मॅथि 6

“सावध रो ! तुमु आपाआ धार्मिकताआ काम माहाहू देखाड्ल्याकोता कोहू नाहा , नहाते आपाआ स्वर्गातल्या आबापोरोत तुम्हामे किबी जोडयो उवे नाहा”. 2 त्यापोत जेव्हा तू दान आपी ताहा आपाआ आगाडी नरसिंगा वाजाडुहू नाहा, जेहलो ढोगकोय मांहे सभास्थानात आना गल्ली-गली माय कोअता का , मांहे जिया प्रशंसा (वाहवा) कोअला जोवे आय तुम्हामे खरंच-खरंच कोतलू का , ते आपाआ फोल मिलवीत चुक्यो होय . 3 पण जेव्हा तू दान कोअही तेहालाम ताआ बांगाडू आथ होमजुलो नाहा का ताआ हुडू आथे नाहाकोत कोईत होय . 4 ज्यायाकोलो तांआ दान गुप्त रोही आना ताआ आबहू जो गुप्तमे पालत्लू तो ताहु प्रतिफोल आपी. 5 जेव्हा तू प्रार्थना कोअही तेहालाम ढोंग्याहोसऱ्या ओवुहू नाहा, काहाके माहाहू देखाड्ल्याकोता मंदिरोम आना वाटेए कडेवर उभे रोत प्रार्थना कोअला त्याहा गोमत्लो, आय तुम्हामे खोरीज कोतलू का , ते आपाआ पुरो फोल जोडयो कोईत चुक्यो होय . 6 पण तू जेव्हा प्रार्थना कोअनारू तेहालाम आपाआ बंद खोलीम जा आना दरवाजू बंद कोईत आपाआ आबाआरी जो गुप्तमे होय प्रार्थना को आना ताआ आबहू जो गुप्तपणे पालत्लू ताहु तिया फोल (मोबदलु) आपही 7 आना जेव्हा तू प्रार्थना कोअही तेहालाम अविश्वासी सारखो कीपोण गोगू नाहा, काहाके ते एहलो फूस कोत्ले का त्याआं जाखो गोगीला त्याआं उनाअयो जानारू 8 याकोअता त्याहोच बोनटू नाहा , काहाके तुमाआ आबहू मागीलाकोत पहीले तुमाआ गरजा त्याहा मोलुम होय . 9 ''याकोअता तुमु एह्लाप्रमाणे प्रार्थना को, ओ आम्हा आबुहू, तू जो होर्गाम होय , तांआ नाव पवित्र मान्ये जालो, 10 तांआ राज्य आवे, ताआ ईच्छा जीही होर्गाम पुरो ओते , तेहलूज धोरतीपो पण पुरो उवे. 11 आमाआं दीहोओ रोटू आज आमुहू आप . 12 आना जेहलो आमुहू आम्हा शत्रूउ क्षमा कोअत्लू तेहलूज तू पण आमुहू अपराध क्षमा को. 13 आना आमुहू परीक्षेमेहे अणु नाहा, ताहा वाईटापोरोत सोडीत, “काहाके राज्य , पराक्रम आना गौरव ताआज होय” आमेन. 14 जर आमुहू मांहाआ अपराध क्षमा कोअनारू ताहा तो तुमाआ होर्गामेऱ्ये आबहू पण तुम्हामे क्षमा कोअनारू 15 पण जर तुमु मांहाआ अपराध क्षमा कोअनारू नाहा ताहा तुमाआ होर्गाआ आबहू पण तुमाआ अपराध क्षमा कोअनारू नाहा. 16 कोंयो पण तुमु उपास मुडोपो ताहा ढोंग्याहोसऱ्या देखाडहु नाहा , काहाके ते आपाआ सोब उतरित मेकात्ले, ज्यायाकोलो ते मांहाआगाडी उपास होयतो देखिलो जोवे आय तुम्हामे खोरोज कोतलू का , ते आपाआ पुरो फोल जोडयो कोईत पाण्यो होय . 17 पण तू जेव्हा उपास कोअही तेहालाम आपाआ मुद्काहा तेल टाकीत आना सोब तोवीत ले . 