4
फाशो जाहा प्रभु हु मोलुम उवो का परुशीई होमले का यीशु योहानो रोत जाआखे चेले बोनावतलु आना त्याह बप्तिस्मो बी आपतलू होय 2 कदाचित येशू खुद नाहा त्याआ शिष्य बाप्तिस्मे आपित ओते 3 तेहालाम तो यहुद्यांमे सोडीत फासी गालीलामेहे निघाल्यू , 4 आना त्याहा शमरोना मायारोत निहित जाअलोच लागाडीत 5 सुखार नावोओ उनाआ शमरोनाआ नगरा पर्यत आवयू जे तियाअ धरतीइ जागे होय ज्याहा याकोबाआ आपाआ पोऱ्या योसेफ ला आप्यू ओतु; 6 आना याकोबा वेअ होमजीत्लो ओती येशू वातेम थाकल्यु ओतु तियाअ वेअ जागे सहज बोहित गोल्यो ए गोठी सहावू तासा जागे पास उवी 7 तोह्लाम एक शामरोनी बोयोआ पाई पोहुं आवयी येशूने तीयीही कोल्यो,'' माहु पाई पिवाड'' 8 काहाके त्याआ शिष्य ताहा नगरामे रोटू वेसातो घेण्यासाठी गोये ओते 9 ती शामरोनी बोयोआ त्याहा तेकोहे ,'' तू यहुदी ओमेत आय शामरोनी बोयोआ त्यापोरोत पाई काहा मागित होय ,' काहाके यहुदी शामरोनी आरी कोड्लाज प्रकारचा व्यवहार कोईत नाहा 10 येशुई उत्तर आपिलू,'' केधी तू परमेश्वराआ दानाहा ओलखित्लू, आना याहा पण ओलखित्लू का तो कोडू होय जो ताहु कोल्यो होय ,' माहु पाई पिवाड,' ताहा तू त्याआ त्यापोरोत मागल्यो, आना तो ताहु जिवनाआ पाई आपे '' 11 बोयोआ नि त्याहा कोल्यो '' ओ प्रभू ताअही ताहा पाई पोईला याकोअता किबी नाहा, आना वेअ उंडो होय ; ताहा फासाड़ी ताआ त्याही जिवनाआ पाई किहीरोत आव्ये? 12 नाहाकोत तू आमाआ आबहु याकोब पेक्षा वोडू होय , जीआ आमुहू ए वेअ आप्यी ; आना तुमु आपाआ पोऱ्ये, आना आपाआ जनावरे आरी यामरोत पिदो?'' 13 येशूने त्याहा उत्तर आपिलू,'' जो कोडू ओ पाई पीय त्याहा फासी तीह लागे, 14 परंतु जो कोडू याआ पाण्या मायारोत पीय जे आय त्याहा आपी, तो आखिर च्या कालु पर्यंत; तरहयु उवे नाहा; नहाते जे पाई आय त्याहा आपही , तो तीयाम एक ओर बोनीत जाय का सर्वकालिक जिविओ याकोअता उकलीत्ला पाअयोओ कुवू एहलो उवे; 15 बोयोआ लेतजा त्याहा कोल्यो ,'' ओ प्रभू ते पाई माहु आप काहाके माहु तीह लोग नाहा आना पाई पोहुं एतांम सेटू आवे '' 16 येशू लेतजा तीही कोल्यो ,' जा ताआ माटी हादीत लेताव'' 17 बोयोआ लेतजा उत्तर आपिलू, आय बिना वोरोओ होय '' येशू लेतजा तीही कोल्यो ,'' तू आरी कोल्यो होय ,'' आय बिना वोरोओ होय ' 18 काहाके तू पाच वोडले बोनाडहि होय , आना ज्याआ जागे तू रोत होय तो पण ताआ नवरा नाहालो तू खोरोज कोतल्यो होय '' 19 बोयोआ लेतजा त्याहा कोल्यो ,'' ओ प्रभू, माहु लागेहे का तू