ToDios yejua otechchijchiu niman yejua toRey
149
¡Ma tikyekteneuakan toTEKO!¡Xkuikatlalikan toTEKO ikan sen yenkuik kuikatl!
Xkueyiteneuakan, nochimej nemejuamej yejuan nenyolchipajkej.
2 Xpakikan israelitas, yejuan nenchanejkej ne Sión,
pampa toDios yejua otechchijchiu niman yejua toRey.
3 Xkueyiteneuakan toTEKO niman no xchiuakan nijtotilistli,
xkuikatlalikan ikan on tlatsotsonaltin arpas niman panderos,
4 pampa toTEKO sanoyej paki iminuan itlapejpeniluan,
niman kimpaleuiya on yejuan yolyemankej para ma tetlanikan
niman ijkon kiseliaj tlakaitalistli.
5 Xpakikan nemejuamej yejuan neniyolchipajkauan Dios,
pampa yonentetlankej.
Hasta ijkuak ye nenkochiskej, xmokuikatikan ikan paktli.
6 Chikauak xkuikatlalikan Dios,
niman ipan nemoma xpixtiakan sen espada yejuan okan tlateki,
7 para nenkintlakuepiltiskej on yejuan xkineltokaj Dios,
niman para nenkincastigaroskej on naciones,
8 para nenkinsaloskej ikan teposcadenas on reyes
niman on yejuan uejueyixtokej,
9 para ijki nocumpliros imimpan,
on castigo yejuan ika onkaj kiseliskej,
ijkon ken tlajkuilolnestikaj.
¡In sen ueyi tetlakaitalistli yes
para nochimej on iyolchipajkauan Dios!
¡Ma tikyekteneuakan toTEKO!