9
फासाड़ी तिये बारा जोह हादीत त्याहा आखे दुष्ट आत्माआ आना माद्वड्याहा हाजो कोइला याकोअता सामर्थ्य आना अधिकार आप्यू 2 आना त्याहा कोल्यो परमेश्वराआ राज्याआ प्रचार कोअला आना माद्वड्याहा हाजो कोइलाकोअता मोकल्ये 3 आना त्याहा कोल्यो , "वाटेम किबी लेअलो नाहा काठी, खोली नाहा, रोटा नाहा, नाहा पोशा , नाहा बेन- बेन आगडे" 4 ज्या कोडा उनाआ कोआत तुमु जाही, तिहीच रो, आना तिहीरोत फासी जा 5 जो कोडु तुमाआ स्वागत कोईत नेओय, तियाअ नगरामारोत निहीलावेले आपाआ गुडाआ धूळ फोकडीत दया का त्याहा टी साक्ष रोही" 6 आखिर ते निहित गावा गावून सुवार्ता प्रचार कोईत , आना प्रतेक माहुंहु हाजो कोईत फिरीत रोल्या 7 देशाआ चोपट चा राजा हेरोद ओ आखे उनाईत घाबरील्यो गोल्यो, काहाके बीहरे कोल्यो का योहान मोल्यांमेरोत जिवंत होय , 8 आना कोढाबी एलिया देखायू होय , आना बेहरे भविष्य वक्ता मायारोत कोडु एक जिवंत पोयो होय 9 पोन हेरोद कोल्यो योहानाआ ताहा आय मुड्को उडाळीलो कोल्योओ ओतु, आना ओमे ओ कोडू होय ज्याआ विषयाम ए गोठी उनाअ होय "आना तिये त्याहा पालीला इच्छा कोअयी 10 फासाड़ी प्रेषित फासी आविलो आपु जे कोल्यु ओते ते -ते त्याहा सविस्तर कोअल्युताहा तो त्याहा आरी घेऊन बैथ सदा नावोओ गावोही एकांत जागे गोल्यो 11 ओ होमजीत गोर्दी त्याआ फासाडी आवयी आना ते आनंदावाही त्याहा मिल्यू , आना त्याहा परमेश्वराआ राज्याआ गोठी कोहू लाग्यू आना हाजो होऊला इच्छा कोईत ओते त्याहा हाजो कोल्यु 12 ताहा दीही बुडूहू लाग्यू तेहालाम बाराबी जोओ आवीत , "गोर्दी खोबोर दया का चारू साईटोमेऱ्या गावोमेहे जात आना वोह्तीई माय मोकलित खाअलाआ सोय कोईली , काहाके आमुहू ईहि उजाड जागाम होव" 13 तिये त्याहा कोल्यो , "तुमुज त्याहा खाहुं दया" तिये कोल्यो , आमच्याकडे पाच रोटा आना बेन मासे सोडीत फासी किबी नाहा, परंतु होय , केधी आमुहू जात आव आखे माअहारोत याकोअता रोटू वेसातो लाविले ताहा उवे" ते माहे ताहा पाच हजारोंओ जागे पास ओते 14 काहाके तीही पाच हजार माहे ओते तिये आपाआ शिष्यांआ कोल्यो , "त्याहा पन्नास -पन्नास जोह पंगतीही बोहाडीत दया" 15 तिये तेहेज कोल्यु आना बोहाडीत देदे 16 ताहा तिये ते पाच रोटा आना बेन मासे लेधलो, आना होर्गो त्याही पालहु आशीर्वाद मागीत्ल्यो, आना तोडीत -तोडीत शिष्यांआ आपित गोल्यो, का माहुंहु वोदे 17 ताहा आखे खात तृप्त उवे आना शिष्यांनी उरील्योओ तुकडाकोईत बारा टोपल्या भॠण विसित 18 जाहा तो एखालाम प्रार्थना कोईत ओतु आना शिष्य त्याआ आरी ओते , ताहा तीये त्याहा फ़ुस्ल्याआ, माहेमाहू नाहाकोत कोतेहे?" 