मॅथि 9

तो नावूमे बोहित तिवोल गोल्यो आना आपाआ नगरामे आवयू 2 आना पाला , माहे एक लोखवू उवल्याहां मांहाहा खाटलापो हुवाडीत त्याआ ईही लेत आव्ये, येशूने त्याआ विश्वास पालीत लोखवू उवल्या मांहाहा कोल्यो , “माआ पोऱ्या, हिमंत तो , ताआ पापापो क्षमा उवी होय ”. 3 आना पाला , केते शास्त्री आपाआ मोनामे कोल्यो , 'ओ ताहा परमेश्वराआ निंदा कोअत्लू' 4 येशु त्याआ मोनामेऱ्या फूस होमजीत त्याहा कोल्यो , “तुमु आपाआ मोनुमे काहा वाईट फूस कोईत होय ”? 5 सोपो नाहाकोत होय ? ओ कोओलो का , 'तांआ पाप क्षमा उवे होय , का फासाड़ी 'उठ आना चालु लाग ' 6 पोन ज्यामुळे तुमु जांहु जोवे का माअहा पोऱ्याहा धोरतीपो पापापो माफी दयायआ अधिकार होय . तेहालाम तिये लाखवाउवल्यू पीडी ओयत्याहा कोल्यो, “उठ , आपाआ खाटलो वीसे आना कोआ जा”. 7 तो उठित आपाआ कोआ निहित गोल्यो. 8 जेव्हा ओ माहे समुदायांनी पाल्लये, तेहालाम ते घाबरील्यो गोये आना माहे परमेश्वराआ स्तुती कोहू लागाडीत . जीआ मांहाहा एहेलू अधिकार आप्यू होय , 9 जेहेलो येशु तिहीरोत आगाडी गोल्यो मतय नावाआ एक माहुहू वसुलीई नाकापो बोहीतरोल्यु पालीत तिये त्याहा कोल्यो, “माफासाडी आव ”, तो उठ्यू आना त्याआ फासाडी चालीलो लाग्यू . 10 फासाड़ी एहलो उवे का जेव्हा तो कोअमे रोटूखाहू बोहू ओतु, तेहालाम पाला , केते को लेनारा आना पापी आविलो येशु आना त्याआ शिष्याआरी रोटू कोहू लागाडीत . 11 आना जेव्हा परुश्यांहि ओ पालील्यो तेहालाम ते येशूउ शिष्यांआ कोहू लागाडीत , “तुमाआ स्वामी को लेनारे आना पापी मांहाआरी काहा रोटू कोईत होय ?” 12 फासाड़ी तिये उनाअयो तेहालाम तिये कोल्यो, “हाजा माहाहू वैदयाची गोरोज नाहा पण मांदवाड्यू माहाहू होय ”. 13 याकोअता तुमु जा आना होमजीत ल्या का शास्रामे आव वचनाचा अर्थ नाहाकोत होय ; "माहु यज्ञ नाहा पण दया जोवे' काहाके आय नितीमानांहा नाहा पण पाप्यांहा हादिलाकाजे आवयू होय . 14 तेहालाम योहानाआ शिष्य त्याजागे आविलो कोहू लागीई, नाहाकोत काहाके होय का आमुहू आना परुसी उपास कोअता पण तांआ शिष्य उपास कोईत नाहा? 15 येशूने त्याहा कोल्यो, “जोपोरोत उपो वोराडवालारी होय तोपोरोत ते शोक कोहू सेकेहे नाहाकोत? पण ते दीही आविलो जेव्हा वोरोहो वोराडोवालापोरोत जुदो कोल्योओ जाइअलो, आना ते उपास कोअनारू ”. 16 जुनो आगळ्याआ कोडु नव्यो आगडाआ बोटकु लागाडीत नाहा काहाके तो बोटकु तियाअ आगळा फाडते आना तो पेलरोत जाखो फटीत जात्लू. 17 नाहा कोडु जुनो बुधलाम नवो द्राक्षरस पोईत नाहा, काहाके एहलो कोलाकोता बुधले फुटीत जातेहे आना द्राक्षरस बारथे वोहीत जात्लू आना बुधले नष्ट ओते पण नवो द्राक्षरस नव्यो बुधलाम भरतात तेहालाम बुधले आना द्राक्षरस बेन हाजूहोय रोत्ले. 