Yekteneualistli itech iknotetlajsojtlalistli
133
Kuikatl yejuan on hebreos nokuikatiayaj ijkuak yayaj ne Jerusalén. 1 Xkitakan ken kuajli niman kualtsin
ijkuak nemij san sekan ikoneuan Dios ikan tetlajsojtlalistli.
2 Kenon kuajli ajuiyalistli
yejuan peua ipan itsontekon on tiopixki Aarón,
niman ajsi ipan itentson,
niman kemaj temoua hasta ipan itenkuelpachyo itlaken.
3 Ken on ajuichtli de on tepetl Hermón,
yejuan toyaui ipan on tepetl Sión.
Ompa toTEKO kuajtitlani tlatiochiualistli,
de nemilistli para nochipa.