Zwida dwíí tə faan don dəkuu yoo
4
1 Zwida bɩ̀á nə yɩn Perɛsə, də Ɛsəron, də Karəmi, də Urə, də Swobalə. 2 Swobalə bìú Reya lɩrɩ Yahatə, Yahatə lɩrɩ Ahumayi, də Lahadə. Mə ba mʋ̀ nə yɩ Sora sànɩ́ tə nɩbara.3 Nə̀ń Etamə tɩ̀án nɩbara: Kʋ yɩ Zwizəreyɛlə, də Yiswəma, də Yidəba. Ba nakʋa yɩrɩ yà nə yɩ Haselɛləponi. 4 Penuwɛlə yɩn Gedɔrə tɩ̀án nɩbɛɛ, yá Ezɛrə də yɩn Uswa tɩ̀án nɩbɛɛ. Mə Efərata bikwɩa Urə, ʋ nə yɩ Bɛtəleyɛmə tɩ̀án nɩbɛɛ dwíí dəkuu yɩn nətʋ. 5 Tekʋa nyɩna Aswurə swe kana bələ, ba yɩra nə yɩ Eleya, də Nara. 6 Aswurə də ʋ kan Nara bɩ̀á nə yɩ Ahuzamə, də Efɛrə, də Temeni, də Ahaswətari. Mə Nara bɩ̀á nə nətʋ. 7 Ʋ də ʋ kan Eleya bɩ̀á nə yɩ Serɛtə, də Soharə, də Etənan. 8 Kɔsə lɩrɩ Anubə, də Hasobeba, ʋ mʋ̀ ga nə yɩ Harumə bìú Aharehɛlə sànɩ́ tə nɩbɛɛ. 9 Ba yà jələ Yabɛsə ba doni, ʋ nubɩa tə. Ʋ nuu dɩga ʋ yɩrɩ Yabɛsə, sə ʋ ma swɩ̀n, ʋ wʋ́: «À dí càn zənzən à ma lɩrɩ wá.» 10 Yabɛsə bon ʋ kə Yɩzərayɛlə Yɩɩ tə nə, ʋ wʋ́: «Fwa zəni à yɩra n pa à jɩjə pùlì, n ga pa n jɩɩn tə cɩ̀ à nə, də yolwan, də càn yiri mama nə.» Yá Yɩɩ pɩn wá, kʋ tə ʋ nə lòrì.
11 Swuha nubiu Kelubə lɩrɩ Mehirə, ʋ nə yɩn Ɛswəton nyɩna. 12 Ɛswəton nə yɩ Bɛtə-Rafa, də Paseya, də Tehina nyɩna. Tehina nə yɩ Nahaswə tɩ̀án nɩbɛɛ. Mə ba mʋ̀ nə yɩ Reka tɩ̀án.
13 Kenazə bɩ̀á nə yɩ Otəniyɛlə, də Seraya. Otəniyɛlə bɩ̀á nə yɩ Hatatə, də Mewonotayi. 14 Mewonotayi lɩrɩ Ofəra. Seraya lɩrɩ Zʋabə, ʋ nə yɩ Jɩɩn-Tʋ̀tʋ̀nán-Vara lɩ̀à tə nɩbɛɛ. Cɩ́gá, dwíə́ təntə yà tʋŋa jɩɩn tʋ̀tʋ̀nán.
15 Yefune bìú Kalɛbə bɩ̀á nə yɩ Yiru, də Ela, də Namə. Ela bìú nə yɩ Kenazə.
16 Yehalelɛlə bɩ̀á nə yɩ Zifə, də Zɩfa, də Tɩrɩya, də Asarɛlə.
17 Ɛsədərasə bɩ̀á nə yɩ Yetɛrə, də Merɛdə, də Efɛrə, də Yalon. Merɛdə də ʋ kan lɩrɩ Miriyamə, də Swamayi, də Yiswəba, ʋ nə yɩ Ɛswətemʋa tɩ̀án nɩbɛɛ. 18 Mə Merɛdə kan Bɩtɩya, ʋ nə yɩ Farawon bʋ̀á, bɩ̀á nə nətʋ. Merɛdə kan tə nə yɩ Zwide tɩ̀án bʋ̀á lɩrɩ Yerɛdə, ʋ nə yɩ Gedɔrə tɩ̀án nɩbɛɛ, də Ebɛrə, ʋ nə yɩ Soko tɩ̀án nɩbɛɛ, də Yekutiyɛlə, ʋ nə yɩ Zanʋa tɩ̀án nɩbɛɛ.
19 Hodiya kan tə nə yɩ Nahamə nakʋa, bìú nə yɩn Garɛmə tɩ̀án nɩbɛɛ Keyila nə, ʋ don də ga yà Maaka tɩ̀án nɩbɛɛ Ɛswətemʋa nə.