19 तिये उत्तर आपिलू, "योहान बाप्तिस्मे आपणारो, आना कोडु- कोडु एलिया आना कोडु ओच का जुनो भविष्य वक्त्या मायारोत जिवंत पोयो होय " 20 तिये त्याहा फ़ुस्ल्याआ, "परंतु तुमु माहु नाहाकोत कोतेहे? "पेत्रने उत्तर आपिलू, "परमेश्वराआ मसीहा" 21 तिये त्याहा निक्षून कोल्यो का कोडोबी कोहू नाहा 22 ताहा तिये कोल्यो , "माहाहा पुत्रा याकोअता आवश्यक होय का तो जास्तीज दु: ख सहन कोअही, डायाहोस आना प्रधान याजक आना शास्त्री त्याहा तुच्छ होमजीत माईत टाकीदेय, आना ते तिसऱ्या तो तेदीही 23 तिये आखाहा कोल्यो , "केधी कोडु माआ फासाडी आवी इच्छी तो त्याहा , ताहा आपाआ माह नाकारीत आप आना प्रतेक तेदीही आपाआ क्रूस विसित माआ फासाडी आव 24 काहाके जो कोडु आपाआ जीव वाचाआडयो पालोहा तो त्याहा गमवेल, परंतु जो कोडु माआ याकोअता आपाआ जीव वासाड़े तोज त्याहा वासाडे 25 केधी मांहु आख्खा जगाला मिलवीही आना त्याआ दु: ख सहानकोए ताहा त्याहा नाहाकोत लाभ उवे 26 जो कोडु माआ पोरोत आना माआ गोठीवाही लाजवाही, माअहा पुत्र पण, जेव्हा आपाआ आना आपाआ आबाहाआ आना पवित्र स्वर्ग दूताआ गौरवा आरी आवे तेहालाम त्याआरी लाजवाडल्यो जाइअलो 27 आय तुम्हामे खोरो कोतलू का जे ईहि उभे होय , याहा मायते किबी एहलो होय का जो पर्यंत परमेश्वराआ राज्य पालीत नाहा लेत , तो पर्यंत मोईतगोल्यू ची चव साखीत लेणारे'' 28 आव गोठीइ कोडु आठ दिहे फासाड़ी तिही पेत्रस आना योहान आना याकोब याहा लेत प्रार्थना कोइला याकोअता डोगोपो गोल्यो 29 जेव्हा तो प्रार्थना कोअतुज ओतु, तेहालाम त्याआ सोबीई रूप बोद्लीत गोये , आना त्याआ आंगडे पांडू होतगोयो सोमकूहु लागाडीत 30 आना पाला, मोशे आना एलिया ओ बेन माहु त्याआ आरी गोठी कोईत ओते 31 ते गौरवा आरी देखायो आना त्याआ मोईला चर्चा कोईत ओते , जे यरुशलेममेहे उवे ओते 32 पेत्रस आना त्याआ जोडीदार नीदेम ओते , आना जेव्हा हाजलो प्रकारे फूस कोईत , तिया गौरव आना तियाअ बेन परुश्यांहा, त्याआ जागे उभे ओते पालील्यो 33 जाहा तो त्याआ जागे जाहू लाग्यू , पेत्राई येशुहू कोल्यो ,'' ओ स्वामी, आमुहू इही रोहिलो उचित होय काहा: आखरी आमुहू तीन मंडप बोनाडहि , एक ताआ याकोअता, एक मोशे याकोअता, आना एक एलिया याकोअता'' त्याहा मोलुम नाहाआत्लू का नाहाकोत कोईत होय 34 तो ते कोताच ओतु का एक वादलो आवीत त्याहा कोंडीत लेधलो, आना जेव्हा ते तियाअ वाढलाहा घेरायला लागाडीत तेहालाम घाबरील्यो गोये 35 तेहालाम तियाअ वादलामरोत ओ शब्द निघाल्यू ,'' ओ माआ पुत्र आना माआ निवाडल्यु होय , याआ उनाआ'' 36 ओ शब्द उवेताहा येशू एखालुज देखायू आना ते ठावकू रोल्या आना जे किबी पालील्यो ओते त्याआ कोडूच गोठी तियाअ तेदीही कोडूच कोओलो नाहा 37 आना तेदीही ते दोगोओ वरून उतरीलो ताहा एक वोडी गोर्दी त्याआ जागे आवीत पोतीतगोयी 38 आना पाला, गोर्दी मायारोत एक मांहुहू आयडीत कोल्यो ,' ओ गुरु , आय ताहु विनंती कोअत्लू का माआ पोऱ्यापो कृपा नजर को; कोईत तो माआ एखलूच एक पुत्र होय 39 आना पाला, एक खराब आत्माआ त्याहा तोअत्लू, आना तो उनाआ एक आयडीत उठत्लू; आना तो त्याहा एहेलू निपटी टाकोहो का त्याआ सोबिमरोत फेस आवत्लू; आना त्याहा कुतीते साडता सोडीत नाहा 40 आय ताहा ताआ शिष्यांआ विनंती कोअयी का त्याहा काडा, परंतु ते काढहु सेकेले नाहा;'' 41 येशूने उत्तर आपिलू,'' ओ अविश्वासी आना कुटील माहे , का काजा तुमाआ आरी रोही आना तुमाआ सहन कोआ? ताआ पोऱ्याहा