Dwíə́ tə Nowe bɩ̀á tə nə ken lʋʋ wa
10
1 Nə̀ń Nowe bɩ̀á tə dwíí dəkuu. Ʋ bɩ̀á təntə nə yɩ Sɛmə də Swamə də Zwafe. Dwafarʋ tə nə kɛ̀ń kwa nə, ba də lɩrɩ bɩ̀á. 2 Zwafe bɩ̀á nə yɩn Gomɛrə, də Magogə, də Madeyi, də Yavan, də Tubalə, də Meswɛkə, də Tirasə. 3 Gomɛrə bɩ̀á nə yɩn Aswəkenazə, də Rifatə, də Togarəma. 4 Yavan bɩ̀á nə yɩn Eliswa, də Tarəsisə, də Kitimə, də Dodanimə. 5 Mə ba mʋ̀ nə pùlì ba sú lʋʋ níə́ tə mʋʋ nə kɩkarɩ tə. Ba pwɛ̀ ba jə̀ə́, lìù mama də ʋ dwíə́, də ʋ lʋʋ nii, kʋ twá ba lìù mama nəndəli sʋgʋ nə.6 Swamə bɩ̀á nə yɩn Kuswə, də Misərayimə, də Putə, də Kanaan. 7 Kuswə bɩ̀á nə yɩn Seba, də Havɩla, də Sabəta, də Rayema, də Sabəteka. Rayema bɩ̀á nə yɩn Saba də Dedan. 8 Kuswə nə lɩrɩ Nimərodə də. Nimərodə nə yɩn təntən babɩa tɩa yuu wa. 9 Ʋ yɩn twanbɛɛ babɩa Ba-Yígúrə́-Jə-Tiu yáá con. Kʋ mʋ̀ nə pɩn, ba yàá swɩ̀n, ba wʋ́: «Lìù wà tə yɩ twanbɛɛ babɩa Ba-Yígúrə́-Jə-Tiu yáá con, ndə Nimərodə nə.» 10 Ʋ di yáá ʋ də́ pàrɩ̀ Babɛlə, də Erɛkə, də Akadə, də Kaləne yuu wa, Swineyarə lʋʋ nii wa. 11 Mə ʋ nan kʋ lʋʋ nii təntə wa, ʋ ma va Asiiri, ʋ lwə̀ Ninivə, də Rohobotə tɩʋ tə, də Kala, 12 də Resɛn tɩfarʋ tə, kʋ nə wulə Ninivə də Kala pwə́rə́ wa. 13 Misərayimə yɩn Ludə tɩ̀án, də Anamə tɩ̀án, də Lehabə tɩ̀án, də Nafətu tɩ̀án, 14 də Patərɔsə tɩ̀án, də Kasəlu tɩ̀án nɩbɛɛ. Mə Filisi tɩ̀án, də Kafətɔrə tɩ̀án dwíí dəkuu nan tə mʋ̀ dwíə́ təntə wa. 15 Sidon nə yɩn Kanaan bikwɩa. Sidon lɩrʋ kwa nə, Kanaan lɩrɩ Ɛtə. 16 Kanaan nə yɩn Yebusə tɩ̀án, də Amɔrə dwíí tə, də Girəgasə tɩ̀án, 17 də Evi dwíí tə, də Arəka tɩ̀án, də Sini tɩ̀án nɩbɛɛ. 18 Ʋ mʋ̀ tə nə yɩn Arəvadə tɩ̀án, də Semarayimə tɩ̀án, də Hamatə tɩ̀án dwíə́ tə nɩbɛɛ. Kʋ tə nə súrí lá, Kanaan dwíí lɩ̀à tə, laga duən yáá nə, ba tʋ lʋʋ wa. 19 Kanaan dwíí tə sɩswɩan zɩgɩ Sidon, kʋ nə wulə Gerarə vàn yuu, kʋ va kʋ yí Gaza. Kʋ ga zɩgɩ Sodɔmə, də Gomɔrə, də Adəma, də Seboyimə vàn yuu, kʋ va kʋ yí Leswa. 20 Mə Swamə bɩ̀á tə jə̀ń nətʋ. Ba lìù mama də ʋ dwíí, də ʋ nəndəli sʋgʋ, ba lʋʋ nii tə wa.
21 Zwafe zʋnʋ Sɛmə də lɩrɩ bɩ̀á. Ʋ mʋ̀ nə yɩn Ebɛrə dwíí tə nɩbɛɛ. 22 Sɛmə bɩ̀á tə nə yɩn Elamə, də Asurə, də Arəpakəswadə, də Ludə, də Aramə. 23 Aramə bɩ̀á nə yɩn Usə, də Ulə, də Getɛrə, də Maswə. 24 Arəpakəswadə lɩrɩ Swela. Swela də lɩrɩ Ebɛrə. 25 Ebɛrə lɩrɩ bɩ̀á bələ. Təntən bìú tə yɩrɩ nə Pelɛgə. Kʋ pɩ̀à kʋ bɩrɩ də, ʋ máŋá tə wa, lʋʋ ləzoni yà laga duən yáá nə. Ʋ nubiu tə yɩrɩ nə Yokətan. 26 Yokətan lɩrɩ Aləmodadə, də Swelɛfə, də Asarəmavɛtə, də Yera, 27 də Hadoramə, də Uzalə, də Dikəla, 28 də Obalə, də Abimayɛlə, də Saba, 29 də Ofirə, də Havɩla, də Yobabə. Ba lɩ̀à təntə mama yɩ Yokətan bɩ̀á. 30 Ba lʋʋ nii zɩgɩ Meswa, kʋ nə wulə Sefarə vàn yuu, kʋ va kʋ yí pɛɛn tə, tə nə wulə tɩa də̀ń con. 31 Mə Sɛmə bɩ̀á tə jə̀ń nətʋ. Ba lìù mama də ʋ dwíí, də ʋ nəndəli sʋgʋ, ba lʋʋ nii tə wa. 32 Mə Nowe bɩ̀á tə dwíí dəkuu yɩn nətʋ, kʋ twá nətʋ tə, ba nə púə́ duən kwa, ba lìù mama də ʋ dwíí tɩ̀án, ba lʋʋ níə́ tə wa. Mə kʋ twá də ba mʋ̀, lʋʋ ləzoni ma laga ba sú tɩa yuu, dwafarʋ tə kwa nə.