मॅथि 11

एहलो उवे का जेव्हा बारा शिष्यांआ नियम ओलीते उवेताहा तो तिहीरोत निहित गोइत्लुताहा नगरामे जात संदेश आपुहू लाग्यू . 2 जेव्हा जेलूम योहानाई ख्रीस्तामाआ कामाविषयी उनाअयो ताहा आपाआ शिष्यांआ त्याजागे ओ फुसुहू मोक्ल्यीत, 3 "नाहाकोत आविलो ओतु तो तांहुज होय का आमुहू फासी बिहराआ वाट पालीलो 4 येशूने त्याहा उत्तर आपिलू जे उनाईत आना पालतेहे ओ आखे योहानाआ जात कोआ, 5 का आंधले पालतेहे, लेगडे सालतेहे, कोढी शुद्ध ओये , बारथे उनाईत, मोल्या जिवंत ओये आना गोरब्योहो सुवार्ता कोल्यी जात होय" . 6 जो माविषयी अळखळत नाहा तो धन्य. 7 योहानाआ शिष्य जात ओयताहा येशु माहुगोदीही योहानाब्द्द्ल कोहू लाग्यू , “तुमु जगलूम नाहाकोत पालाहू गोये ओते ? वाराआ टाकात्ल्यू बोरू नाहाकोत?” 8 फासाड़ी तुमु नाहाकोत पालाहू गोये ओते ? तलम आंगडे पेआडील्यो माहुंहु ? पाला , तलम आंगडे पोवअणारे राजभवनेमेह रोत्ले 9 फासाड़ी तुमु काहा गोये ओते ? कोडा संदेष्ट्याला पालाहू? होय , आना आय तुम्हामे कोतलू संदेष्ट्यहा वोडो माहुंहु , 10 ओ तोज होय ज्यावीरूढ लेखाल्या होय , 'आय आपाआ दूत ताआ आगाडी मोकलित होय जो ताआगाडी ताआ वात बोनिडीओ'. 11 आय तुम्हामे खोरोज कोतलू का , बोंयीपोरोत जोल्मो लेद्याल्यामोरोत योहान बाप्तिस्मे आपणारो यांपोरोत वोडू कोडूच पोयो नाहा, तेबी पण होर्ग्याआ राज्याम जो लाहानापो हानू होय तो त्यापोरोत श्रेष्ठ होय . 12 योहान बाप्तिस्मे आपिलो दिहेरोत ओमेजा होर्ग्याआ राज्याम सामर्थ्यावाही प्रवेश ओवुहू रोला होय आक्रमण मांहे त्याआपो सामर्थ्यावाही अधिकार प्रयत्न कोअता. 13 काहाके आखे संदेष्टे आना नियामशास्त्र योहानाआ आवेतांहजा भविष्यवाणी कोईत रोल्या 14 जर तुमु याआ गोठीकोता मानणारु ताहा ओच एलीया होय जो आविलो ओतु. 15 ज्याहा कान होय तिये उनाईत लेदलेए. 16 आय आव पिढीई लोकांची तुलना कोडाआरी कोहू ? ओ मांहे बाजारामे बोहोल्यो पोर्याहोस होय , जे आपाआ दोस्ताहा आवाज माईत कोतेहे, 17 आमु तुम्हाकोअता पावा वाजाडीते तेबी तुमु नाशे नाहा, आमुहू तुम्हाकोअता द्खोंगीत गावले तेबी तुमु दु: ख कोल्यु नाहा 18 काहाके योहान खायलो आना पीत आवयू नाहा, पण ते कोत्ले त्याहा दुष्ट आत्माआ लाग्यू होय 19 माअहा पुत्र खायलो आना पीत आवयू आना ते कोत्ले , “पाला , ओ ओड्ख्यू आना होराल्यू आना जकातदार आना पाप्यांआ हेगांति” परंतु ज्ञान आपाआ कामाहापो न्यायकोअनारा ठरतलो. 20 फासाड़ी ज्या नगरामे जाखो आश्चर्यकामे उवे ओते त्याहा दोष आपुहू लाग्यू काहाके तिये पश्चाताप कोल्योओ नेओतू . 21 "ओ खोराजीना, ताआ केवडी दुर्दशा उवे! ओ बेथसैदा, ताआ केवडी दुर्दशा उवे! काहाके तुमामे जी पराक्रमाआ कृत्ये घोडीही, ती जर सोर आना सिदोन यामे घोडीही ओते ताहा जास्तीज पालील्यो गोणताट आना खा डीलोपो घेऊन पश्चताप कोल्योओ ओतलू 22 तेबी आय तुम्हामे कोतलू का , न्यायाआ तेदीही सोर आना सदोम ची स्थिती तुमापेक्षा हाजी रोही 23 आना “ओ कफर्णहुमा, नाहाकोत तू स्वर्गापोरोत उसे विशिलो जाही? तू अधोलोकाहिज उतरीही, काहाके जे आश्चर्यकामे तांआम उवे होय ते जर सादोमात कोल्यु ओते ताहा ते ओमेजा बोनीत रोल्या ओते, 24 तेबी पण आय तुम्हामे कोतलू का , न्यायाआ तेदीही ताआ स्थितीपेक्षा सदोम स्थिती सहन कोईलाएतो रोही ” 25 त्याआ समयी येशूने कोल्यो , “ओ आबुहू, स्वर्ग आना पृथ्वी प्रभू, आय ताआ स्तुती कोअत्लू का , तू याआ गोठी ज्ञानवान आना बुद्धिमान माहामोरोत निकाडीत पोऱ्या प्रकट कोअल्यो होय ” 26 “ओ आबुहू, काहाके ओच ताहु योग्य देखायो” 27 माआ आबहाआ त्यापोरत माहु आखे किबी आपिलू होय , आना आबापोरोत पोऱ्याहा कोडु ओळखीतल्यो नाहा आना पोऱ्यावाचून आना ज्या कोटास त्याहा प्रकट कोअलाआ पोऱ्या इच्छा होय त्याच्यावाचून आबहाहा कोडु ओळखीतल्यो नाहा 28 “ऐ, थाकेहे आना पारावाही दोबाळीत माहुमे, तुमु आखे माआहने आव, आय तुम्हामे विहाव आपी” 29 माआ जू आपापो विसित ल्या आना मापोरोत हिकिलो काहाके आय नम्र आना मोनाकोईत गरीब होय आना तुमु आपाआ मोनामे विहाव मिळवा 30 काहाके माआ जू हीदू आना माआ वोझो ओलको होय .