Lìù tə ba nə kʋ̀nɩ̀ kʋ̀nkʋ̀n ba kə ʋ nii nə yɩjʋnɩ
120
1 Gwaran ba nə nuŋə ba ja dɩ̀a Ba-Yígúrə́-Jə-Tiu dìə̀ tə wa.
À jɩgwarʋ tə wa, à bubwi à kə Ba-Yígúrə́-Jə-Tiu nə,
yá ʋ le nə.
2 Ba-Yígúrə́-Jə-Tiu, jon à jə̀rə́ tə kʋ̀nkʋ̀na jɩɩn wa,
jon ka ba mʋ̀ gɩgɩrɩnyɩna tə jɩɩn wa.
3 Bɛ̀ɛ̀ nə kʋ̀nkʋ̀n wá pa mʋ́?
Bɛ̀ɛ̀ nywarɩ nə kʋ jə kʋ pa mʋ̀,
nəndəli gɩgɩrɩnyiən tíú?
4 Də kʋ nə ta kwatara cɩan,
ba nə lɩ tə nii fʋfʋlon məncala wa!
5 Lɛɛ yí nə, də à nan à va à wulə Meswɛkə nə,
də à wulə Kedarə tɩ̀án gansilə də̀ń!
6 À yɩn lɩ̀à tə nə culi bɩcan sìə́ con,
à dán zənzən, à ja lɛ.
7 À mʋ̀ yɩ sìə́ lìù!
yá à nə swɩ̀n sìə́ yoo,
ba mʋ̀ yɩ kʋ̀ʋ̀ ba pɩ̀à.