मॅथि 13

तेदिहिच यीशु कोआ रोत निहित खाड़ी ई मेरे जात बोहयु 2 आना त्याआ जागे एह्ली वोडी गोर्दी जमा उवी का तो नावे उपो सोडवीत गोल्यो आना आखी गोर्दी किनारावपो उबी रोली 3 आना तिये होपनाआ माय जाअखो गोठी कोल्या एक बी पेअनारू बीज पेंहु निघाल्यू 4 बीज पेरत्लू किबी बी वाटेए किनारावपो पोडये आना पक्षांनी आवीत त्याहा खात गोये 5 थोड़े बीज खोड्कापो जोमनिपो पोडये तिंही त्याहा काडूव न जोड़ी न जोड्या कोईत ते वेगु उगीते आव्ये 6 तेबी दिह निह्या फासाड़ी ते बोलीते गोये आना मूळ न तोअया मुळे ते उगाईत गोये 7 थोड़े बीज झाडापे पोडये साडे वोडो होतगोयो त्याहा दाबीन टाक्ये 8 थोड़ेबीज हाजा जोमनिपो पोडये आना फोल आपिलू किबी होव पट, किबी साठ पट, आना किबी तीस पट 9 ज्याआ कान होय तिये उनाआ 10 शिष्यांनी जागे आवीत त्याहा कोल्यो, तू माहुआरी दृष्टांत काहा? गोठी कोईत होय 11 तो त्याह कोल्यो परमेश्वराआ होर्ग्याआ राज्याआ गूढ जलोह दान आपिलू पण त्याहा नाहा 12 काहाके त्याआ जागे होय त्याहा आपिलू जाय आना ज्याआ जागे जाअखो होतगोयो जाय तेबी त्याजागे किबी नाहा त्याआ जागेरोत जे होय ते पण लेधलो जाय 13 आय त्याआरी दृष्टांत याआ याकोअता गोठी कोअत्लू का ते पालीत ओमेत पालीत नाहा आना उनाईत ओमेत नाहा उनाईत आना नाहा होमाजाडीत 14 त्याआ विषया माया यशया ची ए भविष्यवाणी पुरो उवनारा होय '' तुमु कानाकी ताहा ऐकाल-पण होमजुत्लू नाहा आना डोआवाही पाल्हा तेबी नाहा होमजुत्लू 15 काहाके तियाअ माहा मोन वोडू होतगोयो गेल होय आना ते कानामे वरून उनाईत तिये आपाआ डोआं बंद कोल्यु होय केधी एहलो न ओवो का ते डोआवाही पालीही आना कानाकी उनाय आना मोनामोरोत होमजीहो आना फाशी जाहू त्याहा आना आय त्याहा हाजो कोहू 16 पण धन्य होय तुमाआ डोआं ते पालल्ते आना तुमाआ कान उनाईत होय 17 काहाके आय तुम्हामे खोरो कोतलू का जाअखो भविष्यवक्ता आना धार्मीकांनी जान्ये का जी गोठी तुमु पालीत होय पालीत न देखल्यी आना जी गोठी तुमु उनाईत होय उनाईत न उनाई 18 "ओमे तुमु कोनारू दृष्टांताआ अर्थ उनाआ " 19 जो कोडू राज्याआ वचन उनाईत नाहा होमाजाडीत त्याआ मोनामे जे पेहे होय त्याहा तो सेतान आवीत मागित लेत जात्लू ते ओच होय जे वाटेपो पेहे गोये ओते 20 आना जे डोळा जोमनिपो पेहे गोये होय जो वचन उनाईत वेगु आनंदाआ भरात मानीत लेहो 21 पण आपाआ माय मुळ न मोकिलाज कारनोवाही तो थोडो दिहोकोअता होय आना वचनाआ त्रस आना उपद्रव ओतू तो तात्काळ ठोकर खाहोव 22 जे झाडापे