2
फासाडी तीसरे दीही गलिलाआ काना गाव मेंहे एखाआ वेहेवाल ओतो , आना यीशु आपही बी तीही ओतो 2 वेहवालोम येशु आना त्याआ शिष्य यांहा पण आमंत्रण ओते 3 त्याजागे जेव्हा द्राक्षरस सेलायू तेहालाम येशुऊ आयहि येशुहू तेकोहे , त्यांआपो ओमे द्राक्षरस नाहा 4 येशू त्याआ आयहीही कोल्यो , "ओ तू माहु काहा कोल्यो होय ? माआ वेल फासी आवल्यी नाहा" 5 फासाड़ी त्याआ आयही पावारोहो कोल्यो , "ओ जे किबी कोअही ते को 6 त्याजागे पाई पोईला सहा डोणाआ कुंडे मेक्ल्ये ओते ओ कुंडो मेकल्ये ओते जेहलो यहुदी पवित्र उंघलीलाकाजे कामोम आवीत ओते हरएक कुंडाम तीन -तीन मोन पाई होमाय एहलो ओते 7 येशूने पावारोहो कोल्यो , "कुंडामे पाई पोईत दया", आना पावरोओ कुंडामे काठोकाठ पाई पोईत आपिलू 8 फासाड़ी तिये त्याहा कोल्यो , "ओमे थोडोज बारथे काडा, आना रोटू कारभाऱ्याहि घेऊन जा तेहालाम ते घेऊन गोये 9 फासाड़ी जेव्हा रोटू कारभाऱ्या त्याआ चव लेदि , जे द्राक्षरस बोन्यो ओते त्याहा कोलेहे नाहा का ओ द्राक्षरस कोरात आव्ये परंतु तियाअ पावारोहो मोलुम ओते , जिये पाई काढ्ये ओते फासाड़ी रोटू कारभाऱ्या वोरोहो हादाडये 10 आना त्याहा कोल्यो , हरएक जोओ पालील्यो हाजो द्राक्षरस आपोहो आना हादाडल्यो माहे जेव्हा तृप्त ओये तेहालाम निरस परंतु तुमु ताहा उत्तम द्राक्षरस ओमेजा राखीत मेकिलो होय 11 येशूने गालील च्या काना गावून पालील्यो आश्चर्य काम कोईत आपाआ महिमा प्रकट कोअयी जीयाद्वारे त्याआ शिष्यांनी त्याआपो विश्वास कोल्योओ 12 याआनंतर येशु आना आपाआ आयहि , पाही आना चेलाआरी कफर्णहुमात जातले गोये तीइही ते किबी दीही रोल्या 13 यहुद्याआ व्हलांडण तिवार जागे आवयू होय त्याकोता येशु यरुशलेमोमे जातलू गोल्यो 14 त्याजागे मंदिरोम येशूने पालील्यो का माहे डोगरे , मेंढे पेरवे याआ विक्री कोईत ओते आना शिक्के बद्लीनारे व्यापारी आपाआ गादिपो बोह्ये ओते 15 त्याकोता तिये दोराआ कोरठा बनविल्यो आना आखाहा डोगरे , मेंढे आना बोलोद मंदिर ओढीत आपिलू आना शिक्का बोदलिनाराआ शिक्काआ खुर्दाही उलटावीत आप्यू आना चौरंग उबडो कोल्यु 16 पारवो वेसनाराहा कोल्यो , "यांहा बारथे घेऊन जा, माआ आबहाआ कोओहो बाजार नाहा बानडह" 17 यापो त्याआ शिष्यांआ ओर आवयी का शास्त्रात लेखिलो होय का , ताआ कोओकोअता माआ धून माहुंज खात टाकही 18 उत्तर आपित यहुदी येशुहू कोल्यो , तू आमुहू कोठले अदभूत चिन्ह देखाडहु शकतो का ज्याआपोरोत तू जे किबी कोअत्लू तिया तू अधिकारी होय ओ स्पष्ट कोहू शकतो? 19 येशु लेतजा त्याहा उत्तर आपित कोल्यो, "याआ मंदिराहा पोडीत टाका, आय तीन दिहोम उभे कोअही" 20 यापो यहुदी कोल्यो , 'याआ मंदिराहा बांधण्याकोअता सालीहनेसोव वर्षे लागीई ओती आना त्याहा तू तीन दिहोम बनाडूहु निघाल्यू ?' 21 परंतु आपाआ सांगण्यात ज्या मंदिराबद्दल येशूने चर्चा कोअयी ओती ते त्याआ डील ओते 22 आगाडी जात जेव्हा तो मोल्यानंतर फासी जिवंत पोयो तेहालाम त्याआ शब्द शिष्यांआ ओर आव्ये का येशूने ओ कोल्यो ओते आना शास्रापो आना येशू शब्दापो तिये विश्वास कोल्योओ 23 व्हलांडण तिवाराआ दिहोम जेव्हा येशु यरुशलेमो ओतु तेहालाम जाखो माहु त्याआ आश्चर्य कामोहो पालीत त्याआपो विश्वास कोल्योओ 24 पोन येशूने स्वता: ला त्याआ भरोसे सोडये नाहा काहाके तो आखे माहुंहु ओळखीतल्यो ओतु 25 त्याहा याआ गोठीई काहीही गोरोज नाहाओती का कोडु आविलो त्याहा तियाअ मांहुंबद्द्ल कोअही काहाके मांहाहा मोनामे नाहाकोत होय ओ तो ओळखीतल्यो ओतु.