Pùə́ nədʋ tɩ̀án dun yoo
149
1 Á bwɩa Ba-Yígúrə́-Jə-Tiu nə!Á nuŋə nundʋan,
á pa Ba-Yígúrə́-Jə-Tiu nə!
Á nuŋə á ma bʋ ʋ nə,
pùə́ nədʋ tɩ̀án púlí wa!
2 Yɩzərayɛlə lɩ̀à tə fwaga pupwən
də Yɩɩ tə ʋ nə dɩga ba!
Siyon tɩ̀án tə jwɩa ba pɩ̀ʋ́ tə yɩrɩ!
3 Á sɩa á ma bʋ ʋ yɩrɩ tə nə,
á ga ja mənkwərə də bànʋ́ á ma siən wá!
4 Cɩ́gá, Ba-Yígúrə́-Jə-Tiu swə
sə ʋ ya ʋ lalʋʋ tə wa,
ʋ pɩn sáŋʋ́ ndə wonanʋ nə,
lɩ̀à tə nə, ba nə muŋə ba tɩ̀àn.
5 Pùə́ nədʋ tɩ̀án fwaga pupwən, ʋ dun tə wa!
Ba maga pupwən cə̀rí, ba yipaa bwálɩ́ wa!
6 Ba pɩan Yɩɩ bʋra tə ya ba nii wa,
ba ga ja kwatara sɩ̀ʋ́ tə nə jə níə́ bələ, ba jɩɩn wa,
7 ba ma fwi ba lɩŋa dwíə́ nəkaran* tə yuu wa,
ba ma kə càn lʋʋ dwíə́ tə nə,
8 ba vwa ba pɛ̀gá tə də banzala,
ba ga kə dalɩ ba yáá tɩ̀án tə nɛɛ nə,
9 sə ba pa Yɩɩ bʋra tə,
ʋ nə pʋ́pʋ́nɩ́ ʋ zɩgɩ ba nə, ja ba.
Kʋ yɩ dun nəfarʋ, kʋ pa Yɩɩ lɩ̀à tə nə,
ba nə yɩ pùə́ nədʋ tɩ̀án!
Á bwɩa Ba-Yígúrə́-Jə-Tiu nə!