3
यरुशामेहे रोत निकदेम नवाआ एक माहू ओतु जो यहूदियाआ सरदार ओतु 2 तिया तो राती येशूउ जागे आवीत त्याहा कोल्यो ,' ओ गुरुजी, आमुहू मोलुम होय का परमेश्वारापोरोत गुरु होतगोयो आवयू होय , काहाके कोडु आव चीन्हाआं जे तू देखाडत्लू, जर परमेश्वर त्याआ आरी नाहा ताहा नाहा हिकवीही शकत'' 3 येशूने त्याहा उत्तर आपिलू, "आय तुम्हामे खरोज कोतलू का, जर कोडु नविनफासो जन्मला नाहा ताहा देवोओ राज्य पालहू नाहा शकत'' 4 निकेदम त्याहा कोल्यो , "मांहु जेव्हा ड्यू होतगोयो गोल्यो, ताहा केह्काय जोल्मो उवहू शकतो? नाहाकोत तो आपाआ आयाहिई पेटाम बिहरावारी प्रवेश कोईत उवहू शकतो?'' 5 येशूने उत्तर आपिलू, आय तुम्हामे खरोज कोतलू, जोपोरोत कोडु मांहु पायोंपोरोत आना आत्म्यामेरोत जोन्म्या वासित ताहा तो देवाच्या राज्याम प्रवेश नाहा कोहू शकत 6 काहाके जो डीलोवांही जन्मला होय , तो डील होय ; आना जो आत्मू पोरोत जन्मला होय , तो आत्माआ होय 7 सहारू नाहा कोहू का ती तुम्हामे कोल्यी होय ,' ताहु नविनफासो जोल्मो घेण्यासाठी गरजेए होय ' 8 वारू जीई वोहत्लू तीई वोहत्लू आना तू त्याआ शब्द उनात्लू, पण नाहा होमाजाडीत का ती कारोन येत आना का जाहो ? जो कोडु आत्म्यामेरोत जन्मला होय तो एहलो होय '' 9 निकेदमाहि त्याहा उत्तर आपिलू, "आव गोठी केहलो ओवुहू सेकतेहे?'' 10 ओ उनाईत येशू त्याहा कोल्यो , "तू इस्त्राएलचआ गुरु ओमेत पोन नाहाकोत आव गोठीकोता नाहा होमाजाडीत? 11 आय तुम्हामे खरोज कोतलू का आमुहू जे होमजीत्लू तोच केते, आना ज्याहा आमुहू पाल्लये होय त्याआ साक्ष आपत्ले, आना तुमु आमाआं साक्ष तेईतले नाहा कोईत 12 जाहा आय तुम्हामे धारेतीई गोठी कोल्या आना तुमु आमाआं साक्ष तेईतले नाहा कोईत , जर आय तुम्हामे स्वर्गाची गोठी कोहू ताहा फासाड़ी केहलु विश्वास कोअनारू ? 13 कोडु स्वर्गापो नाहा सोड्या, फक्त तोज जो होर्गामरोत उतरीलो, म्हणजे माअहा पुत्र जो होर्गाम होय 14 आना ज्या रीतीवाही मोशेवाही जगलूम सापाला उचो कोल्योओ, त्याआ रीतीवाही माहा होय का माअहा पुत्र पण उसापो सोढया जावा ; 15 यकोअता का जो कोडु त्याआपो विश्वास मेकही त्याहा सार्वकालिक जीवोन जोडयो उवे 16 काहाके देवूही जुगोपो अहलो प्रेम कोल्यु का तिये आपाआ एखलूच एक पुत्र आप्यू , यकोअता का जो कोडु त्याआपो विश्वास मेकोहो तिया नाश ओवुहू कायना ताहा त्याहा सार्वकालिक जीवोन जोडीत 17 देवूही आपाआ पोऱ्याहा याकोअता नाहा मोक्ल्यीत का जगाआ न्यायनिवाडा कोइलाकोअता नाहा, पण याकोअता का जगोवाही त्याआ व्दारे तारण उवे 18 जो त्याआपो विश्वास