Abədɩasə
Abədɩasə sagɩ tə yuu wa sʋgʋ
Abədɩasə sagɩ tə yɩ Yɩɩ nə wá bʋ̀rɩ̀ Edomə tɩ̀án bʋra yoo nə kʋ swɩ̀n. Ezayu, ʋ yɩrɩ nə yɩ Edomə, yà yɩ Zwakɔbə yɩywadon. Ezayu nə yɩ Edomə tɩ̀án nɩbɛɛ. Edomə lʋʋ nii tə yà yɩ kʋ wulə Zwida lʋʋ nii tə jɩgwiə saparʋ con. Edomə tɩ̀án yà yɩ Yɩɩ lɩ̀à tə dʋŋa. Máŋá tə wa dʋŋa nə cʋ̀gʋ̀ Zwerizalɛmə tɩʋ tə, Edomə tɩ̀án twi ba pɛ̀ tɩʋ tə jɩjə wiən tə. Ba bɩlɩ ba san lɩ̀à tə nə, ba nə twi ba ta Zwida lʋʋ nii tə. Yɩɩ nii sʋ̀sʋ̀nʋ̀ Abədɩasə swɩ̀n də Yɩɩ wá kə càn Edomə tɩ̀án nə, yolwan təntə yɩrɩ ba nə tʋn, ʋ ga jon ba lʋʋ nii tə, ʋ pa Zwida lʋʋ lɩ̀à tə nə, ba nə yɩ ʋ mʋ̀ Yɩɩ lɩ̀à.
Sagɩ tə sʋyun
Yɩɩ wá cʋ̀gʋ̀ Edomə tɩ̀án (v1-9)
Edomə tɩ̀án yɩn wʋlʋnyɩna (v10-15)
Yɩzərayɛlə lɩ̀à wá də́ dɩ̀àn (v16-21)