Ueyikatsajtsilistli de tlaxtlauijli*
116
Nejua niktlajsojtla toTEKO pampa yejua okak noueyikatsajtsilis,
2 pampa onechnankili ijkuak oniknots.
¡Yejua ika, ipan nochi nonemilis,
nochipa yejua niktlajtlanilis ma nechpaleui!
3 On mikilistli onechtlatlalilij,
niman oninomojtij ika nias ipan tlalkontli.
Ueyi ajmantli niman nemojtijli ouajlaj nopan.
4 Kemaj oninoueyikatsajtsilij itech toTEKO,
niman onikiknotlajtlanilij ma nechmanauili nonemilis.
5 ToTEKO yolmelajki niman sanoyej tetlajsojtlani,
yejua sanoyej teikneliani.
6 ToTEKO kincuidaroua yejuan yolyemankej.
Ijkuak nejua xok ouel oninomanauij, yejua onechmakixtij.
7 Aman oksejpa uelis niyolseuis,
pampa toTEKO okichiu tlen kuajli nopampa.
8 Yejua onechmanauij de on mikilistli
niman de on chokistli,
niman onechpaleuij para maka niuetsis.
9 Nejua nochipa niktlakamatis toTEKO
ipan in tlaltikpaktli kampa nochi tlakatl nemi.
10 Nejua nochipa onikpix noyojlo itech toTEKO,
maski nikijtouaya sanoyej ueyi notlajyouilis.
11 Chika sanoyej nitlajyouiyaya,
hasta onikijto ika nochi tlakatl tlakajkayaua.
12 ¿Kenijki uelis niktlaxtlauilis* toTEKO
nochi on tlen kuajli yokichiu nopampa?
13 ¡Nikmakas on uentli de vino
niman nikyekteneuas pampa onechmakixtij!
14 Nejua nikchiuas nochi on tlen onikprometerouilij toTEKO;
nikchiuas inmixpan nochimej on itlapejpeniluan.
15 Dios sanoyej kixtlajsojtla inmikilis
on yejuan yolchipajkej yejua itech.
16 ¡Ay noTEKO, nejua nimotekitkau!
No ijki nimitstekipanoua ken nonanaj omitstekipanoj.
Tejua otinechkixtilij on teposcadenas yejuan ika nisalijtikatka.
17 Nejua nimitsmakas sen uentli para tlajsojkamatilistli,
niman ueyikatsajtsilistli motech noTEKO.
18 Nejua nikchiuas nochi on tlen onikprometerouilij toTEKO;
nikchiuas inmixpan nochimej on itlapejpeniluan,
19 ipan on ikiauak iueyitiopan toTEKO,
¡itlajkotian on ueyikalpan Jerusalén!
¡Ma kiyekteneuakan toTEKO