Marədoswe dí dɩ̀àn ʋ ma gúrí
10
1 Pɩ̀ʋ́ Asuerusə dɩga lanpoo ʋ lʋʋ nii tə, də kʋ nagwanɛɛ tə nə wulə mʋʋ titəŋi wa, yuu wa. 2 Pɩ̀ʋ́ Asuerusə dɩ̀àn, də ʋ babarɩ tə tʋ̀tʋ̀nán tə mama, də nətʋ tə mama ʋ nə zɩ̀n Marədoswe, ʋ kə dun bwálɩ́ nə, ba pʋ́pʋ́nɩ́ tə mama, ba kə Medi də Pɛrəsə tɩ̀án pɛ̀gá yìə̀n sagɩ wa. 3 Cɩ́gá, Marədoswe, ʋ nə yɩ Zwida lʋʋ lìù yà nə daa pɩ̀ʋ́ Asuerusə nə. Ʋ yà yɩ Zwida lʋʋ lɩ̀à tə ləzwənfarʋ, yá ʋ nubɩa kapʋpʋ tə mama yà swə wá. Ʋ yà tʋŋa sə ʋ ma san ʋ lʋʋ lɩ̀à tə nə, ʋ ga fwa kʋ tə mama ʋ nə wàá, sə ʋ dwíí tɩ̀án tə mama ya sìə́ wa.