NOYOLPATLALISTLI PARA NOKUEPASKEJ ITECH TOTEKO NIMAN ON TLAJTOLMAKALISTLI IKA ONYAS TEMAKIXTILISTLI
(14.1 - 9)
Oseas kiknotlajtlanilia Israel para ma nokuepa itech toTEKO
14
Oseas okinmijlij on israelitas: "¡Xmokuepakan itech nemoTEKO Dios, nemejuamej israelitas! Nemejuamej onenuetskej ipampa nenmotlajtlakoluan. 2 Xmokuepakan itech toTEKO niman ijkin xkijlikan ipan nenmooración: 'ToTEKO, pampa tejua sanoyej kuajli moyojlo, xtechintlapojpoluili nochi toxompayejyeualis, niman xtechselili in kuikamej yejuan ika timitsyekteneuaj. 3 Yotikitakej ika Asiria xuelis techmakixtis, no ijki xtiueliskej ticholojteuaskej ikan caballos. Tejuamej xokaman tiktodiostiskej itlaj ídolo yejuan sano tejuamej otikchijchijkej, pampa tejua toTEKO, san tejua motech kinextia teiknelilistli on yejuan iknotl.' "ToTEKO notlajtolmaka ika kimakas Israel yenkuik nemilistli
4 ToTEKO kijtoua: [Nejua nenmechpajtis ikan notetlapojpoluilis ipampa on nemotlajtlakol ika onennechtlalkauijkej. "[Nejua nikchiuas para aman uej kemaj xnechtlakamatikan Los sanaré perdonando su pecado de abandonarme]. Nemechtlajsojtlas maski xmechmelauaya ma nemechtlajsojtla, pampa noueyitlauel yonejkuanij nemotech. 5 Para nemejuamej israelitas, nejua niyes ken itlaj on ajuichtli, niman nemejuamej nenyeskej ken ixochiyo on lirio. Nemejuamej sanoyej kuajli nenmochantlaliskej, no ijki ken kuajli noneluayotiaj on cedrojkojtin ipan on tepeyoj Líbano. 6 Nemejuamej no ijki sanoyej kualtsin nennesiskej kenon olivojkojtin yejuan sanoyej kuajli nomajmatiaj niman kenon cedrojkojtin yejuan ajuiyakej, yejuan onkaj ipan itepeyoj Líbano. 7 Nemejuamej oksejpa nemechpiyas kampa xitlaj xkuajli nemopan nochiuas. Ijkuakon, nemejuamej israelitas nennemiskej no kenon trigo yejuan kuajli noskaltia niman kenon uvajtemekamej yejuan kuajli xochiyoua. Niman sanoyej mechixmatiskej kenon kuajli vino yejuan ualeua ipan itepeyoj Líbano. 8 Nemejuamej notlapejpeniluan, ¡xkintlalkauikan on ídolos yejuan xitlaj ika tepaleuiyaj! Tla ijki nenkichiuaj, nejua nemechcuidaros niman nikakis nemoueyikatsajtsilis. Nejua ninochiuas para nemejuamej kenon kojtli yejuan nochipa xoxouixtikaj, niman notech nenkinextiskej tlatiochiualistli.''
Sa ika nochi itlamachtil in amamoxtli
9 On yejuan tlamatkej niman tlamachilisyejkej, ma kajsikamatikan in tlamachtijli: On iojuiuan toTEKO mejmelajkej, niman on yejuan yolchipajkej ompa nejnemij; pero on xompayejyeuamej uej ompa uetsij.