मॅथि 10

ताहा येशूने आपाआ बारा प्रेरितो हादीत त्याहा अशुद्ध आत्म्यावर अधिकार आप्यू का त्याहा कडी आना आखे एह्लाम बिमारोत आना बिमारीही हाजो कोईओलो 2 ओमे बारा शीष नाव ओ होय पेल्ल्लु शिमोन जो पेत्र आखिलो जात्लू आना तिया पाही आंद्रिया, जक्कायाचा पोऱ्या याकोब आना तिया पाही योहान, 3 फिलीप्प , थोमा, आना मतय जकातदार, अल्फीई पोऱ्या याकोब आना तद्दय, 4 शिमोन कनांनी आना यहुदा इस्कर्योत जिये त्याहा तोईत आपिलू. 5 आव बारा जोह येशूने ए आज्ञा आपित मोक्ल्यीत बिहरे जातीवोगे जाऊ नाहा आना शमरोनआ कोडोबीही नगरामे प्रवेश कोहू नाहा , 6 याआ उद्देश इस्राएल कोकोता जे टाकावल्यो मेंढे होय त्याजागे जायलो. 7 आना जाआत्लू तुमु ओ संदेश आपित कोओलो स्वर्गाचे राज्य जागे आव्ये होय . 8 बिमारोत हाजो को मोल्याहा जिवंत को कुष्ठ बिमारीवालाहा शुद्ध को. खराब आत्म्याहा काडा तुम्हामे फुकट्यो आपिलू होय फुकट्यो दया. 9 आपाआ बटवामेहे सोनो, चांदी किंवा ताबा लेऊ नाहा . 10 आना प्रवासाकोटा खोतली, बिहरु अंगडो किंवा काठी लेऊ नाहा काहाके मोजरया आपाआ अन्नाचे हक्कदार होय . 11 ज्या गावून किंवा शहरामे तुमु प्रवेश मुडोपो ताहा विसारपूस को का योग्य माहुहू कोडू होय , आना जो पर्यंत आविलो तोपोरोत तिहीज रो 12 जेव्हा तुमु तिया कोअमे प्रवेश कोअनारू ताहा शांतीचा आशीर्वाद दया. 13 जर ते को आशीर्वादाचे योग्य होय ताहा तुमाआ शांती तीइही बोणीत रोही पण योग्य नेशेय ताहा तुमाआ शांती फासी फिरीत आवे . 14 जो तुम्हामे तेईतले कोअनारू नाहा आना तुमाआ गोठीपो लक्ष्य आपी नाहा ताहा तियाअ कोअमेरोत आना तिया शहरामरोत जाआत्लू आपाआ पायावाले धूळ फोकडीत टाका. 15 आय तुमुह खोरोज कोतलू का येशु तेदीही तियाअ शहराआ किंवा गावोओ स्थिती सदोम आना गमोरा देशाआ स्थिती प्रमाणोओ उवे 16 पाला आय तुमुह मेंढरा प्रमाणोओ लांडग्यामध्ये मोकलित होय . त्यापोत हापाहोस चतुर आना कबुतराहोसे साफ निरुपद्रवी व्हा. 17 पण माहामोरोत सावधान रो काहाके ते तुम्हामे न्यायसभाम आधीन कोआ , आपाआ सभास्थानात तुम्हामे फटके माये. 18 तुमु माआवोजोसे देशधिकाराहा आना राजाहा आगाडी उपस्थित कोअनारू ज्यायाकोलो परराष्ट्रीयांआरी तुमु साक्ष बोनाळीलो. 19 जाहा ते तुम्हामे तोअणारू ताहा कालजी कोहू नाहा , का आमुहू नाहाकोत आना केहलो कोहू काहाके जे किबी तुम्हामे कोओलो होय ते त्याआ टायमोमें तुम्हामे कोल्यो जाइअलो. 20 काहाके गोगनारे तुमु नाहा पण तुमाआ आबहां आत्माआ होय जो तुम्हाआरी होय . 21 पाही आपाआ पायहोहो आना आबहू आपाआ पोऱ्याहा माईत ताकिलाकोअता आना पोऱ्ये आपाआ आयोहोआबोह्याआ विरूध उभे रोत त्याहा माईत टाकीदेय. 22 माआ नावोवाही आखे तुम्हामे तुच्छ मानणारु पण जो शेवटपोरोत धीर तोही तियाच तारण उवे. 