Ukalaata uwa
Yuuda
ku vhantu vhonti
Uvhwandilo
Umusimvi uwa kalaata uno akuyitaha kuuti wu Yuuda umuzuuna uwa Yaakobu (1). Ikalaata ilya Mataayi ni lya Maaliko likuvhataha avha Yuuda nu Yaakobu kuuti vhazuuna avha Yeesu (uMataayi 13:55, uMaaliko 6:3). UYaakobu uyo, we ásimvile ukalaata uwa Yaakobu ku vhantu vhonti.
Ukalaata uno, uYuuda ávhasimbiiye aVhachilisiti vhonti. Ásiivile kuvhasimbila izya vhuposhi. Ileelo ahagalulanya insiivho zyakwe, ahavhasimbila kuuti vhatumvanyaaje na vhasambiilizi avha ilenga, vhe vhínjiiye ku vhuzigizigi mu lwitiho (3). Avhasambiilizi ivho vhahasambilizyaga kuuti, aVhachilisiti vhajendeelele kuvhomba uvhutalamalandu, mwe pe tukuposheela uvhuposhi ku vhwila uvhwa Mulungu. Havhili vhakumuhaana uMulongozi uMupiti uYeesu Chilisiti (4). Umusimvi akuvhahomeelezya aVhachilisiti kuuti, vhajendelelaje nu kusimpa mu lwitiho (20). Havhili akusililishizya ukalaata waakwe kumutiima uMulungu (-24-25).
Avhasambiilile vhamo vhakuti, uYuuda ásimvile ukalaata uno mu mwaha uwa 65 ishi kufuma pe uYeesu ápafiilwe.
Zye zili mwa kalaata uno
Indamunkano (-1-2)
Insiivho izya Yuuda kusimba ukalaata uno (-3-4)
Amasunde kuzya vhasambiilizi avha ilenga (-5-16)
Amasunde ku Vhachilisiti (-17-23)
Intiimo kwa Mulungu (-24-25)