Lɩ̀à zɩgɩ à nə zənzən
129
1 Gwaran ba nə nuŋə ba ja dɩ̀ Ba-Yígúrə́-Jə-Tiu dìə̀ tə wa.
Máŋá don wa, lɩ̀à yàá zɩgɩ à nə à zandʋan wa...
— Yɩzərayɛlə lɩ̀à swɩan kʋ, də ba bwɛ́! —
2 Máŋá don wa, lɩ̀à yàá zɩgɩ à nə à zandʋan wa,
yá ba wà dɩ̀àn à yuu wa dí.
3 Ba tún felən nədaran à tàŋá wa,
ndə vala nə vàrɩ̀ kárá.
4 Yá Ba-Yígúrə́-Jə-Tiu yɩ cɩ́gá tíú,
ʋ kʋ̀rɩ̀ wʋlʋnyɩna ŋoni tə.
5 Cavɩra wá yí lɩ̀à tə mama nə culi Siyon tɩʋ tə,
ba ga pìí ba kə ba kwa!
6 Pa ba jì ndə dəyuu wa gaʋ nə,
kʋ nə yàá kʋ̀ də ba wà kʋ mùrí.
7 Lìù nə gan kʋ, kʋ ba ʋ jɩtalɩ swí,
ʋ nə pɛ̀ kʋ, kʋ mun sə ʋ kə kʋ ʋ vakoo wa.
8 Yá lɩ̀à tə nə kɛ̀ń bá swɩ̀n, ba wʋ́:
«Ba-Yígúrə́-Jə-Tiu wá fwa zəni á yɩra!
Nə lòrì sə Ba-Yígúrə́-Jə-Tiu fwa zəni á yɩra!»