Zweremi kòrì Barukə
45
1 Yɩɩ nii sʋ̀sʋ̀nʋ̀ Zweremi swɩ̀n sʋgʋ kʋ tə Neriya bìú Barukə con, máŋá tə wa ʋ nə swɩ̀n sʋ̀ràn tə, Barukə ga pʋ́pʋ́nɩ́ tə ʋ kəni sagɩ wa. Kʋ yɩn Zwida pɩ̀ʋ́ Zozɩasə bìú Yehoyakimə pàrɩ̀ tə banɩa nii bɩnɩ tə wa. Ʋ swɩ̀n, ʋ wʋ́: 2 «Nə̀ń kʋ tə Ba-Yígúrə́-Jə-Tiu, ʋ nə yɩ Yɩzərayɛlə Yɩɩ nə swɩ̀n n mʋ̀ Barukə con. 3 Ʋ swɩ̀n də n swɩ̀n n wʋ́: “Lɛɛ yí nə! Cɩ́gá, Ba-Yígúrə́-Jə-Tiu súrí bɩbɩlʋ à càn tə nə. Pucʋnɩ pɩn à sìrì à gwàrɩ̀, yá à ba sìə́ na!” 4 N dàń nə̀ń kʋ tə Ba-Yígúrə́-Jə-Tiu nə swɩ̀n à con, sə à swɩ̀n n con. Ʋ wʋ́:“À wá pìí à gwɛrɩ kʋ tə à yà nə lwə̀,
à ga pìí à mùrí kʋ tə à yà nə cwɛn,
yá kʋ wá ya nətʋ lʋʋ nii kʋ tə mama wa.
5 Yá n mʋ̀ yɩ wofaran nə n pɩ̀à sə n pa n tɩ̀àn nə!
Dàn ká pa tə fɩra ja mʋ́!
Cɩ́gá, à wá pa lɛɛ yí ləzwənəŋu mama,
yá à wá pa n mʋ̀ jon n mɩɩ tə,
bwálɩ́ tə mama wa, n nə wá va,
ndə won nə, n nə ta n jon kʋ̀ʋ̀ wa.”
Ba-Yígúrə́-Jə-Tiu nii sʋgʋ nə!»