Ba-Yígúrə́-Jə-Tiu mɩ́n ʋ Siŋu tə lɩ̀à mama yuu wa
3
1 Kʋ kwa nə, à wá mɩ́n à Siŋu tə ləzwənyiri mama yuu wa.
Á bɩ̀á də á bwɩ̀ɩ́ wá swɩ̀n Yɩɩ nii sʋ̀ràn,
á bazʋnan wá dwɛ̀ pandwɩa,
yá á ləzwəndʋn wá na nɩʋn.
2 Kʋ máŋá təntə wa, à wá mɩ́n à Siŋu tə,
tʋtʋnbara də tʋtʋnkana də tətə yuu wa.
3 À wá fwa yomɩlan lanworu wa, də tɩa yuu wa,
tə nə yɩ jana, də mən də ŋwɩn kùlì.
4 Yɩcaʋ tə wá lwàń kʋ jì yikunu,
cànà tə ga jì nəsɩan ndə jana nə,
sə Ba-Yígúrə́-Jə-Tiu dɩɩn tə dàń ga zɩgɩ lá kʋ bà,
kʋ mʋ̀ dɩɩn nəfarʋ tə, kʋ nə jə fən zənzən.
5 Yá lìù tə mama,
ʋ nə wá bon ʋ kə Ba-Yígúrə́-Jə-Tiu yɩrɩ tə nə,
Ba-Yígúrə́-Jə-Tiu wá jon kʋ tíú.
Cɩ́gá, lɩ̀à wá jɛ́n tɩan yáá nə,
Siyon paan tə yuu wa, Zwerizalɛmə nə,
ndə Ba-Yígúrə́-Jə-Tiu nə swɩ̀n kʋ nətʋ.
Yá mə lɩ̀à gɩganɩ təntə nə, Ba-Yígúrə́-Jə-Tiu bon.