मंदिरामरोत निहित गोल्यो.