पेहे गोये होय ते ओ होय जो वचनाआ उनात्लू तो आव संसाराआ चिंता आना धनोओ धोका वचनाआ दाबत्लू आना ते फोल आवीत नाहा 23 जे हाजा धरतीपो पेअल्यो गोये ते ओ होय जो वचनाआ उनाईत होमजीत लेहो आना फोल आपोहो कोडु होव पट, कोडू साठ पट, आना कोडु तीस पट 24 येशूने त्याहा एक फासी दृष्टामे आप्यू स्वर्गाचे राज्य तियाअ माहाहा सारखो होय त्याआ आपाआ खेतुम हाजो बी पेहे 25 पण जेव्हा माहे हुविलो ओते तेहालाम दुश्मन आवीत गोवोओ बी माय जंगली बी पेईत निहित जातलू गोल्यो 26 जेव्हा रोप आवयी पाले आवयी तेहालाम जंगली बी त्याआ पण रोपे पण देखिलो लागीई 27 तेहालाम को धन्यांनी आवीत त्याहा कोल्यो तेहालाम घरधन्याच्या पावरोवही आवीत कोल्यो ओ को धन्या तू आपाआ खेतुम हाजो बी नाहा काहा पेहे? ताहा जंगली बी त्याआ रोपे तीयाम किहीरोत आव्ये 28 तिये त्याहा कोल्यो ओ कोडले तेबी दुश्मन त्याआ काम होय पावरोवही त्याहा कोल्यो नाहाकोत ताआ इच्छा होय का, आमुहू जात ते जमाडीने लेदलेए 29 तिये कोल्यो का, नाहा न ओवो का जंगली बी त्याआ रोपे टोलुवालीलावेले तुमु त्याआ आरी गोव पण उपटीत टाकही 30 वाडीलो पर्यंत बी ला आरी वाईहु आपा आना काटीलो टायमोमें वाडीलो कोअनाराहा कोल्यो का बी त्याआ रोपे जमाडीने जडूकोता त्याआ पारू बाधित ल्या आना गोवाह माआ खेतुम जमाडीने ल्या 31 तिये त्याहा फाशी एक दृष्टामे आप्यू होर्गाराज उनाआ मोहरी दाणाहोस होय ज्याहा कोडु मांहु लेत आपाआ खेतुम पेअत्लू 32 तो आखे बी पेक्षा हानू ताहा रोतो पण जेव्हा तो वोदित जात्लू तेहालाम आखे भाज्या पेक्षा वोडू होतगोयो जात्लू आना एहलो साड होतगोयो जाहो का, आकाशामेहे सिडे आवीत त्याआ फांदीपो वस्ती कोत्ले 33 तिये एक फाशी दृष्टामे त्याहा होमलावल्यो स्वर्गाचे राज्य खमिराहोस होय ज्याहा कोडु बोयोआ लेतजा लेत तीन मापे पिठामेहे मिलवीत आपिलू आना मिल्यो- मिल्यो ते आखे खमीर होतगोयो गोये 34 आव आखे गोठी येशूने होपनाआ माय माहुंहु कोल्यो आना विना दृष्टांताआ त्याहा तिये किबी कोल्यो नाहा 35 का जे वचन भविष्यवक्त्या च्या त्यापोरत कोल्यो गोये ओते ते पुरो ओवो आय दृष्टामे कोल्याकोता आपाआ सोब उगड्यो आय तियाअ गोठीही जे जगोआ उत्पत्ती पोरोत गुप्त रोली होय ती प्रगट कोअही 36 तेहालाम ते गोर्दी ला सोडीत कोअमे आवयू आना त्याआ शिष्यांनी त्याआ जागे आविलो कोल्यो ,'' खेतुमेऱ्यो जंगली बी चा दृष्टामे आमुहू होमजीत आप " 37 तिये त्याहा उत्तर आपिलू हाजो बी त्याआ पेईलो कोअनारू माअहा पुत्र