Ezayu də ʋ dìə̀ lɩ̀à
36
1 Nə̀ń Ezayu, ʋ yɩrɩ don nə yɩ Edomə, dwíí dəkuu. 2 Ezayu swe Kanaan tɩ̀án bwɩ̀ɩ́. Ʋ don yɩrɩ nə Ada. Ʋ yɩ Elon bʋ̀á, Ɛtə dwíí tə wa. Ʋ don də yɩrɩ nə Oholibama. Ʋ yɩ Ana bʋ̀á. Ana yɩ Sibeyon bìú, Evi dwíí tə wa. 3 Ʋ don də yɩrɩ nə Basəmatə. Ʋ yɩ Yɩsəmayɛlə bʋ̀á, ʋ ga yɩ Nebayɔtə nakʋa. 4 Ezayu də ʋ kan Ada lɩrɩ Elifazə, ʋ də ʋ kan Basəmatə də ga lɩrɩ Rewuwɛlə. 5 Ʋ də ʋ kan Oholibama də lɩrɩ Yewuswə, də Yayelamə, də Kora. Mə ba mʋ̀ mama nə yɩ Ezayu bɩ̀á, ʋ nə lɩrɩ Kanaan lʋʋ nii tə wa.Ezayu vəli ʋ jə̀ń Edomə lʋʋ nii tə wa
6 Dɩɩn don nə, Ezayu lɩ ʋ kana, də ʋ bɩ̀á, də ʋ bwɩ̀ɩ́, də lɩ̀à tə mama, ba nə wulə də wá, də ʋ vanmɩnɩ, də ʋ vanfaran mama, də ʋ jɩjə tə mama, ʋ yà nə nɩ Kanaan lʋʋ nii tə wa, ʋ ja nan, ʋ va lʋʋ nii don wa, kʋ nə ŋʋ́ná də ʋ nyánʋ́ Zwakɔbə. 7 Cɩ́gá, Ezayu də Zwakɔbə jɩjə tə yà dáá zənzən, kʋ pa, ba wàrɩ̀ duən nə, ba jəni. Yá ba vàná tə də yà dáá zənzən, kʋ pa, lʋʋ nii tə, ba yà nə jə̀ə́ kʋ wa, yà mùrì ba. 8 Mə kʋ zɩgɩ nətʋ, Ezayu, ʋ yɩrɩ don nə yɩ Edomə, ma va ʋ jə̀ə́ Seyirə paan tə wa.
Ezayu dwíí dəkuu
9 Nə̀ń Ezayu, ʋ nə yɩ Edomə tɩ̀án nɩbɛɛ, dwíí dəkuu, Seyirə pɛɛn tə wa. 10 Nə̀ń Ezayu bɩ̀á tə yɩra. Elifazə yɩ Ezayu kan Ada bìú. Rewuwɛlə yɩ Ezayu kan Basəmatə bìú. 11 Elifazə bɩ̀á nə yɩ, Teman, də Omarə, də Sefo, də Gayetamə, də Kenazə. 12 Timəna yà yɩ Ezayu bìú Elifazə kabiə. Ʋ də Elifazə lɩrɩ Amalɛkə. Mə ba mʋ̀ nə yɩ, Ezayu də ʋ kan Ada nɩ̀án. 13 Rewuwɛlə bɩ̀á nə yɩ Nahatə, də Zera, də Swama, də Miza. Mə ba mʋ̀ nə yɩ, Ezayu də ʋ kan Basəmatə nɩ̀án. 14 Ezayu də ʋ kan Oholibama, ʋ nə yɩ Ana də Sibeyon bʋ̀á, lɩrɩ Yewuswə, də Yayelamə, də Kora.
Pɛ̀gá tə, ba nə nan Ezayu dwíí tə wa
15-16 Nə̀ń Ezayu bikwɩa Elifazə bɩ̀á tə, ba nə yɩn pɛ̀gá, Edomə lʋʋ nii tə wa. Kʋ yɩn pɩ̀ʋ́ Teman, də pɩ̀ʋ́ Omarə, də pɩ̀ʋ́ Sefo, də pɩ̀ʋ́ Kenazə, də pɩ̀ʋ́ Gayetamə, də pɩ̀ʋ́ Amalɛkə. Ba mʋ̀ nə yɩ, Ezayu kan Ada nɩ̀án tə.
17 Nə̀ń Ezayu bìú Rewuwɛlə bɩ̀á tə, ba nə yɩn pɛ̀gá, Edomə lʋʋ nii tə wa. Kʋ yɩn pɩ̀ʋ́ Nahatə, də pɩ̀ʋ́ Zera, də pɩ̀ʋ́ Swama, də pɩ̀ʋ́ Miza. Ba mʋ̀ nə yɩ, Ezayu kan Basəmatə nɩ̀án tə.
18 Nə̀ń Ezayu kan Oholibama bɩ̀á tə, ba nə yɩn pɛ̀gá. Kʋ yɩn pɩ̀ʋ́ Yewuswə, də pɩ̀ʋ́ Yayelamə, də pɩ̀ʋ́ Kora. Ba mʋ̀ nə yɩ, Ezayu kan Oholibama bɩ̀á tə. Oholibama yà yɩ Ana bʋ̀á. 19 Mə Ezayu bɩ̀á təntə nə yɩn pɛ̀gá, ʋ dwíí tə wa, ba nə boŋə Edomə tɩ̀án.
