7
ई गोठीई फासाड़ी यीशु गलिलाआ में फिरयु यहूदी त्याह मारुह कोअता पालते फिरते ओते , कोईत त्याह यहूदियामेहे फीरीईआ इच्छा नाह उवी 2 यहुदिकाहाके याचा मांडवाचा तीवारे जागे आवयू ओतु 3 त्यापोत त्याआ पाहीही त्याहा कोल्यो , ईहिरोत याहुदामेहे जा काहाके जे नोवलोकाम तू कोअतलो ते तांआ शिष्य तिहीभी पलणारू 4 काहाके एहेलू कोडूच नेओय जो प्रसिद्ध ओवुहू इच्छितो पण गुप्तपणे काम कोअनारू ताहा तू ओ काम कोअतलो ताहा स्वतः जाहा ला जगात प्रकट को 5 काहाके त्याआ पाही पण त्याआपो कोईत नाहाआत्लू 6 तेहालाम येशूने त्याहा कोल्यो , माआ वेल फासी आवयी नाहा पण तुम्हाकोअता आखी वेल होय 7 जर जग तुमाआ द्वेष कोईत नाहा पण ते माआ द्वेष कोअता काहाके आय त्याआ विरोधाम साक्ष आपोहो का त्याआं काम वाईट होय 8 तुमु तीवारोमे जा; आय ओमे आव सनात जात नाहा काहाके फासी पर्यंत माआ वेल पुरो पोयो नाहा 9 तो त्याहा याआ गोठी कोत गालीलामुज रोत गोल्यो 10 पण जेव्हा त्याआ पाही तीवारोमे निहित गोये तेहालाम तो स्वतःपण उघड पणे नाहा पण जेहेकाय गुप्त पणे गोल्यो 11 यहुदी तीवारोमे ओ कोत होदहू लागाडीत , “तो का होय ?” 12 आना माहुमो गुपचुप जास्तीज गोठी ओवल्यु; कोडु कोल्यो ओते , "तो हाजू माहुहू होय 13 तेबी पण यहुदी पिकेवाही ते त्याआ विषयी उघड पणे गोगीत नाहाआत्लू 14 जाहा तीवारोओ आर्धोज दीही निहित गोये ; ताहा येशु मंदिरोम जात हिकवोन आपुहू लाग्यू 15 तेहालाम यहुदियाआ चक्कित ओतगोल्यु कोल्यो , “ईये हिकल्ये नाहा तेबी ज्ञान कोरात आव्ये?” 16 येशूने त्याहा उत्तर आपिलू, “माआ हिकवन माआ नाहा, पण माहु मोकलिनाराआ होय ” 17 जर कोडु त्याआ इच्चेप सालीला इच्छा कोअत्लू, ताहा तो आव हिकवोणीही होमजीत जानारू का ओ परमेश्वारापोरोत होय किंवा मापोरोत कोल्यो होय 18 जो खुद्पोरोन किबी कोतलू तो आपाज पालत्लू; पण जो आपाआ मोकलिनास्थाआ गौरव पाल्हू इच्छितो तोज खोरो होय आना तीयाम अधर्म नाहा 19 नाहाकोत मुसाई तुम्हामे नियम आपिलू नाहाआत्लू? तेबी पण तुम्हामे केते जोओ नियम शास्रापो चालते नाहा तुमु काहा माहु माईत टाकिलाकोअता मागतले? 20 माहु उत्तर आपिलू, तांआम खराब आत्माआ होय , कोडू ताहु माईत टाकिलाकोअता मांगत्लू? 21 आय एक काम कोल्यु, आना तुमु आखे आश्चर्य कोअता 22 त्याकोईत मुस्साने तुम्हामे सुंतेए आज्ञा आप्यी होय (ती मुस्साकडून नाहा पण आगलाडायापरोत आवल्यी होय ), आना तुमु शब्बाथआ तेदीही सुंता कोअता 23 म्हणजे मुस्साहा आज्ञा टालुहू नाहा कोईत ताहा तुमु मापो काहा त्यापोत रागाकोहे होय का शब्बाथआ तेदीही आय उनाआ माहुंहु हाजो कोल्यु? 24 “सोब पालहु न्याय कोहू नाहा ताहा खरोज न्याय को” 25 तेहालाम केते यरुशलेमोमे रोणारे कोहू लागाडीत , "नाहाकोत ओ तो नाहा नाहाकोत ज्याहा माईत टाकिलाआ प्रयत्न कोहू रोल्या होय ? 26 पोन पाला , तो ताहा उघड पणे गोगत्लू आना त्याहा कोडु किबी कोल्यो नाहा, नाहाकोत सरदारांही खरोज होमजीत लेधलो होय का ओच ख्रिस्त होय ? 