होय 38 खेत संसर होय हाजो बी राज्याआ पोऱ्ये होय आना जंगल बीज दुष्टाची पोऱ्ये होय 39 ज्या शत्रूने त्याहा आना वाडीलो कोअनारे स्वर्गदूत 40 आखरी जेहलो जंगली दाने जोमडीही जाहो आना बालते जाहो तेहलूज जुगाआ आखरी उवे होय 41 माअहा पुत्र आपाआ स्वर्गदूत ांनाआ मेकलीही आना ते तिया राज्यामेरोज आखे ठोकेला कारनोवाही आना पाप कोअनारे एकठे कोअही 42 आना त्याहा आगीत कुंडणीत टाक्ये जेहेलो रोडीलो आना दात खायलो होय 43 त्याटायमोहो धोर्मी आपाआ आबाहाआ राज्याम सूर्या सारखो पिपलीताआ कान होय तो उनाईत ले 44 स्वर्गाचे राज्य खेतुम लागाड्ल्यी धना सारखो होयज्याहा कोडु माहाआ मिलवी आना दोबावीन आपिलू आना आनंदाआ पाराम जात आपाआ आखे वेसेत टाक्ये आना तियाअ खेताहा वेसातो लेधलो 45 फाशी स्वर्गाचे राज्य एक व्यापाऱ्या सारखो होय , जो हाजा मोतीइ होदिअलो ओतु" 46 तेहालाम त्याहा एक बहुमुल्य मोती मिल्यू ताहा तिये जात आपाआ आखे वेसेत टाक्ये आना त्याहा वेसातो लेधलो 47 फाशी स्वर्गाचे राज्य तियाअ वोडा जालो सारखो होय जो समुद्राम टाक्यू ओतु आना आखे प्रकारोअओ मासे एकठे कोल्यु 48 आना जेव्हा जाळे पोईत गोये तेहालाम मासे तोअनारे किनारावपो लेत आव्ये आना बोहित चांगले-चांगले बासनाम एकठे कोल्यु आना खराब- खराब मासे टाकीत आपिलू 49 जुगाआ आखरी ऐहलेच उवे स्वर्गदूत आवीत दुष्टांहा धार्मीक जनोपोरोत अलग कोअही 50 पाच आना त्याहा आग कुंडात टाकही तिंही रोडीलो आना दात खायलो होय 51 पाच नाहाकोत तुमु ए आखे गोठी नाहा होमजयोके? तिये त्याहा कोल्यो होय 52 पाच तिये त्याहा कोल्यो याकोअता सोण एक शास्त्री जो होर्ग्याआ राज्याआ शिष्य बोल्यू होय तियाअ गृहस्थ तारखू होय जो आपाआ भांडारामोरोत नवो आना जुनो वस्तू काडत्लू 53 जाहा येशू ओ दृष्टात कोत तीहीरोत जातु रोयु 54 पाच आपाआ नगरामे आविलो त्याआ सभास्थानात त्याहा एहेलू संदेश आपुहूकाजे लाग्यू किते चकित ओतगोल्यु कोहू लागाडीत याहा ओ ज्ञान आना सामर्थ्याचे काम कीहीरोत जोडयेहे 55 काहा ओ हुतारोंअ पोऱ्या न? आना याआ आयहि त्याआ नाव मारिया आना त्याआ पाही नाव याकोब, योसेफ, शिमोन आना यहुदा ने ? 56 आना याआ आखे बोहीही आपाआ आरी नाहा रोत ताहा याहा ओ आखे कोरात जोडयेहे 57 आव प्रकारे तिया त्याआ कारनोवाही ठोकर खादल्यी पण येशू त्याहा कोल्यो '' भविष्यवक्ताला आपाआ देश आना को सोडीत पोन सन्मान मिलीअलो नाहा'' 58 आना तिये तिंही आपाआ अविश्वासाआ कारनोवाही जाअखो आख्याआ सामर्थ्याचे काम नाहा कोल्यु.