मेकोहो, तिया न्यायनिवाडा नाहा उवनारा, पण जो त्याआपो विश्वास नाहा कोईत , तो सुकीत जोड्त्लू; याकोअता का तिये देवाआ एखलूच एक पुत्राच्या नावापो विश्वास नाहा कोईत 19 आना न्यायनिवाडा मुळे ओ होय का प्रकाश जगात आवयू होय , आना माहुहीई अंधाराहा उजवोडापेक्षा जाखो सोडवीत कोल्यु काहाके त्याआ काम वाईट ओती 20 काहाके जो कोडु वाईट कोअत्लू, तो उजवोडाआ तिरस्कार कोअत्लू, आना उजवोडाओ जागे नाहा आवीत , नाहा एहलो नाहा ओवो का कामापो दोष लागाड्यू जानारू 21 पोन जो खोरापोओ चालीलो, तो उजवोडा जागे आवत्लू, याकोअता का त्याआ काम जोडयो उवे का तो देवापो ओवल्यु होय '' 22 त्याफासाडी येशू आना त्याआ शिष्य यहुदिया प्रांतात आव्ये; आना तो तीइही त्याआ आरी रोत बाप्तिस्मे कोअला लाग्यू 23 योहान पण शालिमा जागऱ्या एनोन बाप्तिस्मे कोईत ओतु, काहाके तीइही खूप पाई ओते , आना माहे आविलो बाप्तिस्मे लेत ओते- 24 योहान त्याटायमोहो पर्यंत पेलाम नाहा टाक्यू गोल्यो ओतु 25 तीइही योदानाआ शिष्यांआ कोडला तहोदानाचे आरी शुद्धी कोइलविषयि वादविवाद पोयो, 26 आना ते योहानाही आविलो त्याहा कोल्यो , "ओ गुरुजी, जो माहहू यर्दीनेए जागे ताआ आरी ओतु, आना ज्याआ साक्ष आप्यी ओती; पाला , ते बाप्तिस्मे आपित , आना आखे जोओ त्याआ जागे आवत्ले '' 27 योहानाई उत्तर आपिलू, "जो पर्यंत मांहाहा होर्गामरोत नाहा आप्या जानारू , तोपोरोत तो किबी नाहा मेलवूहु शकत 28 तुमु ताहा स्व ताच माआ साक्ष होय का आय कोल्यो ,' आय ख्रिस्त नाहा, पण त्याआ आगाडी मोकलील्यो गोल्यू होय ' 29 ज्याआ लाडी होय , तोज उपो होय , पण वरोओ हेगांति जो उभे रोत त्याआ उनात्लू, त्याहा वोरोओ शब्दापोरोत जाखो आनंद ओतू : ओमे माआ ओ आनंद पुरो उवे होय 30 अवश्य होय का तो वोद्नारू आना आय कोम उवे 31 '' जो उसेरोत आवत्लू आखाआ उपो होय , जो धरतीपोन आवत्लू तो धोरतीई होय , आना धोरतीइ गोठी कोतले जो होर्गापोरोत आवत्लू तो, धारेतीई उपो होय 32 जे किबी तिये पालील्यो आना उनाईत होय , त्याआज साक्ष आपोहो; आना कोडु त्याआ साक्ष तेईतले नाहा कोईत 33 जीयाई त्याआ साक्ष तेईतले कोईत लेदि तिये आव गोठीपोरोत शिक्का लागाडी आप्यी का देव खोरो होय 34 कोईत ज्याहा परमेश्वराने मोक्ल्यीत होय , तो परमेश्वराआ गोठी कोतलू; काहाके तो आत्माआ परिमित नाहा आपित 35 आबहू पोऱ्यापो प्रीती कोअत्लू जीआ आखे वस्तू त्याआ आथे आप्यी होय 36 जो पोऱ्यापो विश्वास मेकोहो, सार्वकालिक जीवोन त्याआ होय ; पण जो पोऱ्याआ नाहा उनाईत , तो जीवनाहा नाहा पालीलो, पण देवाआ राग त्याआपो रोतलू''.