Orimə dwíí dəkuu
20 Seyirə, ʋ nə yɩ Orimə dwíí, də ʋ bɩ̀á, nə dí yáá, ba jə̀ń Edomə lʋʋ nii tə wa. Nə̀ń Seyirə bɩ̀á tə, ba nə yɩn Orimə dwíí tə nɩbara. Kʋ yɩn Lotan, də Swobalə, də Sibeyon, də Ana, 21 də Diswon, də Esɛrə, də Diswan. Mə Seyirə bɩ̀á təntə nə yɩn Orimə dwíí tə pɛ̀gá, Edomə lʋʋ nii tə wa. 22 Lotan bɩ̀á nə yɩn Hori də Heman. Lotan yà jə nakʋa, ʋ yɩrɩ nə yɩ Timəna. 23 Swobalə bɩ̀á nə yɩn Aləvan, də Manahatə, də Ebalə, də Swefo, də Onamə. 24 Sibeyon bɩ̀á nə yɩn Ava də Ana. Ʋ mʋ̀ Ana təntə nə yɩ̀rɩ̀ ʋ nyɩna Sibeyon bɩnɛ, ʋ va ʋ nan vɩlɩ nə, kasɔɔ lanworu tə wa. 25 Ana bɩ̀á nə yɩn Diswon də Oholibama. Oholibama yà yɩ bʋ̀á. 26 Diswan bɩ̀á nə yɩn Ɛmədan, də Ɛswəban, də Yitəran, də Keran. 27 Esɛrə bɩ̀á nə yɩn Bilan, də Zaavan, də Akan. 28 Diswan bɩ̀á nə yɩn Usə də Aran.
29-30 Nə̀ń Orimə dwíí tə pɛ̀gá, Seyirə lʋʋ nii tə wa. Kʋ yɩn pɩ̀ʋ́ Lotan, də pɩ̀ʋ́ Swobalə, də pɩ̀ʋ́ Sibeyon, də pɩ̀ʋ́ Ana, də pɩ̀ʋ́ Diswon, də pɩ̀ʋ́ Esɛrə, də pɩ̀ʋ́ Diswan.
Pɛ̀gá tə, ba nə dí pàrɩ̀, Edomə lʋʋ nii tə wa
31 Nə̀ń pɛ̀gá tə nə dí pàrɩ̀ Edomə lʋʋ nii wa, də pɩ̀ʋ́ mama tə wà pàrɩ̀ dí Yɩzərayɛlə dwíí tə wa. 32 Bewɔrə bìú Bela nə təntən ʋ dí pàrɩ̀ Edomə lʋʋ nii tə wa. Ʋ yà yɩ Dinəhaba tíú. 33 Yá Bela tɩan kwa nə, Zera bìú Yobabə, ʋ yà nə yɩ Bɔsəra tíú, nə dí pàrɩ̀, Bela bwálɩ́ nə. 34 Yá Yobabə tɩan kwa nə, Uswan, ʋ yà nə yɩ Teman tíú, nə dí pàrɩ̀, Yobabə bwálɩ́ nə. 35 Yá Uswan tɩan kwa nə, Bedadə bìú Adadə, ʋ yà nə yɩ Avitə tíú, nə dí pàrɩ̀, Uswan bwálɩ́ nə. Mə ʋ mʋ̀ Adadə təntə nə ta Madɩan dwíí tə ʋ də́, Mʋabə lʋʋ nii tə wa. 36 Yá Adadə tɩan kwa nə, Saməla, ʋ yà nə yɩ Masəreka tíú, nə dí pàrɩ̀ Adadə bwálɩ́ nə. 37 Yá Saməla tɩan kwa nə, Sayulə, ʋ yà nə yɩ Rehʋbɔtə tíú, nə dí pàrɩ̀ Saməla bwálɩ́ nə. Rehʋbɔtə tɩʋ tə yà yɩ, kʋ wulə mʋnaa nii nə. 38 Yá Sayulə tɩan kwa nə, Akəbɔrə bìú Baalə-Hanan nə dí pàrɩ̀, Sayulə bwálɩ́ nə. 39 Akəbɔrə bìú Baalə-Hanan tɩan kwa nə, Adarə, ʋ yà nə yɩ Pawu tíú, nə dí pàrɩ̀ Baalə-Hanan bwálɩ́ nə. Adarə kan yɩrɩ yà nə yɩ Mehetabeyɛlə. Ʋ kan tə yà yɩ Matərɛdə bʋ̀á, ʋ ga yɩ Mezahabə nàʋ́.
Pɛ̀gá tə, ba nə nan Ezayu dwíí tə wa
40 Nə̀ń pɛ̀gá tə yɩra, ba nə nan Ezayu dwíí tə wa, kʋ twá ba lìù mama dwíí nə, də nagwanaa tə wa, ʋ nə jə̀ń. Kʋ yɩn pɩ̀ʋ́ Timəna, də pɩ̀ʋ́ Aləva, də pɩ̀ʋ́ Yetɛtə, 41 də pɩ̀ʋ́ Oholibama, də pɩ̀ʋ́ Ela, də pɩ̀ʋ́ Pinon, 42 də pɩ̀ʋ́ Kenazə, də pɩ̀ʋ́ Teman, də pɩ̀ʋ́ Mibəsarə, 43 də pɩ̀ʋ́ Magədiyɛlə, də pɩ̀ʋ́ Yiramə. Mə ba mʋ̀ pɛ̀gá təntə mama nə pwɛ̀, ba jə̀ń Edomə lʋʋ nii tə wa, ba lìù mama də ʋ dwíí, də ʋ nagwanaa. Ezayu yà nə yɩ Edomə tɩ̀án mama nɩbɛɛ.