Iueyilis Mardoqueo
10
On rey Asuero otlanauatij ipan on países niman ipan on tlaluaktsitsimej para ma kitlaxtlauilikan impuestos. 2 Nochi on tlen okichiu ijkuak tlamandarouaya niman ijkuak kipiyaya poder, niman on tlen kijtoua de Mardoqueo ken okitlalij ipan sen ueyitekiuajyotl, okijkuilojkej ipan sen amamoxtli* kampa kijkuilouayaj nochi tlinon kichiuayaj on reyes de on países de Media niman de Persia. 3 Niman Mardoqueo, on judío, yejua ika ome más ueyixtikatka sakin de on rey Asuero, niman san yejua más ueyixtikatka de nochimej on judíos. Nochimej on judíos sanoyej okitlakaitakej niman kuelitayaj pampa okichiu tlen kuajli impampa on judíos, niman okichiu kanika para iminuejkakoneuan xok okipixkej tlajyouilistli.