मॅथि 12

तेहालाम येशु शब्बाथाआ तेदीही खेतोमेरोत निघाल्यू , तेहालाम त्याआ शिष्यांआ भूक लागीई, आना ते कोंहे तोडीत खाऊ लागाडीत . 2 पण जेव्हा पारुश्यानी ओ पाल्लये तेहालाम त्याहा कोल्यो , पाला , तांआ शिष्य जे काम कोईत होय ते शब्बाथाआ तेदीही कोअला आरी नाहा. 3 त्यापो तिये त्याहा कोल्यो , नाहाकोत तुमु वाचले नाहा का जेव्हा दावीद आना त्याआ हेगांति यांहा भूक लागीई ओती, तेहालाम तिये नाहाकोत कोल्यु? 4 तिये ताहा परमेश्वराआ मंदिरोम जात अर्पण कोईओलो रोटा खाद्या. त्याकोअता आना त्याआ मित्राकोता पण नाहा परंतु याजकांकोताआ आरी ओते . 5 आव तुमु नियम शास्त्रात वाचले नाहा का शब्बाथाआ तेदीही मंदिरोम शब्बथाआ विधीला तोडतेहे तेबी पण याजक निर्दोष रोतेहे. 6 पण आय तुम्हामे कोल्यो होय का , जे ओ होय ते मंदीरारोत पण वोडो होय . 7 जर तुमु याआ अर्थ होमज्ये ओते, माहु दया जोवे अर्पण नाहा ताहा निर्दोषाला दोषी ठेरव्यो कायनाओतो. 8 काहाके माअहा पोऱ्या शब्बाथआ दिहिओ पण प्रभु होय . 9 तिहीरोत निहित फासाड़ी तो त्याआ मंदिरोम गोल्यो. 10 पाला , तीइही एक उगालू आथाहा एक माहुहू ओतु. तिये येशूवर दोष लागाडीलो विचाराआ ओ प्रश्न कोल्योओ नाहाकोत शब्बाथआ तेदीही हाजो कोअला आरी होय ? 11 तिये त्याहा कोल्यो तुमामेहेरोत एहेलू कोडू होय ज्याचा एक मेंढो होय आना ते शब्बाथाआ तेदीही खाडाम पोडीत गोये ताहा त्याहा बारथे काडनारू नाहा नाहाकोत? 12 ताहा एक माहाआ किमोत उनाआ मेंढरापोरोत केतो जाखो होय त्यापोत शब्बाथआ तेदीही हाजो कोअला आरी होय . 13 तेहालाम तिये तियाअ मांहाहा कोल्यो ताआ आथे वोडाद तिये वोदाडयु आना तो बिहीरा आथोहोस हाजू पोयो 14 तेहालाम परुसी बारथे निकलीलू आना तिये त्याआ विरूध योजना बोनाडी का त्याहा काहाकअता नाश कोईओलो 15 परंतु येशु ओ होमजीत तिहीरोत निहित गोल्यो जास्तीज मांहे त्याआ फासाडी जाऊ लागाडीत , आना तिये तियाअ आखाहा हाजो कोल्यु 16 आना तिये त्याहा आज्ञा कोअयी का माहु प्रकट कोईओलो नाहा 17 ज्यायाकोलो जे यशया संदेष्टाआ त्यापोरत कोल्यो ओते ते पुरो उवे 18 पाला , माआ पावर ज्याहा आय निवडिले होय माआ परमप्रिय होय ज्यापोरोत माआ मोन अति प्रसन्न होय आय त्याआपो आपाआ आत्माआ टाकही आना तो बिहरीजातीपो उपो योग्य न्यायाआ घोषणा कोआ 19 तो लोढात नाहा आना आअडीही पण नाहा आना तिया आवाज गोल्लीमे पण उनाऊ आविलो नाहा 20 तो सिपडील्या बोरुला तोडहि नाहा आना मिणमिणती बत्तीलाहा उलीवणार नाहा जो पर्यंत न्यायाहा विजय बोनिडीओ नाहा तोपोरोत एहलो उवे 21 आना तियाच नावामें विदेशी आशा तोणार 22 येशुआरी एक दुष्ट आत्मावांहि पीडी माहुंहु लाविले जो आदोलो आना मुकु ओतु तिये त्याहा हाजो कोल्यु आना तो मुकु माहुहू गोगुहू आना पालाहू लाग्यू 23 योपो आरन्यो लोकसमुदाय चक्कित ओतगोल्यु कोहू ओ माहुहू दाविदाआ पुत्र ओवुहू शकतो? 24 पण परुसी माहु ओ उनाअयो ताहा कोल्यो ओ माहुहू दुष्ट आत्माहा फक्त तिया अधिकारी शैतानांआ सहायाने दुष्ट अत्माहा काडतलु 25 तो त्याआं मोनामेरीगोठ होमजीत तिये कोल्यो , ज्या राज्याआ फुट पोडतली होय ते तो नाश ओतगोल्यु होय आना तो उजाड़ ओतजात्लो होय नगरामे किंवा कोअमे फुट पोडले ते स्थिर रोही नाहा 26 आना जर शैतानच शैतानाला काडनारू ताहा आपाज विरोद्धी ओतगोल्यु जात्लू ताहा त्याआ राज्य एहलो टिकणार 27 फासाड़ी आय जर शैतानाचा सहायाने खराब आत्म्याहा काडत्लू होय ताहा तुमाआ माहे कोडाआ सहायाने काडीलोतेह्लाम? त्यापोत