23 जेव्हा तुम्हामे आव शहरामे तुमाआ छळ कोअनारू ताहा बिहीरा शहरामे नाहीत जायलो, काहाके आय तुम्हामे खोरोज कोतलू का याआगाडी तुमु इस्त्राएलचे आखे शहरामे गावून फिरुहू संपाही नाहा, तोपोरोत माअहा पुत्र आविलो जानारू . 24 शिष्य आपाआ गूरूपोरोत वोडू रोतू नाहा आना पावर आपाआ मालकापेक्षा वोडू रोतू नाहा. 25 शिष्यामे आपाआ स्वामीइ आना नोकराहा आपाआ मालकाहा आरी रोहिलो एवडोज त्याहा जाअखो होय जर तिये कोओओ मालकोहू शैतान कोल्यो , ताहा कोओओ मांह्हू केतो तेबी जाखा आखीत . 26 त्यापोत त्याहा भिईलो नाहा काहाके किबी टापितमेकल्ये नाहा जे उघडीन्या जानारू नाहा आना नाहा किबी लीकाल्यो होय जे होमजे नाहा. 27 जे आय तुम्हामे आदाराम कोतलू ते तुमु उजवोदाम कोआ, आना जे तुमु कानाकी उनाईत त्याहा कोवलापो सोडवीत संदेश दया. 28 त्याहा भिईलो नाहा जे डीलाआ नाश कोअता पण आत्म्याहा नाश कोहू शकत नाहा पण तिया बित माना जो आत्माआ आना डील बेनुहू नरकाआ नाश कोहू शकतो. 29 उनाआ रुप्यामे बेन सीडे व्सात्ले का नाहा तेबी पण तुमाआ आबुहुहू इच्छेवही त्याआ मायारोत एकपण धरतीपो पोडहू शकत नाहा. 30 तुमाआ मुडकामेऱ्ये सिंज्ये पण गोणीतमेक्ल्यु होय 31 त्यापोत भिईलो नाहा तुमु जास्तीज चिडाहोस पण किमती होय 32 जो कोडु मांहुंहु आगाडी माहु तेईतले कोआ आय पण त्याहा आपाआ आबाहाआगाडी जो होर्गाम होय तेईतले कोअनारू . 33 पोन माहुहु आगाडी माहु जो तेईतले कोअनारू नाहा त्याहा आय पोन आपाआ पित्यापोरोत जो होर्गाम होय तेईतले कोअनारू नाहा. 34 एहलो ह्मजुतल्यो नाहा का आय धोरतीपो एकठे कोइलाकोअता आवयू होय आय ओ कोइलाकोअता नाहा पण तलवार चालविलाकोता आवयू होय . 35 आय ताहा यकोअता आवयू होय का माहुहूअ त्याआ आबहाआ आना पोरीही आपाआ आयाहिई आना उनाईत हावेहेहए विरूध कोअला आवयू होय . 36 आना माअहा दुश्मन त्याआ कवालेच माहुहू रोही . 37 जो मारोत जाखो आपाआ आयहि किंवा बाहापो प्रेम कोअत्लू तो माआ लायकी नाहा. जो मांपोरोत जाखो आपाआ पोऱ्यापो किंवा पोरीवर प्रेम कोअत्लू तो माआ लायकी नाहा 38 आना जो आपाआ क्रूस विसित माआ फासाडी चालते नाहा तो माआ लायकी नाहा 39 जो आपाआ जीव वाससत्लू जो ज्याहा गोमावीत आपी आना जो कोडु माआवोजोसे आपाआ जीव वोसाड़े तो त्याहा मेलविनारू 40 जो तुमाआ तेईतले कोअत्लू तो माहु तेईतले कोअत्लू आना जो माहु तेईतले कोअत्लू तो माहु मोकलीनारो तेईतले कोअत्लू 41 जो संदेष्टाहा संदेष्टा कोईत तेईतले कोअत्लू, तो संदेष्टाआ फोल मिलवे जो नितीमानाहा नीतिमान मांहु कोईत तेईतले कोअत्लू तो निनिमानाआ प्रतिफोल मिलवे. 42 जो कोडु आव हाणाम एकाहा शिष्य माजित एक गिलास हेलो पाई आपही ताहा आय तुम्हामे खोरोज कोतलू, ताहा तो आपाआ फोल गमविणारच नाहा.