Təntən Pɛ̀gá Ŋwɛn
Nɩbara-ba tə, kʋ nə zɩgɩ Adamə, kʋ va kʋ yí Ezayu dwíí tə
1
1 Adamə lɩrɩ Sɛtə, Sɛtə lɩrɩ Enɔswə,2 Enɔswə lɩrɩ Kenan, Kenan lɩrɩ Mahalaleyɛlə, Mahalaleyɛlə lɩrɩ Yerɛdə, 3 Yerɛdə lɩrɩ Enɔkə, Enɔkə lɩrɩ Matusalɛmə, Matusalɛmə lɩrɩ Lemɛkə, 4 Lemɛkə lɩrɩ Nowe, Nowe lɩrɩ Sɛmə, də Swamə, də Zwafe.
5 Zwafe bɩ̀á nə yɩn Gomɛrə, də Magogə, də Madayi, də Yavan, də Tubalə, də Meswɛkə, də Tirasə.
6 Gomɛrə bɩ̀á nə yɩn Aswəkenazə, də Difatə, də Togarəma.
7 Yavan bɩ̀á nə yɩn Eliswa, də Tarəswisa, də Kitimə, də Rodanimə.
8 Swamə bɩ̀á nə yɩn Kuswə, də Misərayimə, də Putə, də Kanaan.
9 Kuswə bɩ̀á nə yɩn Seba, də Havɩla, də Sabəta, də Rayema, də Sabəteka. Rayema bɩ̀á nə yɩn Saba də Dedan.
10 Kuswə nə lɩrɩ Nimərodə də. Nimərodə nə yɩn təntən babɩa tɩa yuu wa.
11 Misərayimə yɩn Ludə tɩ̀án, də Anamə tɩ̀án, də Lehabə tɩ̀án, də Nafətu tɩ̀án, 12 də Patərɔsə tɩ̀án, də Kasəlu tɩ̀án nɩbɛɛ. Mə Filisi tɩ̀án, də Kafətɔrə tɩ̀án dwíí dəkuu nan tə mʋ̀ dwíə́ təntə wa.
13 Sidon nə yɩn Kanaan bikwɩa. Sidon lɩrʋ kwa nə, Kanaan lɩrɩ Ɛtə. 14 Kanaan nə yɩn Yebusə tɩ̀án, də Amɔrə dwíí tə, də Girəgasə tɩ̀án, 15 də Evi dwíí tə, də Arəka tɩ̀án, də Sin tɩ̀án nɩbɛɛ. 16 Ʋ mʋ̀ tə nə yɩn Arəvadə tɩ̀án, də Semarayimə tɩ̀án, də Hamatə tɩ̀án nɩbɛɛ.
17 Sɛmə bɩ̀á nə yɩn Elamə, də Asurə, də Arəpakəswadə, də Ludə, də Aramə, də Usə, də Ulə, də Getɛrə, də Meswɛkə.
18 Arəpakəswadə lɩrɩ Swela. Swela də lɩrɩ Ebɛrə. 19 Ebɛrə lɩrɩ bɩ̀á bələ. Təntən bìú tə yɩrɩ nə Pelɛgə. Kʋ pɩ̀à kʋ bɩrɩ də, ʋ máŋá tə wa, lʋʋ ləzoni yà laga duən yáá nə. Ʋ nubiu tə yɩrɩ nə Yokətan. 20 Yokətan lɩrɩ Aləmodadə, də Swelɛfə, də Asarəmavɛtə, də Yera, 21 də Hadoramə, də Uzalə, də Dikəla, 22 də Ebalə, də Abimayɛlə, də Saba, 23 də Ofirə, də Havɩla, də Yobabə. Ba lɩ̀à təntə mama yɩ Yokətan bɩ̀á.
24 Sɛmə lɩrɩ Arəpakəswadə, Arəpakəswadə lɩrɩ Swela, 25 Swela lɩrɩ Ebɛrə, Ebɛrə lɩrɩ Pelɛgə, Pelɛgə lɩrɩ Rewu, 26 Rewu lɩrɩ Serugə, Serugə lɩrɩ Nahɔrə, Nahɔrə lɩrɩ Tera, 27 Tera lɩrɩ Abəramə. Abəramə yɩrɩ don nə yɩ Abərahamə.
28 Abərahamə bɩ̀á yɩn Yɩzakə, də Yɩsəmayɛlə.
29 Nə̀ń Yɩzakə, də Yɩsəmayɛlə dwíə́ tə dəkuu. Yɩsəmayɛlə bikwɩa nə yɩ Nebayɔtə, də Kedarə, də Adəbeyɛlə, də Mibəsamə, 30 də Miswəma, də Duma, də Masa, də Hadadə, də Tema, 31 də Yeturə, də Nafiswə, də Kedəma. Mə ba mʋ̀ nə yɩn Yɩsəmayɛlə bɩ̀á.