तोच तुमाआ न्याय कोअनारू 28 पोन आय जर परमेश्वराआ आत्म्याआ त्यापोरत दुष्ट आत्माहा काडत्लू ताहा परमेश्वराआ राज्य तुम्हामे आविलो गोये होय 29 किंवा कोडु ताकतवान माहुहु कोआत रीतीते कोडु त्याआ धनदौलत केहलु लेऊ शकतो? जोपोरोत तिये तियाअ ताकतवान माहुंहु बांधनारो आना फासाड़ी तो त्याआ को लुटीलो 30 जो माआरी नाहा तो माआ विरोधाम होय आना जो माआरी एखटो कोईत नाहा उदलीत टाकोहो 31 कोईत आय तुम्हामे कोतलू मांहाआ हरएक पाप आना निंदा कोअल्याहा क्षमा कोअलाआ आवे पोन पवित्र आत्माआ नींदा कोओनाराहा माफ़ी ने जोड़े 32 आना जो कोडु माहुहु पोऱ्याआ विरोद्धामे एखादी गोठी कोअही ताहा तिया अपराध क्षमा कोअलाआ आवे पण जो पवित्र आत्म्याआ विरूध किबी गोगनारू तिया तो अपराध याआ जुगोम पण नाहा आना आवनाराआ जुगोम पण क्षमा कोअनारू नाहा 33 साड हाजो आना त्याआ फोल पण हाजो कोआ अथवा साड वाईट आना त्याआ फोल वाईट एहलो कोला काहाके फलोपारोत साड ओलखातलो 34 "ओ हापोओ पिलाआ, तुमु वाईट ओतलू हाजा गोठी केहलो आखू सेकतेहे, काहाके जे मोनामेहे पोअल्ये ओते तोच सोबाडीपो येत 35 हाजू माहुहू आपाआ हाजा भांडारामोरोत हाजा गोठी काडत्लू आना वाईट माहुहू आपाआ वाईट भांडारामोरोत वाईट गोठीच काडत्लू 36 आय तुम्हामे कोतलू का जो पण व्यर्थ शब्द बोबेल त्याहा न्यायाआ तेदीही त्याहा हिशोब आपा लागे 37 काहाके आपाआ शब्दाआ त्यापोरत तू निर्दोष आना शब्दाआ द्वारेच तू दोषी ठेरव्यो जानारू 38 ताहा तीही शास्त्री आना परुशी यांहि त्याहा कोल्यो , मालिक, आमुहू ताआपोरोत किबी चिन्ह पालीलो होय 39 पोन तिये उत्तर आपिलू, ओ खराब आना पापकोनारू पिढी चिन्ह पालुहू मागेहे, तेबी पण याहा संदेष्टाआ चीन्हावाचून बिहरे चिन्ह आपिलू जानारू नाहा 40 काहाके जेहलो योना तीन दीही आना तीन रात मासाआ पोटाम रोला त्यप्रमाणे माअहा पोऱ्या पण तीन दीही आना तीन रात धरती पोटाम रोही 41 न्यायाआ तेदीही निनवेचे मांहे आव पिढीई मांहाआरी उठित उभे रोही आना त्याहा दोषी ठरवीही, काहाके तिये योनाआ संदेश उनाईत पश्चताप कोल्योओ आना पाला , इंही जो होय तो योनाहुपोरोत वोडू होय 42 न्यायाआ तेदीही दक्षिणहेरोन राणी याआ पिढीई मांहाआरी उठित उभे रोही आना याहा दोषी ठरवीही काहाके ते शालमोनाआ ज्ञान उनाएलाकोअता धारेतीई कोंअहा आवयी ओती पाला , तो इंही होय जो शलमोनपेक्षा वोडू होय 43 जाहा दुष्ट आत्माआ कोडु महापोरोत निकलोलो तेहालाम विसावाकोता पाईनाहा ठीकानाम फिरीत रोतलू पण भटकोट नाहा 44 ताहा ते कोतली का ज्या कोअमेरोत आव्ये ओते आपाआ त्याआ कोअमे फासी फिरीत जानारू आना ते फिरीत येत ताहा त्याहा निसे ओवल्यु आना होबाडीलो पालत्ली 45 ताहा ते जात आपल्याहून जाखा जुदेजुदे सात आत्माहा लेत येत ते तीइही प्रवेश कोईत रोहू लागत्ले आना तियाअ माहाआ फासाडीई परिस्थितीपेक्षा जाखो वाईट ओतगोल्यु जाहो याआ खराब पिढीआरी पण ऐहलेच उवे 46 तो तियाअ माहाआगोदिरं गोगीतीज ओतु तेहालाम त्याआ आयहि आना पाही बारथे उभे ओते , आना त्यांआरी गोगीला ओते 47 आना कोडु येशुहू कोल्यो पाला , ताआ आयहि आना पाही बारथे उभे होय , ते ताआरी गोगीला मागतले 48 पोन तियाअ कोनारा उत्तर आपित तिये कोल्यो , कोडू होय माआ आयहि आना कोडू होय माआ पाही ? 49 आना आपाआ चेलाही आथे देखाडीत तिये उत्तर आपिलू, पाला , माआ आयहि आना पाही 50 पाच काहाके जो कोडु माआ आबहाआ जो होर्गाम होय तो त्याआ इच्छापूर्ण कोअत्लू तोज माआ पाही माआ बोंहि आना आयहि होय.