ईहि लेत आव '' 42 तो आवताज ओतु का खराब आत्मावांहि त्याहा तोईत पिलीत, परंतु येशूने अशुद्ध आत्म्याहा धामकावये आना पोऱ्याहा हाजो कोईत त्याआ आबहाआ आथे होपित आपिलू 43 तेहालाम आखे माहे परमेश्वराआ वोडू सामर्थ्याआ पालीत चकित उवे 44 पोन जाहा मनुष्य पुत्र माहाआ आथे तोईत आपीलाम आवे तियाअ आखे कानोवाही जे ते कोईत आथू: आश्चर्य चकित उवे, तेहलामतीये शिष्यांआ कोल्यो 45 तुमु आव गोठी उपो कानलागडा, काहाके माअहा पुत्र तोयित्ली जाइअलो'' 46 फासाड़ी त्याआ माय ओ वाद उवूंहू वाज्यू का आम्हा मेरोत वोडू कोडू होय 47 फासाड़ी येशूने त्याआ मनामेऱ्यु फूस होमजीत लेदो, आना उनाआ पोऱ्याहा लेत आपाआ जागे उभे कोल्यु, 48 आना त्याहा कोल्यो , जो कोडु माआ नावामेहे आव पोऱ्याहा स्वीकारीलो, तो माहु तेईतले कोअत्लू; आना जोकुडू माहु स्वीकारीलो काहाके तो तुमामेऱ्या आखाम छोत्यातला हानू होय तोज वोडू होय '' 49 तेहालाम योहानाई कोल्यो ,'' ओ स्वामी, आमुहू उनाआ मांहाहा ताआ नावामे खराब आत्माआ काडीओलो पालील्यो , आना आमुहू त्याहा नाहाकोयो, काहाके तो आम्हा आरी आवीत ताआफासाडी नाहा आवीत '' 50 पाच येशूने त्याहा कोल्यो ,'' त्याहा विरोध कोहू नाहा ; काहाके तो तुमाआ विरोधाम नाहा, तो तुमाआ त्यापोरोत होय '' 51 जेव्हा त्याआ उसे उठाड्यो जाण्याआ दीही पुरो उविलाम ओते , तेहालाम तिये यरुशलेम ला जाईला फूस दृढ कोल्योओ 52 तिये आपाआ आगाडी दूत मोकल्ये तो शामरोनाआ उनाआ गावून गोल्यो आना त्याआ याकोअता जागू तीयार कोइला याकोअता गोये 53 पोन तिया माहु त्याहा आवी आपिलू नाहा, काहाके तो यरुअशलेमाहा जात ओतु 54 ओ पालहु त्याआ शिष्य याकोब आना योहानाई कोल्यो ,'' ओ प्रभू, नाहाकोत ताहा इच्छा होय का आमुहू आज्ञा आपुहू, का जुगोमोरत आग पोडीत त्याहा पेटाडीत टाक ?'' 55 परंतु तिये फेरवित त्याहा रागाकोहे [आना कोल्यो ,'' तुम्हामे मोलुम नाहा का तुमु केहलो आत्माआ होय काहाके माअहा पुत्र माहाआ जीवोओ नाश कोइला याकोअता नाहा परंतु वासाडीलो याकोअता आवयू होय ''] 56 काहाके मनुष्याचा पुत्र माहाआ जीवाआ नाश कोअहु आयु नाहा ते तारुहू आयुहू आना ते आगाडी बिहरा गावामेहे गोये . 57 जेव्हा ते वाटे जात ओते , ताहा कोडु एक त्याहा कोल्यो ,'' जिथे-जिथे तू जाही, आय तुमाआ फासाडी आवीही '' 58 येशूने त्याहा कोल्यो ,'' कोल्हयाआ दोर आना जुगोमेरयो सिडाहा खोटो रोतेहे, पण माहाहा पोऱ्याहा मुंडको टेकीलाकोता बी जागू नाहा'' 59 तिये दिहीराहा कोल्यो ,'' माआ फासाडी आव '' तिये कोल्यो ,'' ओ प्रभू माहु पेल जाहू दे का माआ आबहाहा बुजीत आवोहो 60 तिये त्याहा कोल्यो ,'' मोल्याहा आपाआ प्रेत गाडूहु पोन तू जात परमेश्वराआ राज्याआ घोषणा को'' 61 साहा एक फाशी एकाने कोल्यो ,'' ओ प्रभू, आय ताआ फासाडी आवीत जाइअलो; पण पहीले माहु जाहू आपा का आपाआ कोओहो माहुंहु जात कोत आवत्लू'' 62 साहा येशू लेतजा त्याहा कोल्यो ,'' जो कोडु आपाआ आथे ओलोपो मेकोहो आना फासाडी पालत्लू, तो परमेश्वराआ राज्य याकोअता योग्य नाहा .