आफ्ना बाह्र छोराहरूका निम्ति याकूबको आशीर्वाद
49
अनि याकूबले आफ्ना छोराहरूलाई बोलाएर भने: “भेला होओ, र आउँदा दिनहरूमा तिमीहरूमाथि के-के आइपर्नेछ, सो म तिमीहरूलाई भन्नेछु। 2 तिमीहरू भेला होओ, र हे याकूबका छोराहरूहो, सुन! तिमीहरूका बुबा इस्राएलको कुरा सुन!3 हे रूबेन, तिमी मेरा जेठा छोरा, मेरो बल र मेरो पौरुषको पहिलो फल हौ, प्रतिष्ठाको उत्तमता र शक्तिको उत्तमता हौ;
4 पानीझैं तिनी उम्लिरहेका छौ; तिमीले उछिन्नेछैनौ; किनकि तिमी आफ्ना बुबाको ओछ्यानमा चढ्यो, र त्यसलाई अशुद्ध पार्यौ – त्यो मेरो पलङमा चढ्यो।
5 शिमोन र लेवी दाजुभाइ हुन्; तिनीहरूका तरवारहरू अत्याचारका हतियार हुन्।
6 हे मेरो प्राण, तिनीहरूको सल्लाहमा नआइज! हे मेरो इज्जत, तिनीहरूको सभामा सम्मिलित नहो; किनकि तिनीहरूले आफ्नो रिसमा मानिसलाई मारे, र मनपरी गर्ने चालमा तिनीहरूले गोरुको ढोड़-नसा काटे।
7 तिनीहरूको रिस श्रापित होस्, किनकि त्यो क्रूर थियो; अनि तिनीहरूको क्रोध पनि, किनकि त्यो निष्ठुर थियो; म तिनीहरूलाई याकूबमा बाँड़िदिनेछु, इस्राएलमा तिनीहरूलाई तितरबितर पार्नेछु।
8 हे यहूदा, तिमी उही हौ, जसलाई तिम्रा दाजुभाइहरूले प्रशंसा गर्नेछन्; तिम्रो हात तिम्रा शत्रुहरूको गर्दनमा हुनेछ; तिम्रा बुबाका छोराछोरीहरूले तिमीलाई दण्डवत् गर्नेछन्।
9 यहूदा सिंहको डमरु हो, हे मेरो छोरा, शिकार गरेर तिमी माथि आएका छौ; ऊ झुकेको छ; ऊ सिंहझैं, अँ सिंहनीझैं लेटेर सुतेको छ; कसले उसलाई उठाउला?
10 शिलोख नआउन्जेल यहूदाबाट न राजदण्ड हट्नेछ, न ता उसको वंशबाटग व्यवस्था दिनेवाला हट्नेछ; अनि जाति-जातिका मानिसहरूको आज्ञापालन उहाँलाई हुनेछ।
11 उसले गधाको बछेड़ालाई दाखको बोटमा, र आफ्नो गधाको बच्चालाई उत्तम जातको दाखको बोटमा बाँध्नेछ; उसले आफ्ना कपड़ाहरू दाखमद्यमा र आफ्ना लुगाहरू अङ्गुरहरूको रगतमा धुनेछ।
12 दाखमद्यले उसका आँखाहरू राता, र दूधले उसका दाँतहरू सेता हुनेछन्।
13 जबूलून समुद्रको किनारमा बस्नेछ, र ऊ जहाजहरूका निम्ति बन्दरगाह बन्नेछ, अनि उसको सिमाना सिडोनसम्म पुग्नेछ।
14 इस्साकार दुईवटा भारीहरूको बीचमा दबेर बसिरहने बलियो गधा हो;
15 अनि उसले विश्रामलाई देख्यो, त्यो असल रहेछ, र जमिनलाई, त्यो मनोहर रहेछ; अनि भारी बोक्नका निम्ति उसले आफ्नो काँध झुकायो, र बेगारीमा काम गर्ने दास बन्यो।
16 इस्राएलका कुलहरूमध्ये एउटा भएर दानले आफ्ना लोकहरूको न्याय गर्नेछ;
17 दान बाटोमा भएको एउटा साँप, र गोरेटोमा भएको एउटा विषालु साँप हुनेछ, जसले घोड़ाका कुर्कुच्चाहरू डस्छ, र त्यसको सवार पछिल्तिर लोट्नेछ।