32 Abərahamə kabiə Ketura lɩrɩ Ziməranə, də Yɔkəswan, də Medan, də Madɩan, də Yiswəbakə, də Swuwa. Yɔkəswan bɩ̀á nə yɩ Saba də Dedan.
33 Madɩan bɩ̀á nə yɩ Efa, də Efɛrə, də Hanɔkə, də Abɩda, də Ɛləda. Ba mʋ̀ lɩ̀à təntə mama yɩ Ketura nɩ̀án.
34 Abərahamə lɩrɩ Yɩzakə. Yɩzakə bɩ̀á nə yɩ Ezayu də Yɩzərayɛləa.
35 Ezayu bɩ̀á nə yɩ Elifazə, də Rewuwɛlə, də Yewuswə, də Yayelamə də Kora.
36 Elifazə bɩ̀á nə yɩ Teman, də Omarə, də Sefi, də Gatamə, də Kenazə, də Timəna, də Amalɛkə.
37 Rewuwɛlə bɩ̀á nə yɩ Nahatə, də Zera, də Swama, də Miza.
38 Seyirə bɩ̀á nə yɩ Lotan, də Swobalə, də Sibeyon, də ʋ bìú Anab, ʋ nə yɩ Diswon nɩbɛɛ, də Esɛrə, də Diswan.
39 Lotan bɩ̀á nə yɩn Hori də Homamə. Lotan yà jə nakʋa, ʋ yɩrɩ nə yɩ Timəna.
40 Swobalə bɩ̀á nə yɩ Aliyan, də Manahatə, də Ebalə, də Swefi, də Onamə. Sibeyon bɩ̀á nə yɩ Aya, də Ana.
41 Ana bìú nə yɩ Diswon. Diswon bɩ̀á nə yɩ Haməran, də Ɛswəban, də Yitəran, də Keran.
42 Esɛrə bɩ̀á nə yɩ Biləhan, də Zaavan, də Yaakan. Diswan bɩ̀á nə yɩ Usə, də Aran.
Edomə dwíí tə pɛ̀gá
43 Nə̀ń pɛ̀gá tə nə dí pàrɩ̀ Edomə lʋʋ nii wa, də pɩ̀ʋ́ mama tə wà pàrɩ̀ dí Yɩzərayɛlə dwíí tə wa. Bewɔrə bìú Bela nə təntən ʋ dí pàrɩ̀ Edomə lʋʋ nii tə wa. Ʋ yà yɩ Dinəhaba tíú. 44 Yá Bela tɩan kwa nə, Zera bìú Yobabə, ʋ yà nə yɩ Bɔsəra tíú, nə dí pàrɩ̀, Bela bwálɩ́ nə. 45 Yá Yobabə tɩan kwa nə, Uswan, ʋ yà nə yɩ Teman tíú, nə dí pàrɩ̀, Yobabə bwálɩ́ nə. 46 Yá Uswan tɩan kwa nə, Bedadə bìú Adadə, ʋ yà nə yɩ Avitə tíú, nə dí pàrɩ̀, Uswan bwálɩ́ nə. Mə ʋ mʋ̀ Adadə təntə nə ta Madɩan dwíí tə ʋ də́, Mʋabə lʋʋ nii tə wa. 47 Yá Adadə tɩan kwa nə, Saməla, ʋ yà nə yɩ Masəreka tíú, nə dí pàrɩ̀ Adadə bwálɩ́ nə. 48 Yá Saməla tɩan kwa nə, Sayulə, ʋ yà nə yɩ Rehʋbɔtə tíú, nə dí pàrɩ̀ Saməla bwálɩ́ nə. Rehʋbɔtə tɩʋ tə yà yɩ, kʋ wulə mʋnaa nii nə. 49 Yá Sayulə tɩan kwa nə, Akəbɔrə bìú Baalə-Hanan nə dí pàrɩ̀, Sayulə bwálɩ́ nə. 50 Baalə-Hanan tɩga, yá Hadadə jìgə̀ pɩ̀ʋ́ ʋ yuu nə. Ʋ yà yɩ Payi tíú. Ʋ kan yɩrɩ yà nə yɩ Mehetabeyɛlə. Ʋ yɩ Matərɛdə bʋ̀á, ʋ ga yɩ Mezahabə nàʋ́. 51 Hadadə tɩan kwa nə, sànɩ́ tɩ̀án nə dí pàrɩ̀ tə Edomə lʋʋ nii tə wa. Ba mʋ̀ nə yɩ pɩ̀ʋ́ Timəna, də pɩ̀ʋ́ Aləva, də pɩ̀ʋ́ Yetɛtə, 52 də pɩ̀ʋ́ Oholibama, də pɩ̀ʋ́ Ela, də pɩ̀ʋ́ Pinon, 53 də pɩ̀ʋ́ Kenazə, də pɩ̀ʋ́ Teman, də pɩ̀ʋ́ Mibəsarə, 54 də pɩ̀ʋ́ Magədiyɛlə, də pɩ̀ʋ́ Yiramə. Mə ba mʋ̀ nə yɩn Edomə lʋʋ nii tə pɛ̀gá.