On israelitas noyolkuitiaj impampa imintlajtlakol
10
Chica Esdras noueyikatsajtsiliaya niman noyolkuitiaya, niman sanoyej chokaya niman notlakuantelketsaya ixpan iueyitiopan Dios, okiteyeualokoj sanoyej miyekej on israelitas, tlakamej, siuamej niman kokonej. Niman yejuamej no sanoyej ajmankachokayaj. 2 Kemaj sen iuejkakoneu* Elam, yejuan itoka katka Secanías niman ikoneu katka Jehiel, okinots Esdras, niman ijkin okijlij: “Tejuamej xotiktlakamatkej Dios pampa otikintosiuatijkej on siuamej yejuan kisaj ipan in países kampa xkineltokaj Dios. Pero nikuitia Dios sanken* uelis kintlapojpoluis ikoneuan israelitas. 3 Aman ma tikchiuakan sen pacto* iuan toDios, niman ijkon ma tikominkixtikan in siuamej iuan inkoneuan para ma tikchiuakan ken tlanauatia on ley, ijkon ken tejua niman on yejuan kitlakaitaj toTEKO yonentechijlijkej. 4 Aman tej, xchiua pampa in tejua motekiu, niman tejuamej timitspaleuiskej. Xmoyolchikaua niman xpeualti. Xkuektlali on tlen xkuajli."5 Ijkuak Esdras ijkon okak, ouajnotelkets niman okinchiualtij intlayekankauan on tiopixkej niman on levitas, niman nochimej on israelitas para ma notlajtolmakakan ika itokatsin Dios ika kichiuaskej on tlen Secanías okijtoj. Niman yejuamej onotlajtolmakakej ika itokatsin Dios. 6 Kemaj Esdras okis ipan iueyitiopan Dios niman oyaj ipan sen kalijtik kampa Johanán chantiya, ikoneu Eliasib. Ompa okipanok on tlayoua. Xotlakuaj nion xoatlik pampa sanoyej najmanaya, impampa on yejuan onokuepkej achtoj de Babilonia pampa okitlalkauikej Dios.
7 Niman kemaj otlanauatijkej ne Judá niman Jerusalén para nosentlaliskej ompa Jerusalén nochimej on yejuan onokuepkej achtoj de Babilonia. 8 Okimijlijkej ika on yejuan xompa nemis ipan yeyi tonajli ijkon ken tlanauatiaj on tlayekankej, kimkuiliskej nochi tlen kipiyaj niman kinkixtiskej intech on yejuan onokuepkej achtoj de Babilonia. 9 Ijkon tej, ipan yeyi tonajli onosentlalijkej nochimej on tlakamej yejuan ualeuaj itech intribus Judá niman Benjamin. Nochi on israelitas onosentlalij ipan ikiauak on ueyitiopan, ipan on tonajli sempoajli ipan on chiknaui metstli. Sanoyej kuekuetlakayaj ipampa on tlen xkuajli okichijkej niman pampa sanoyej chikauak kiauiya. 10 Kemaj Esdras onotelkets niman okijtoj:
—Nemejuamej yonekitlalkauijkej toTEKO niman yonenkueyikatilijkej intlajtlakol on israelitas, pampa onemonamiktijkej inuan on siuamej yejuan xisraelitas. 11 Aman tej, xomoyolkuitikan itech toTEKO, itech iminDios toachtojtajuan, niman xchiuakan tlen yejua kipaktia. Xmoxelokan intech on yejuan xkineltokaj Dios niman intech on siuamej yejuan xisraelitas.
12 Niman nochimej on yejuan onosentlalijkej ijkin chikauak otlanankilijkej:
—Tikchiuaskej nochi tlen yotitechijlij. 13 Pero xuelis titokauaskej nikan ikiauak in ueyitiopan pampa sanoyej kiaui, niman ipampa on tlen xkuajli otikchikej. Xtikuektlaliskej san ipan se tonajli noso ipan ome, pampa sanoyej titojlamej yejuan yotitlajtlakojkej. 14 Tikitaj más kuajli tla por tejuamej nokauaskej totlayekankauan para topan tlajtoskej. Kemaj más sakin* nochimej on yejuan chantij ipan toueyikalpanuan yejuan yononamiktijkej iminuan on siuamej yejuan xchanejkej, ma uajlakan on tonajli ijkuak kimijliskej. Niman cada se ma uajla inuan itlayekankau niman iteyolkuitijkauan de iueyikalpan. Ijkon toDios xok techtlauelitas pampa otiktlalkauijkej.