27 याहा ताहा आमुहू ओलखीतलु का ओ कोडू/ कावालू होय ; पण ख्रिस्त जेव्हा आविलो तेहालाम कोडोबी मोलुम नेशेय का तो कोडू कावालू होय 28 तेहालाम येशु लेतजा मंदिरोम हिकवन आपित आवाज माईत कोल्यो , "तुमु माहु ओलखीत आना ओ पण मोलुम होय का आय कोरात होय आय ताहा स्वतः आवयू नाहा पण माहु मोकलीनारू खोरो होयत्याहा तुमु ओळखीतल्यो नाहा 29 आय त्याहा ओलखीतलु काहाके आय त्यापोरोत होय आना तीयेज माहु मोक्ल्यीत होय 30 योपो तिये त्याहा तोईला प्रयत्न कोल्योओ तेबी कोडूच त्याआपो आथे टाकुहू शकला नाहा काहाके त्याआ वेल फासी आवयी नाहाओती 31 तेबी पण गर्दीमेहे केते माहुहु त्याआपो विश्वास कोल्योओ आना कोहू लागाडीत , “ख्रिस्त जेव्हा आविलो ताहा नाहाकोत यांपोरोत जाखो आश्चर्य काम देखाडीही जे इये देखाडीलाआ?” 32 परुश्याही माहाहू तीयाविषयाम निकाईत -निकाईत गोठी कोअत्लूतेहलाम उनाअयो ; आना मुख्य याजक आना पारुश्यानी त्याहा तोओलाकोता हिपायांहा मोक्ल्यीत 33 यापो येशूने कोल्यो , “आय थोडो टायमोपोरोत फासी तुम्हाआरी होय फासाड़ी माहु मोकलीनाराही आय निहित जानारू ” 34 तुमु माहु होद्ही पण आय जोडनारू नाहा; आना जीही आय होय तीइही तुमु आवहू शकत नाहा 35 यापो यहुद्यांनी आपसामेहे कोल्यो , "ओ का जानारू का त्याहा आमुहू होदहू सेकेहे नाहा? नाहाकोत तो त्यांआपो जानारू का जे युनानी माय तितर बितर ओतगोल्यु रोत्ले, आना युनानीआ पण हिकवन आपी? 36 ए कोंडली गोठी होय का ती जीआ कोल्यी का तुमु माहु होद्ही पण आय तुम्हामे जोडनारू नाहा; आना आय जीही होय तीइही तुमु आवहू शकत नाहा 37 तीवारो शेवटच्या तेदीही जो मुख्य दीही होय येशु उबु रोला आना हादीत कोल्यो , जर कोडु तोर्ह्यु होय ताहा माआहने आव आना पिवा; 38 जो मापो विश्वास कोअनारू होय जेहलो पवित्र शास्त्रात होय त्याआ मोनामेरोत जीवनाआ खाडी वोहीत नीही; 39 तिये ओ वचन पवित्र आत्म्याआ विषयी कोल्यो , ज्याहा त्याआपो विश्वास कोअनारापो उतरीही ओते ; काहाके आत्माआ ओमेजा उतरीलो नेओतू काहाके येशु फासी पण आपाआ गौरवात पोतीतगोयू नेओतू 40 तेहालाम गर्दीमेहे केते जानोतांहि याआ गोठी उनाईत कोल्यो , “खरोज ओ तोज भविष्य वक्ता होय ,” 41 बिहराआ कोल्यो , “ओ ख्रिस्त होय ” पण केताहा कोल्यो , “काहा ? नाहाकोत ख्रिस्त गालीलोमरोत आविलो?” 42 नाहाकोत पवित्र शास्त्रात ओ आव्ये नाहा का ख्रिस्त दाविदाआ कुलोमरोत आना बेथलेहेम गावोमेरोत आविलो जीही दावीद रोत ओतु? 43 कोईत त्यापोत माहुंमे फुट पोडीत गोयी 44 त्यामरोत केते जोओ त्याहा तोईला प्रयत्न कोईत ओते , पोन कोडूच त्याआपो आथे टाक्यू नाहा 45 तेहालाम शिपाया मुख्य याजक आना परुसी जागे फिरीत आव्ये तिये त्याहा कोल्यो , तुमु त्याहा काहा घेऊन आव्ये नाहा? 46 शिपायाआ उत्तर आपिलू, “कोड्लाज माहुंऊ खोरोज एहलो गोठी कोअल्यो नाहा” 47 पारुश्यानी त्याहा उत्तर आपिलू, नाहाकोत तुमु पण भार्मावून गोये होय नाहाकोत? 48 नाहाकोत सरदार आना पारुश्यामरोत कोडु त्याआपो विश्वास कोल्योओ होय ? 49 पोन ऐ मांहे ज्याहा नियामशास्त्र मोलुम नाहा शापित होय 50 पाच निकुदिमुस जो पेल्ल्लु त्याजागे आवयू ओतु आना त्यामेथुं उनाआ ओतु त्याहा कोल्यो , 51 पाच “नाहाकोत आमुहू नियामशास्त्र कोडोबीही माअहुहू जोपोरोत पहीले त्याआ उनाईत होमजीत लेत नाहा का तो नाहाकोत कोईत होय दोषी ठरविहो?” 52 पाच तिये त्याहा उत्तर आपिलू, "नाहाकोत तू पण गालीलाचा होय ? होद आना पाला , का गालीलोमरोत कोडु भविष्य वक्ता प्रकट उवे नाहा नाहाकोत? 53 पाच तेहालाम आखे आपाआपाआ कोआ निहित गोये.