Kʋ ziən də nubɩa nə wulə duən nə
133
1 Gwaran ba nə nuŋə ba ja dɩ̀ Ba-Yígúrə́-Jə-Tiu dìə̀ tə wa. Davidə gwaran.
Nə̀ń kʋ nə ziən, kʋ ga jə fɩra nətʋ,
sə nubɩa ya duən nə!
2 Kʋ nətʋ tə yɩ ndə nʋga nəzəŋu nə,
ba nə lwá Aron yuu wa,
ka ga dəri ka cwí ʋ twaŋa wa,
ka dəri ka cwí Aron twaŋa wa,
ka lɛ ka zwɩ ʋ gànʋ̀ bɩan wa.
3 Kʋ nətʋ tə yɩ ndə nyʋ̀nʋ̀ nə vwə Hɛrəmon paan tə yuu wa,
kʋ ga dəri kʋ cwí Siyon pɛɛn tə yuu wa.
Cɩ́gá, mə lá nə Ba-Yígúrə́-Jə-Tiu yàá fwa zəni,
yá zəni təntə yɩ mɩɩ, máŋá mama wuuu!