Càn máŋá yoo
130
1 Gwaran ba nə nuŋə ba ja dɩ̀ Ba-Yígúrə́-Jə-Tiu dìə̀ tə wa.
À zɩgɩ bʋʋ nəfarʋ tə də̀ń nə,
à boŋə à kəni n mʋ̀ Ba-Yígúrə́-Jə-Tiu nə!
2 Yuu-Tiu, à lòrì mʋ́ sə n cʋgʋ à kori!
Guni n zɩɩn n cʋgʋ à lòrí tə,
à nə lòrì mʋ́ pwəpwə!
3 Ba-Yígúrə́-Jə-Tiu, də n yà nə jələ yolwana,
Yuu-Tiu, wàà yà nə wá wànɩ́ ʋ ya lʋʋ wa?
4 Yá n mʋ̀ con nə cʋna kwɩan wulə,
sə kʋ pa ba dəri n fən.
5 À jələ Ba-Yígúrə́-Jə-Tiu yuu wa,
à jələ ʋ yuu wa də à jə̀rə́ mama,
à ga kə à yala ʋ sʋgʋ tə nə.
6 À jələ Yuu-Tiu yuu wa,
à doni tɩtɩn nəcɩra nə dànɩ̀ jɩjʋ.
Awo, à doni tɩtɩn nəcɩra nə dànɩ̀ jɩjʋ.
7 Yɩzərayɛlə lɩ̀à-ba, á jələ Ba-Yígúrə́-Jə-Tiu yuu wa!
Cɩ́gá, wʋywaŋʋ* wulə Ba-Yígúrə́-Jə-Tiu con,
ʋ ga jə dɩ̀àn zənzən, sə ʋ ma jon lɩ̀à.
8 Mə ʋ mʋ̀ nə joŋə Yɩzərayɛlə lɩ̀à ba cʋna mama wa.