मॅथि 8

जेव्हा तो डोगोपोरोत उतरीलो, तेहालाम एक वोडू माहे जमाव त्याआ फासाडी चालीलो लाग्यू 2 आना एक कुष्ठरोगी त्याजागे आवयू आना नमन कोईत कोल्यो , “ओ प्रभू, जर तुमाआ इच्छा ऐहेली ताहा माहु शुद्ध कोअहू शकतो”. 3 येशुई आथ आगाडी कोईत त्याहा स्पर्श कोल्यु आना कोल्यो , “माआ इच्छा होय , तू शुद्ध ओतगोल्यु जा”, आना लागेज कुष्ठरोगापोरोत हाजू पोयो. 4 आना येशूने त्याहा कोल्यो , 'पाल , कोडाआ बी माआ कोही पोन जात स्वतःहा याजकाहा देखाड, आना मोशेद्वारे ठरावीत भेट अर्पण कोईत साक्ष उवे 5 आना जेव्हा तिये कफर्नहुमात प्रवेश कोल्योओ तेहालाम एक अधिकारी त्याजागे आवयू आना विनंती कोहू लाग्यू 6 आना कोहू लाग्यू , 'ओ प्रभू, माआ पावर पक्ष घातकोईलाकाजे पिडीत होय ', 7 तिये त्याहा कोल्यो, “आय आविलो त्याहा हाजो कोअनारू ”! 8 पोन तिया अधिकरावाही उत्तर आपिलू, “आय याआ लायक नाहा का तू माआ छताआ नीसे आवे, पण फक्त आज्ञा आप माआ पावर हाजू ओतगोल्यु जानारू ”. 9 काहाके आय पण न्यायाआ आधीन होय आना माआ आधीन माआ शिपाई होय , जेव्हा आय एकाहा कोतलू, 'जा', ताहा तो जात्लू आना बिहराहा कोतलू, 'आव ', ताहा तो आवत्लू आना जेव्हा आपाआ पावारोहो कोतलू ओ को ताहा तो ते कोअत्लू, 10 जेव्हा येशूने ओ उनाअयो तेहालाम आश्चर्यचकित पोयो, आना आपाआ फासाडी आवनाराहा कोल्यो, ''आय तुम्हामे खोरोज कोतलू का , 'माहु इस्त्राएलमेहे बी एहेलू विश्वास पाल्यु नाहा'. 11 आय तुम्हामे कोतलू का , पूर्व आना पश्चिमेरोत केते मांहे आब्राहाम, इसाहक आना याकोब त्याआआरी होर्ग्याआ राज्याम बोहोनारो. 12 पोन राज्याआ पोऱ्ये बारथे आंधाराम टाक्यो जाइअलो तिंही रोडीलो आना दात साविलो रोय 13 आना येशूने सुबेदाराआ कोल्यो , “जा, ताआ विश्वासामेहे होय ” आना पावर त्याआ समयी हाजू ओतगोल्यु गोल्यो. 14 जेव्हा येशु पेत्राआ कोआ आवयू तेहालाम त्याआ हावोहेहे जाखो जोरू पिडावांहि आथरील्यापो पोड्ये पाल्लये. 15 तिये तिया आथ तोईत कोल्योओ, आना तीई जोरू निहित गोल्यो आना ती उठित त्याआ सेवा कोहू लागीई. 16 जाहा दिह बडेताहा हांजेपो उवी तेहालाम माहु दुष्टात्माने पीडी खूप माहाहू त्यांही लाविले आना तिये फक्त उनाआ शब्दामे दुष्टात्मांना बारथे काढ्ये आना तियाअ आखाहा हाजो कोल्यु, जे मांदवाड्यू ओते . 17 ज्यायाकोलो जे वचन यशया संदेष्टाद्वारे कोल्यो ओते ते पुरो उवे , ते असे “तिये स्वतः आमुहू विकार लेधलो आना आम्हा रोगामेहे हाजो कोल्यु”. 18 येशूने जेव्हा आपाआ चारू सेटे लोकसमुदाय पाल्लये तेहालाम आना त्याहा कोल्यो चाला आपु तिवोल जाण्याआ आज्ञा आप्यी . 19 आना कोडू एक शास्त्री आवीत त्याह कोल्यो ऐ , “गुरुजी, जीही किही बी तू जानारू आय ताआ फासाडी सालनारू”. 20 येशूने त्याहा कोल्यो , “कोल्याआ दोर आना पक्ष्यांस खोटो रोत्ले पण माहाहा पोऱ्याहा मुंडको टेकीलाकोता बी जागू नाहा”. 21 त्याआ शिष्यांमेरोत कोडूएक त्याहा कोल्यो , “प्रभू, माहु आज्ञा आप का , आय जात आपाआ आबहाहा बुजीत आवोहो ”. 22 येशु त्याहा कोल्यो , “तू माफासाडी आव , आना मोल्याहा त्याआ मोल्याहा पुरू आप ” 23 जाहा ते नावेपो सोडवीत गोल्यो ते त्याआ शिष्य त्याआ फासाडी जाऊहु लागे . 24 आना पाला , समुद्रामे एक वोडू वादोल उठ्यू , त्यावाही नाव लाटांनी टापिलो लागीई तो ताहा निदेम गोल्यु 25 ते त्याआ जागे आव्ये आना त्याहा ओ कोयो उठाडीत ओते , “प्रभू, आमुहू वासाड!” आमुहू नाश उवनारा होय . 26 तिये त्याहा कोल्यो , 'ओ अल्पविश्वसी, तुमु एवडे बितगोये काहा होय ? तेहालाम उठित तिये वादलाहा धमकाव्यो, आना आखो निवांत ओत गोयो ' 27 आना तियाअ माहाहू आश्चर्य कोईत कोल्यो , ओ कोडला प्रकारचा माहे होय का वारे आना दर्या ए ह्याआ उनाईत लेदे 28 ताहा तो बिहीरा जागापो गदरेकरांआ प्रदेशाम पोचुज, तेहालाम बेन मांहे ज्यात्यात दुष्टात्मा ओती ते कब्रस्थानामरोत निहित त्याहा जोडीहो ते एवडे वाईट ओते का कोडूच तियाअ सोडकोपो जाऊ शकत नाहाआत्लू. 29 आना पाला , तिये आयडीत कोल्यो , “ओ परमेश्वराआ पोऱ्या, आमाआ तोहारीज नाहाकोत काम ? नाहाकोत इही तू आमुहू टाईमोओ पेल्योओ त्रास दयायआ आवयू होय ”. 30 थोडा अंतरापो डुकरांआ एक टोलू चोरतू ओतु. 31 खराब आत्मे त्याहा ओ विनंती कोअई का कोल्यो , “जर तू आमुहू काडतू ओय ताहा आमुहू डुकरांच्या टोलाम मोकलित दे ”. 32 तिये त्याहा कोल्यो , 'जा', आना ती डूकरांमेहे जात फोहये आना पाला , आना तो पुरो टोला जोरे जात कोठोपोरोत समुद्रामेहे पोडीत बुडीत मोईत गोयी 33 डुकरे चारनारे गुगदीत जात नगरोमेहे गोये , आना दुष्टत्म्याने पीडी माहाआपो जे उवे ते आना जे- जे उवे ते आखे कोत देखाडीलाआ. 34 आना पाला , आखे नगरामारोत (गावोमेरोत ) मांहे येशुहू मिलीला आव्ये आना जेव्हा तिये पाल्लये तेहालाम तिये त्याहा विनती कोअयी का आम्हा प्रदेशामोरोत बारथे निहित जा.