18 तो ओ कोल्यो ओतु एवडाम पाला , यहुदी धर्म सभांआ एक अधिकारी तिंही आवयू आना त्याहा नमन कोईत कोहू लाग्यू , “माआ पोऱ्यी ओमेज मोयी होय , पण आपु साला आना तिया मुंडकापो आथे मेका , ती जिवंत ओत जाणारी ”. 19 येशु उठ्यू आना त्याफासाडी शिष्याआरी चालु लाग्यू . 20 आना पाला , एक बोयोआ जी बारा वर्षापोरोत रक्त वाहण्याच्या बिमाराहा पीडी ओती, तीही त्याआ फासाडी आवीत त्याआ आगडाआ गोंडाहा स्पर्श कोल्योओ. 21 काहाके ती आपाआ मोनामे कोयो ओती, "जर आय त्याआ आगडाहा स्पर्श कोअनारू तेबी आय हाजी उवीही 22 ताहा येशूने फासाडी फिरीत पालील्यो आना तीही कोल्यो , ''पोयरयी, ताआ विश्वासा ताहु हाजो कोल्यु होय , आना ती बोयोआ त्याआ वेले हाजी उवी" . 23 जेव्हा येशु तियाअ अधिकाऱ्याआ कोआ पोचुज ताहा तिये पावी वाजीलो आना एकठेउवल्या गोर्दी शोक कोअत्लूतेहलाम पालील्यो 24 तिये त्याहा कोल्यो , “निहित जा काहाके पोयरयी मोयी नाहा ताहा हुवयी होय ”, यापो ते त्याआपो ओहुहू लागाडीत 25 पण जेव्हा माहुगोदीही बारथे काढीत आपिलू, आना येशु कोअमे गोल्यो आना पोरी आथे तोईत तीही उठविले आना पोऱ्यी उठित बोही. 26 ओ संदेश तियाअ आखे प्रदेशाम पसरला गोल्यो. 27 जेव्हा येशु तिहीरोत आगाडी गोल्यो तेहालाम त्याआ फासाडी बेन आंधले ओ आअडित आना गोगीत जातले , “ओ दाविदाआ पोऱ्या, आमापो दया को!” 28 आना जेव्हा तो कोअमे निहित गोल्यो तोयो ते आंधले त्याजागे आव्ये, येशूने त्याहा कोल्यो , “नाहाकोत तुमु विश्वास कोअता काहा का आय ओ कोहू शकतो”; “होय प्रभू”. 29 ताहा ओ कोल्यो त्याआ डोआहां स्पर्श कोल्यु", तुमाआ विश्वासामेहे तुम्हाआरी उवे 30 आना त्याआं डोआं उगाडीत गोये , तेहालाम येशूने त्याहा चेतावणी आपित कोल्यो , 'ओ कोडोबी कोहां मा' 31 पण तिये जात तियाअ आखे भागुम याहा चर्चा कोअयी. 32 जाहा ते बारथे जात ओते , ताहा माहे उनाआ मुक्यो माहुंहु जो दुष्ट आत्मावांहि पीडी ओतु, येशुआरी लाविले. 33 आना ताहा दुष्ट आत्माआ काढीत टाक्ये गोये ताहा मुको गोगुहू लाग्यू योपो लोकसमुदाय आश्चर्य कोईत कोडु लागीई, “इस्त्राएलमेहे एहलो केधीज पाल्लये नाहा”. 34 पण परुसी कोहू लागाडीत , ओ दुष्ट आत्म्याआ अधिपतीच्या साहायाने दुष्ट आत्माहा बारथे काडत्लू. 35 येशु आखे नगरांमे आना गावोमे जात त्याआ सभास्थानात जात हिकाडतो, राज्याआ घोषणा कोईत आना आखे प्रकारोअओ रोग आना आखे प्रकाराआ दु: ख हाजो कोईत रोला. 36 ताहा माहाआ गोर्दी पालीत माहाहूपो किरवाय आवयू काहाके ते तियाअ मेंढाहोस ते गांजलेले आना पाग्लेले ओते ज्या मेंढवालो नाहा . 37 ताहा तिये आपाआ शिष्यांआ कोल्यो , “पाकल्ये ओन जास्तीज होय , पण कामकरी कोम होय , 38 त्यापोत ओनोओ मालकोहू विनंती को का , ओन काटीलोकोता कामकरी मोकलित आपिलो”.