मॅथि 7

तुमाआ दोष काढण्याम आवहू कायना कोईत तुमु कोडाआ दोष काढहु नाहा ; 2 काहाके ज्यपोरोत तुमु बिहीराआ दोष काडीलोतेह्लाम त्याआप्रकारे तुमाआ पण दोष लाडयु जाइअलो आना ज्या मापोवांही तुमु मापीत आपी, त्याआ मापोवांही तुम्हामे पण मापीत आपिलू जाइअलो. 3 तू काहा आपाआ पायहोओ डोआम कोसरू पालत्लू, आना आपाआ डोआमेऱ्यूं कोसरू होमाजाडीत नाहा. 4 किंवा तू आपाआ पायहोहो केहलु कोहू सेकेहे का , लेतआव, आय ताआ डोआमेऱ्यूं कोसरू काढीत आपोहो तेबी पाला , कोसरू ताहा स्वतःआ डोआम होय ? 5 'ओ ढोगकोय, पहीले ताआ डोआमेऱ्यूं कोसरू काढीत ले , तेहालाम ताहु आपाआ पायहोओ डोआमेऱ्यूं कोसरू काडीला साफ देखआईलो. 6 ''पवित्र वस्तु हुनाः आपुहू नाहा आना आपाआ मोती डुकरांपुढे जुगारिलो नाहा , का एहलो उवूंहू नाहा का ते त्याहा गुडानिसे तुडवितील आना फिरीत तुमाहाजे फाडीत टाकीदेय 7 "मांगा म्हणजे तुम्हामे आपिलू जाइअलो, होदित म्हणजे तुम्हामे जोडे, ठोका म्हणजे उगाड्ये जाइअलो 8 काहाके जो कोडु मांगत्लू त्याहा जोळे जो कोडु होदूत्लू त्याहा जोडत्लो, जो कोडु ठोकीलो त्यांकोअता उगाड्ये जाइअलो 9 तुम्हामे एहेलू कोडू होय जो आपाआ पोऱ्याहा जेव्हा तो भाकर मांगनारू तेहालाम डोणो आपी? 10 किंवा मासे मागेहे ताहा त्याहा हाप आपे 11 जर तुमु वाईट ओतकायनाहा आपाआ पोऱ्याहा हाजा वस्तु आपिला होमजतोलो ताहा तुमाआ आबहू जो होर्गाम होय तो आपाआ हाजा वस्तु जाखा आपी नाहा नाहाकोत? 12 त्यापोत जेहेलो तुम्हामे वाटिलो का माहे तुम्हहाऱ्या वागीलो तेहलूज तुमुबीही त्याआरी वागा. काहाके नियमशास्त्र आना संदेष्टे ओच हिकाडतो होय , 13 "हाकडी बाअनामरोत विसमे प्रवेश को काहाके वोडू मार्ग होय तो नाशावोगे लेत जात्लू, आना जास्तीज माहे तीयावाही विसमे प्रवेश कोअता. 14 पण हानू आना रुंद होय तो मार्ग जीवनापो घेऊन जात्लू आना कोम माहे तीयावाही विसमे जातेहे. 15 खोटो संदेष्टयापासून सावध रो जे मेंढरांहा वेहोमेहे तुमाआ आहने आवत्ले होय पोन मायरोत फाडनारा भेडीया होय . 16 त्याआ फलापोरोत त्याहा तुमु ओलखीत लेहा , किबी काटाआ झाडाउपो द्राक्षे किंवा रीगनाई साडोपोरोत अंजीर काडीलोतेह्लाम नाहाकोत? 17 यावाही हरएक हाजो साड हाजो फोल आपोहो, पण वाईट साड वाईट फोल आपोहो 18 हाजो साड वाईट फोल आपुहू सेकेहे नाहा, आना वाईट साड हाजो फोल आपुहू सेकेहे नाहा. 19 हरएक साड जे हाजो फोल आपित नाहा आगीम टाकिला आवे 20 याकोअता तुमु त्याआ फलापोरोत ओलखीत लेहां . 21 हरएक जोओ जो माहु 'ओ प्रभू, ओ प्रभू' कोतलू, तिया होर्ग्याआ राज्याम प्रवेश उवे नाहा, पण जो माआ होर्गाआ आबहाआ इच्छेवही चालीलो तोज होर्ग्याआ राज्याम प्रवेश उवे 22 तियाअ तेदीही जास्तीज माहे माहु आखीत , 'ओ प्रभू, ओ प्रभू, आमुहू ताआ नावामेहे भविष्य कोल्यु, ताआ नावामेहे दुष्टात्मा काढीलो, आना ताआ नावामेहे केतो आश्चर्यकर्म कोल्यु नाहीत नाहाकोत? 23 तेहालाम आय त्याहा हीदू कोअही , आय तुम्हामे केधीज ओलख्यु नाहा. 'ओ पाप कोअनारावाही मापोरोत सेटे ओ 24 त्यापोत जो कोडु माआ याआ वचनाआ उनाईत त्याहोस चालीलो, तो तियाअ बुद्धिमान महुहुहोच होय , जीआ आपाआ को खोड्कापो बानदल्यो होय'. 25 आना पां पाई पोडीत, खाड आवयू, वारू ए आवयू तेबी तियाअ कोओहो लाग्यू तेबी ते को पोडये नाहा, काहाके तिया गुडू खोड्कापो टाक्यू ओतु. 26 पोन जो कोडु माआ वचनांमे उनात्लू, आना त्याआ पालीत कोईत नाहा, तो तियाअ गांडाहोस होय जीआ आपाआ को रेटापो बानदल्यो होय . 27 आना पाई पोडीत, खाड आवयू, वारू ए सुलटो्या तिया कोओहो लाग्यू , तेहालाम ते पोडीत गोये आना आख्यो नायनाट ओतगोल्यु गोल्यो. 28 याआ परिणाम ओ पोयो का , जेव्हा येशू याआ गोठी कोत ओवल्यु तेहालाम एखठीउवली गोर्दी त्याआ शिक्षणापोरोत आश्चर्यचकित उवी . 29 काहाके तो त्याआ शास्त्राप्रमाणे नाहा ताहा अधिकाराआ हिकाडतो ओतु.