भविष्य वक्ता होय 20 आम्हा पूर्वजांहि याज डोगोपो उपासना कोअयी जोवे यारुशलेम माय होय '' 21 येशू लेतजा तीही कोल्यो ,'' ओ बाय , माआ गोठी उपो विश्वास को का ती एज वेल होय का तू नाहा आव डोगोओ उपो उपासना कोइलाआ, नाहा यरुशलेमेम 22 तुमु ज्याहा नाहा ओळखीतल्यो, त्याआ भक्ती कोअता; आना आमु ज्याहा ओलखीतलु त्याआ भक्ताहा कोअत्लू; काहाके सूटकारू यहुदिया मायरोन होय 23 आवहू ती वेल आवीत होय , नाहा ताहा ओमेज होय , ज्याम खोरो भक्त आबाहाआ उपासना आत्माआ आना खोरो पनानी कोअही, काहाके आबहु आपाआ याकोअता एह्लाज माहुंहु होद्तलो 24 परमेश्वरआ आत्माआ होय , आना गरजेए होय का त्याआ उपासना कोअनारे आत्माआ आना खोरो पनानी उपासना कोअता'' 25 बोयोआ लेतजा त्याहा कोल्यो ,'' मांहु मोलुम होय का ख्रिस्त जो येशू ख्रिस्त कोल्या जात्लू, आवनारू होय ; जेव्हा तो आवे , आम्हुहू खाजगी गोठी कोत आपे '' 26 येशू लेतजा त्याहा कोल्यो , आय जे ताआ आरी गोगीत होय तोज होय '' 27 तेतोन तेच त्याआ शिष्य फासी आव्ये, आना आश्चर्य कोअला लागाडीत का तो बोयोआ आरी गोठी कोईत होय ; तेबी किबी फ़ुस्ल्याआ नाहा,'' ताहु नाहाकोत जोवे?'''' क्याहाकोअता तिया आरी गोठी कोईत होय ?'' 28 तेहालाम बोयोआ आपाआ घागर सोडीत नगरामे निहित गोयी, आना माहुंहु कोहू लागीई, 29 आव एक महांआ ला पाला , जीआ आखे किबी जे आय कोल्यु ते माहु कोत आप्येकेधी ओच ताहा ख्रिस्त नाहा?'' 30 आखरी ते नगरामारोत निहित त्याआ जागे आवी लागाडीत 31 याआ माय त्याआ शिष्यांनी येशू ला ए विनंती कोअयी,'' ओ रब्बी , किबी खात ले '' 32 पोन तिये त्याहा कोइतलु ,'' मांही खाअलाकोता एहलो रोटू होय ज्याहा तुमु ओळखीतल्यो नाहा 33 तेहालाम शिष्यांनी आपसामेहे गोग्या,'' नाहाकोत कोडु त्याआ याकोअता कोडु खाहुं लेत आवयू होय ?'' 34 येशू लेतजा त्याहा कोल्यो ,'' माआ रोटू ओच होय का माहु मोकलीणारा च्या इच्छा नुसार चालीलो आना त्याआ काम पुरो कोहू 35 नाहाकोत तुमु नाहा कोल्यो,' वाडीलो उविलाकोअता चोर मोयना बाकी होय पाला , आय तुम्हामे कोतलू, आपाआ डोआं उगाडीत खेताम त्याही नजर लागाडा का ते वाडीलो याकोअता पाकीत गोये होय 36 वाडीलो कोअनाराहा मोजरी जोळे आना सार्वकालिक जिविओ याकोअता फोले जमा कोअत्लू, काहाके पेअनारू आना वाडीलो कोअनारू बेनु मिलून आनंद कोअही 37 काहाके इंही ए को आरी बहते होय : पेईलो कोअनारू आना फाशी होय वाडीलो कोअनारू फाशी ; 38 आय तुम्हामे ते खेत वाडीलो याकोअता