20 Simon bɩ̀á nə yɩ Amənon, də Rina, də Bɛn-Hanan, də Tilon. Yisweyi bɩ̀á nə yɩ Zohɛtə, də Bɛn-Zohɛtə.
21 Zwida bìú Swela dwíí dəkuu nə yɩ Ɛrə, ʋ nə yɩ Leka tɩ̀án nɩbɛɛ, də Lada, ʋ nə yɩ Mareswa tɩ̀án nɩbɛɛ, kʋ súrí sànɩ́ tə nə, tə lɩ̀à nə swɩ ganbʋa gantwɛn Bɛtə-Aswebeya nə. 22 Swela yɩ Yokimə dwíí tə, də Kozeba tɩ̀án, də Yʋasə dwíí tə, də Sarafə dwíí tə də nɩbɛɛ. Dwíə́ təntə dí pàrɩ̀ Mʋabə tɩ̀án yuu wa, ba ga jə̀ń Lehɛmə nə. Yìə̀n təntə mama yɩ yodwara. 23 Ba dwíə́ tə yà mɛ wiən də dɔɔ. Ba yà wulə pún də najɩraa wa, ba tʋŋa ba pɩn pɩ̀ʋ́ nə.
Simeyon dwíí dəkuu yoo
24 Simeyon bɩ̀á nə yɩ Nemuwɛlə, də Yaminə, də Yaribə, də Zera, də Sayulə. 25 Sayulə bìú nə yɩ Swalumə, Swalumə bìú nə yɩ Mibəsamə, Mibəsamə bìú nə yɩ Miswəma. 26 Miswəma bìú nə yɩ Hamuwɛlə, Hamuwɛlə bìú nə yɩ Zakurə, Zakurə bìú nə yɩ Swimeyi. 27 Swimeyi lɩrɩ bibara fugə bardʋ, də bikana bardʋ. Ʋ nubɩa tə mʋ̀ wà bɩ̀á zənzən lɩrɩ. Kʋ mʋ̀ nə pɩn, Simeyon sànɩ́ tə wà pùlì zənzən, ndə Zwida sànɩ́ tə nə.
28 Ba yà wulə Bɛrəsweba nə, də Molada nə, də Hasarə-Swuwalə nə, 29 də Bila nə, də Esɛmə nə, də Tola nə, 30 də Betuwɛlə nə, də Ɔrəma nə, də Sikəlagə nə, 31 də Bɛtə-Marəkabɔtə nə, də Hasarə-Susimə nə, də Bɛtə-Bireyi nə, də Swarayimə nə. Mə tɩan təntə wa nə ba yɩn, kʋ va kʋ yí Davidə pàrɩ̀ tə máŋá. 32 Tɩan təntə nii tɩbii nə yɩ Etamə, də Ayin, də Rimon, də Tokɛnə, də Aswan. Tə mama yɩ tɩan bonu. 33 Kʋ súrí tɩbii tə mama nə, tə nə kɩkarɩ tɩan təntə, kʋ va kʋ yí Baalə. Mə bwálá təntə wa nə ba yɩn, ba ga pʋ́pʋ́nɩ́ ba sànɩ́ tə yɩra ba tún saga wa.
34 Nə̀ń Simeyon sànɩ́ tɩ̀án tə yɩra: Kʋ yɩ Meswobabə, də Yaməlɛkə, də Amasɩa bìú Yoswa, 35 də Zʋwɛlə, də Zwehu, ʋ nə yɩ Yoswibɩa bìú, də Yoswibɩa, ʋ nə yɩ Seraya bìú, də Seraya, ʋ nə yɩ Asiyɛlə bìú, 36 də Eliyowenayi, də Yakʋba, də Yeswohaya, də Asaya, də Adɩyɛlə, də Yesimiyɛlə, də Benaya, 37 də Zɩza, ʋ nə yɩ Swifeyi bìú, də Swifeyi, ʋ nə yɩ Alon bìú, də Alon, ʋ nə yɩ Yedaya bìú, də Yedaya, ʋ nə yɩ Swiməri bìú, də Swiməri, ʋ nə yɩ Swemaya bìú. 38 Ba mʋ̀ lɩ̀à təntə mama, ba nə bon ba yɩra, yà yɩ ba sànɩ́ tə tɩ̀án. Ba dìì tə yà pùlì zənzən, 39 kʋ pa ba duən nan ba va Gedɔrə con, ba va ba yí vara tə yɩɩ yipɩan con, sə ba ma pɩ̀à ba vàná gaʋ. 40 Ba nɩ gaʋ kʋ nə bwànà, kʋ ga ywán kʋ pa vàná nə, lʋʋ nii wa kʋ nə dáá, kʋ ga yɩ sìə́ bwálɩ́ də. Fuən nə, Swamə dwíí tə wa lɩ̀à yà nə wulə kʋ lʋʋ nii təntə wa. 41 Zwida pɩ̀ʋ́ Ezekɩasə máŋá tə wa, sànɩ́ tɩ̀án təntə, ba nə pʋ́pʋ́nɩ́ ba yɩra, twi ba mà gansilə tə, də sànɩ́ tə, tə yà nə wulə kʋ bwálɩ́ tə wa, ba ga gʋ lɩ̀à tə mama mɩ́ámɩ́án, ba pa dwíí təntə nyʋn lá, də zə̀n mama. Yá ba dàń jə̀ń kʋ bwálɩ́ tə wa, gaʋ yà nə wulə lá, sə ba vàná də́ yɩrɩ.