18 याकोअता का तू माहाहू उपास देखाक्युत नाहा, पण आपाआ आबहू गुप्तमे होय आना ताआ आबहू जो गुप्तमे पालत्लू ताहु फोल आपही. 19 आपाआकाजे धोरतीपो धन साठवून मुक्या नाहा जीही किडे आना जंग नाश कोअता आना जीही बाड डाव सापुडूतोलो चोरी कोअता. 20 पण आपाआकाजे होर्गाम धन एखटो को जीही किडे आना जंग नाश कोईत नाहा आना बाड डाव पालहु चोरी कोईत नाहा. 21 काहाके जीही ताआ धन होय होमजीत्लो तांआ मोन लागाडीत रोही. 22 काहाके डीलाआ दिवू डोउ होय , त्यापोत जर ताआ डोउ साफ होय ताहा तांआ आखे डील प्रकाशाम रोही . 23 पण जर ताआ डोउ खराब होय ताहा तांआ आखे डील अंधकारमय रोही , यकोअता जो प्रकाश तांआम होय तो आंधार होय ताहा ओ आंधार केवडू होय? 24 कोडु पण बेन धन्याची साकरी कोहू शकत नाहा. काहाके तो एकापो प्रेम कोअनारू आना बिहीरापो द्वेष कोअही किंवा एकाआरी हाजू वागीलो आना दिहीराहा तुच्छ मानणारु तू परमेश्वर आना धन बेनजोआआ सेवा कोहू शकत नाहा. 25 कोईत आय तुमुह कोतलू का , आपाआ जीवाकोता ए चिंता कोहू नाहा का , नाहाकोत खावा आना नाहाकोत पिवा आना आपाआ डीलाकोता नाहाकोत पाघरिलो, आगीपेक्षा जीव आना आगडाआ डील जाखा महत्वाओ होय का नाहा? 26 जुगोमेरयो सिडाहा पाला , ते पेईलो कोअते नाहा आना वाडीलो ए कोईत नाहा आना खोलामेहे जमा कोईत नाहा तेबी तुमाआ होर्गामेऱ्ये आबहू त्याहा खाहुं आपतलु त्यारोत तुमाआ किमोत जाखा होय का नाहा? 27 तुमामेरयू कोडू एहेलू होय का , जो चिंता कोईत आयुष्याला वाढविलो आना निवरवीत शकतो? 28 आगडाकोता तुमु चिंता काहा कोअता? रानोमेऱ्या फुलोहो पाला का ते केहलो वोद्त्ले! ते मेहनतो कोईत नाहा, वाडीलो कोईत नाहा 29 तेबी पण आय तुम्हामे कोतलू का शलमोनसुद्धा आपाआ आखे वैभवाआ त्यामोऱ्यो एकाहोस पण आगडे पेअल्यु नेओतू 30 त्यापोत जर रानोमेऱ्या कोचाराहा जे आज होय आना उद्या आगीई भट्टीम टाक्ये जाइअलो त्याहा जर देव एहलो प्रकारे आगडे काल्त्लू ताहा ओ अल्पविश्वसी, तो तुम्हाकोअता काहा नाहा यांपोरोत विशेष कोअनारू 31 तुमु चिन्ता कोईत ओमा कोहा की खाहू की पिहू की पेअहु कोईत चिंता कोअहा मा 32 काहाके बिनाविश्वासी उस्तुकतेने याआ आखे व्स्तुऊ होदिअलो रोतेहे, पण तुमाआ होर्गामेऱ्ये आबहाहा मालूमे होय का तुम्हामे याआ आखे वस्तुंउ आवश्यकता होय 33 कोईत पेल तुमु परमेश्वराआ राज्य आना धार्मिकताआ होद को म्हणजे तुमुह ऐ आखी वस्तु तुमुह जोड़े 34 त्यापोत हुविलो चिंता कोहू नाहा काहाके हुविलो चिंता हांदा; आजे दिहोकोअता आज्ये दु: ख जाखो होय .