मोकल्ये ज्याम तुमु काम नाहा कोल्या बिहराआ परिश्रम आना तुमु त्याआ मेह्नोतोहो फलोमे गोवाद्या होय'' 39 आव नगरामेहे जाअखो अश्या शमरोन्यांनी तियाअ बोयोआ च्या कोल्यावाअहि येशू उपो विश्वास कोल्योओ; काहाके ती लेतजा ए साक्ष आप्यी ओती; तीयी आखे किबी जे आय कोल्यु होय , माहु कोत आपिलू 40 याआ याकोअता जेव्हा ते शामरोनी त्यांही आव्ये, ताहा विनती कोअला लागाडीत का आम्हा का ईहि रो आखरी तो तिही बेन दीही पर्यत रोला 41 त्याआ वचनाआ कारनावाही आना जाअखो जानोतांहि विश्वास कोल्योओ 42 आना तियाअ राती ला कोल्यो,'' ओमे आमुहू कोअलावाहीज विश्वास कोल्योओ नाहा कोईत ; काहाके आमुहू ताआज कानून उनाईत लेधलो, आना ओलखीता येत का ओ खरोज जगाआ उद्धार कर्ता होय '' 43 फासाड़ी तियाअ बेन दिह फासाड़ी तो गालीलामेहे गोल्यो 44 काहाके येशूने आपाज साक्ष आप्यी का भविष्यकोआनारी आपाआ त्याहा आदर नाहा मिलीअलो 45 जाहा तो गालीलामेहे आवयू, ताहा गालीली आनंदावाही त्याहा मिल्ये; काहाके आपारी काम तिये यरुशलेमेम पूर्वीच्या वेले कोल्यु ओते , तिये आव आखाहा पालील्यो काहाके ते पण पूर्वी गोये ओते 46 तेहालाम तो फासी गालीलाआ कानुमे आवयू, जीही तिये पाअयोओ द्राक्षरस बोनाड्यू ओतु तिही राज्याआ एक कर्मचारी आवयू ओतु ज्याचा पोऱ्या कफर्नहममध्ये मांदवाड्यू ओतु 47 तो ऐ उनाईत का येशू यहुदिया पोरोत गालीलामेहे आवीत गोल्यो होय , त्याआ जागे गोल्यो आना त्याहा विनंती कोअला लाग्यू का जात माआ पोऱ्याहा हाजो कोईओलो; काहाके तो मोईला काजे टेकल्यू ओतु 48 येशूने त्याहा कोल्यो, जो पर्यत तुमु चिन्ह आना अद्भुत काम नाहा पलणारू तो पर्यत, कदाचित विश्वास कोअनारू नाहा'' 49 राज्याआ कामकोअनाराही त्याहा कोल्यो,'' ओ प्रभू पोऱ्याआ मोरण उविलाआगाडी साला '' 50 पाच येशूने त्याहा कोल्यो'' जा, ताआ पोऱ्या जीवतु होय '' तियाअ मांहुहू कोल्यू गोठीई विश्वास कोईत निहित गोल्यो 51 पाच तो वातीमेज ओतु त्याआ दास त्याहा आवीत जोडयेहे आना कोहू लागाडीत ,'' ताआ पोऱ्या जिवंत होय '' 52 पाच तिये त्याहा फ़ुस्ल्याआ,' कोडला वेले तो हाजू ओवुहू लाग्यू ?'' तिये त्याहा कोल्यो ,'' काल सातवा टाईमोओ तिया जोरू उतरीलो'' 53 जयो आबहाए होमजीत लेधलो का ते याज वेळेला उवे, का येशूने त्याहा कोल्यो ,'' ताआ पोऱ्या जीवतु होय ,'' आना तिये आना त्याआ आखे कोऱ्यामे विश्वास कोल्योओ 54 पाच ओ बिहरु आश्चर्य काम ओते जे येशू लेतजा यहुदिया मायारोत आवीत गालीलामेहे आवयू.