15 Pero Jonatán ikoneu Azael niman Jahazías, ikoneu Ticva iminuan Mesulam niman Sabetai on levita, uej xokinekej kichiuaskej on tlen onijtoj. 16 Nochimej on oksekimej yejuan onokuepkej de Babilonia ipan iminueyitlalpan okinekej kichiuaskej on tlen onijtoj. Kemaj on tiopixki Esdras okitlapejpenij sen tlayekanki ipan cadaueyifamilia. Niman ipan on achtoj tonajli ipan majtlaktli metstli, nochimej on yejuan okintenejkej tlayekankej onosentlalijkej para kitaskej kenijki kixtiskej on tlajtlakojli yejuan okichiu cada se. 17 Niman ipan on achtoj tonajli ipan on achtoj metstli otlankej kikuektlaliaj on problemas de nochimej on tlakamej yejuan ononamiktijkej iminuan on siuamej yejuan xchanejkej.
18 On tiopixkej yejuan ononamiktijkej iminuan on siuamej yejuan xchanejkej: Yejuan iuejkakoneuan Josué, ikoneu Josadac niman de on iuejkakoneuan ikniuan katkaj: Maasías, Eliezer, Jorib niman Gedalías. 19 Nochimej yejuamej okiprometerojkej kinkauaskej iminsiuauan niman cada se okiuentlalij sen borrego ipampa itlajtlakol.
20 Yejuan iuejkakoneuan Imer katkaj:
Honani niman Zebadías.
21 Yejuan iuejkakoneuan Harim katkaj:
Maasías, Elías, Semaías, Jehiel niman Uzías.
22 Yejuan iuejkakoneuan Pasur katkaj:
Elioenai, Maasías, Ismael, Natanael, Jozabad niman Elasa.
23 On yejuan iuejkakoneuan on levitas katkaj:
Jozabad, Simeía, Kelaía (yejuan no itoka katka Kelita),
Petaías, Judá niman Eliezer.
24 On yejuan nokuikatiayaj, katka Eliasib.
On yejuan kitlapouayaj on ueyitiopan, katkaj:
Salum, Telem niman Uri.
25 On oksekimej israelitas yejuan ononamiktijkej iminuan on siuamej yejuan xchanejkej katkaj:
On yejuan iuejkakoneuan Paros katkaj:
Ramía, Jezías, Malquías, Mijamín, Eleazar, Malquías niman Benaía.
26 On yejuan iuejkakoneuan Elam katkaj:
Matanias, Zacarías, Jehiel, Abdi, Jeremot niman Elías.
27 On yejuan iuejkakoneuan Zatu katkaj:
Elioenai, Eliasib, Matanías, Jeremot, Zabad niman Aziza.
28 On yejuan iuejkakoneuan Bebai katkaj:
Johanán, Hananías, Zabai niman Atlai.
29 Yejuan iuejkakoneuan Bani katkaj:
Mesulam, Maluc, Adaía, Jasub, Seal niman Ramot.
30 On yejuan iuejkakoneuan Pahat-moab katkaj:
Adna, Quelal, Benaía, Maasías, Matanías, Bezaleel, Binuy niman Manasés.
31 On yejuan iuejkakoneuan Harim katkaj:
33 On yejuan iuejkakoneuan Hasum katkaj:
Matenai, Matata, Zabad, Elifelet, Jeremai, Manasés niman Simei.
34 On yejuan iuejkakoneuan Bani katkaj:
38 On yejuan iuejkakoneuan Binuy katkaj:
43 On yejuan iuejkakoneuan Nebo katkaj:
Jeiel, Matatías, Zabad, Zebina, Jadau, Joel niman Benaía.
44 Nochimej in tlakamej okinosiuatijkaj on siuamej xchanejkej. Cada se okikau isiuau niman onopachiuiti inuan ikoneuan.