14
त्या टाईमाँआ पोओ चारू वुग्रया देशाआ राजा हेरोदेस बी येशुउ चर्चा उनाई 2 आना आपाआ सेवकांआ कोल्यो , "ओ योहान बाप्तिस्मे कोअनारू होय ; ओ मोल्यामरोत जिवंत उठ्यू होय , कोईत तिये सामर्थ्यचे काम प्रगट कोईत होय '' 3 काहाके का हेरोदावाही आपाआ पाही फिलीप्प याआ लाडी हेरीदिया यीइकोता, योहानाआ तोईत बानदल्यो आना जेलुमे टाकीत आपिलू ओते 4 काहाके योहानाई त्याहा कोल्यो ओते का तीही मेकिलो ताआ याकोअता हाजो नाहा, 5 कोईत ती त्याहा जीवे मोलो ओती, परंतु माहुऊ बित ओती काहाके ते त्याहा संदेष्टा मानीत ओते 6 फासाड़ी हेरीदियाआ जन्मदिवसाआ आवयू, ताहा हेरीदियाआ पोर्या दरबारात नाचीला कृत्य देखाडीत खुश कोल्यु 7 यापोरोत तिये शपथ लेत वचन कोयो "जो किबी तू मागही, आय ताहु आपी'' 8 तेबी आपाआ आयाहिई कानोम गोगल्यी, योहान बाप्तिस्मे कोनाराआ मुंडको थालिमे ओच माहु मागित आप '' 9 राजा दु: खी पोयो, परंतु आपाआ शपथमुळे, आना आरी बोहोल्याअ काहाके, आज्ञा आपीली लागीई 10 आना तिये जेलुमे माहुंहु मोकलित योहानाच मुंडको वाडीत टाक्ये; 11 आना त्याआ मुंडको थालकाम लावल्या गोये आना पोरीही आप्या गोये , त्याहा तीही आपाआ आयहि जागे लेत गोयी 12 ताहा योहानाआ शिष्य आव्ये आना त्याआ प्रेताला घेऊन जात गालीत आपिलू, आना जात येशुहू वर्तमान खोबोरकोयी 13 जेव्हा येशूने उनाअयो , ताहा तो नावापो बोहित तिहीरोत किबी होमजीत जागापो, एखकट्यात निहित गोल्यो माहे ओ उनाईत देश-देशांत पायी त्याआ फासाडी निहित गोये 14 तिये निहित एक वोडी गोर्दी देखल्यी आना त्याआपो दया कोअयी, आना त्याआ बिमारे हाजो कोल्यु 15 जेव्हा हांजेपो उवी ताहा त्याआ शिष्यांनी त्याआ जागे आविलो कोल्यो , "ए निवांत जागू होय आना वाअ उवनारा होय ; माहुंहु कोअलो का ती गावोमेहे जात आपाआ याकोअता खॉआलाकाजे वेसातो लेदलेए'' 16 परंतु येशूने त्याहा कोल्यो , "त्याआं जाअलो माहा नाहा तुमुज त्याहा खॉआलाकाजे दया'' 17 तिये त्याहा कोल्यो , "इही आम्हा जागे पांच रोटा आना बेन मासे सोडीत फासी किबी नाहा 18 तिये कोल्यो, "त्याहा इही माआ जागे घेऊन आव'' 19 ताहा तिये माहुंहु चारापोओ बोहाडीत दया कोल्यो ; आना स्वर्गामेहे पालहु आशीर्वाद आप्यू आना रोटा तोडीत शिष्याआ आपिलू, आना शिष्यांआ, माहुंहु 20 जाहा आखे खात तृप्त उवे, ताहा शिष्यांनी उरिलो तुकडाकोईत पोअल्यी बारा टोपल्या पोईत लेदिओलो 21 आना खानारा बोई आना पोऱ्ये सोडीत , पांच हजार माहु ओते 22 ताहा तिये लागेज आपाआ शिष्यांआ नावेपो चोडूहु कोल्यो का ते त्याआ पहीले तिवोल जालो, जो परंतु त्याहा माहुंहु मोकलित 23 तो माहुंहु मोकलित , प्रार्थना कोइलाकोअता बिहीरा डोगोपो निहित गोल्यो; आना राती तो होमजीत्लो एखल्यू ओतु 24 तियाअ टायमोमें नाव समुद्रामे लाटांनी हैरान उवी ओती, काहाके वारू सोमोरून ओती 25 आना येशू रातीई चौथो पहरी तलावापो चालीत त्याआ जागे आवयू 26 शिष्य त्याहा समुद्रापो चालते ओतु पालहु घाबरील्यो गोये आना कोआ लागाडीत , "ओ पूत होय !'' आना घाबरील्यो आअडूई लागाडीत 27 तेहालाम येशुई लागेज त्याआरी बोलतुल्यो का आना कोल्यो , "धीर तोआ आय होय , बित नाहा !'' 28 पेत्राई त्याहा उत्तर आपिलू, "ओ प्रभुजी, जर तुमु होय , ताहा माहु आपाआ जागे पाण्यापो चालीत आवजा आज्ञा को'' 29 तिये कोल्यो , "ऐ!'' तेहालाम पेत्र नावापो उतरित येशू जागे जाअलाकाजे पाण्यापो चालीलो लाग्यू 30 पोन हवाला पालहु घाबरील्यो गोल्यो, आना जेव्हा बुडहू लाग्यू ताहा आयडीत कोल्यो , ओ प्रभुजी, माहु वासाड'' 31 येशुनी लागेज आथे आगाडी कोईत त्याहा तोईत लेधलो आना त्याहा कोल्यो ,' अरे अल्पविश्वसी, तू नि काहा संशय धोल्योओ?'' 32 जाहा ते नावापो सोडवीत गोये , ताहा वारू थोबित गोयी 33 आवा वरून तिये जो नावापो ओतु, त्याहा नमन कोअला कोल्यो , खरोज तू परमेश्वराआ पोऱ्या होय '' 34 ते तिवोल उतरित गनसरेतमध्ये पोत्य 35 तिहीवालेच माहुंहु त्याहा आयडीत लेधलो आना आस-पासच्या आखे त्याहा खोबोर मोकल्यु, आना आखे बिमारोत त्याआ जागे लाविले, 36 आना त्याहा विनंती कराय लागाडीत का ते त्याहा आपाआ फड्कामे गोड्यास कोल्यो स्पर्श कोहू दया; आना जेतेहे त्याहा स्पर्श कोल्यु ते हाजो उवे.