18 हे परमप्रभु, तपाईंको उद्धारका निम्ति म पर्खेर बसेको छु।
19 गाद – एउटा फौजले उसलाई हमला गर्नेछ; तर उसले चाहिँ त्यसको पछिल्लो भागमाथि हमला गर्नेछ।
20 आशेरबाट आएको उसको भोजनघ उत्तम हुनेछ; अनि उसले स्वादिष्ठ-स्वादिष्ठ राजकीय खानेकुराहरू दिलाउनेछ।
21 नप्ताली खुला छोड़िएको मृगी हो; ऊ राम्रा-राम्रा वचन बोल्छ।
22 यूसुफ एउटा फलवान् हाँगा हो, मुहाननिर भएको फलवान् हाँगा हो, जसका हाँगाहरू पर्खाल नाघेर जान्छन्।
23 काँड़ हान्नेहरूले उसलाई ज्यादै कष्ट दिए, उसमाथि काँड़ चलाए र उसलाई घृणा गरे;
24 तर उसको धनु दृढ़ रह्यो, र उसका हातका पाखुराहरू याकूबका सर्वशक्तिमान् परमेश्वरका हातद्वारा बलिया पारिए; (त्यहींबाट त्यो गोठाला, इस्राएलको चट्टानङ हुनेछ।)
25 यो तिम्रा पिताका परमेश्वरद्वारा भएको हो, जसले तिमीलाई सहायता गर्नुहुनेछ, र सर्वशक्तिमान्द्वारा भएको हो, जसले तिमीलाई माथिबाट स्वर्गका आशिष्हरूले, मुनि दबेर बसेको गहिरो सागरका आशिष्हरूले, स्तनहरू र गर्भका आशिष्हरूले आशिषित पार्नुहुनेछ।
26 तिम्रा पिताका आशिष्हरूचाहिँ मेरा पुर्खाहरूका आशिष्हरूभन्दा अनन्त डाँड़ाहरूको सीमासम्म नै बढ़ी छन्; ती यूसुफको शिरमाथि आऊन्, अँ, उसैको शिरको थाप्लोमाथि आऊन्, जो आफ्ना दाजुभाइहरूबाट अलग पारियो।
27 बिन्यामिन एउटा धुजा-धुजा पारिदिने ब्वाँसो हो; बिहान उसले शिकार खानेछ, र राति उसले लुटको माल बाँड़्नेछ।”
28 यी सबै इस्राएलका बाह्र कुलहरू हुन्; अनि उनीहरूका बुबाले उनीहरूलाई भनेको कुरा यही हो; अनि उनले उनीहरूलाई आशीर्वाद दिए; हरेकलाई आ-आफ्नो आशीर्वादअनुसार उनले उनीहरूलाई आशीर्वाद दिए।
याकूबको मृत्यु
29 अनि उनले उनीहरूलाई आज्ञा दिए, र उनीहरूलाई भने: “म आफ्ना जनहरूकहाँ मिल्न जान लागिरहेको छु; मलाई मेरा बुबाबाजेहरूको साथमा, हित्ती एप्रोनको जमिनमा भएको ओड़ारमा गाड़िदेओ – 30 त्यस ओड़ारमा, जो कनान देशमा, मम्रेको सामु, मक्पेलाको जमिनमा छ, जुन ओड़ारचाहिँ अब्राहामले कब्रस्तानको निज जमिनको रूपमा हित्ती एप्रोनको जमिनको साथमा किने। 31 त्यहाँ तिनीहरूले अब्राहाम र उनकी पत्नी सारालाई गाड़े; त्यहीं तिनीहरूले इसहाक र तिनकी पत्नी रिबेकालाई गाड़े; अनि त्यहीं मैले लेआलाई गाड़ें। 32 त्यो जमिन र त्यसमा भएको ओड़ार हित्तीहरूबाट किनिएका हुन्।” 33 अनि आफ्ना छोराहरूलाई आज्ञा दिइसकेपछि याकूबले आफ्ना पाउहरू तानेर पलङमा समेटे, र आफ्नो प्राण त्यागे, अनि उनी आफ्ना जनहरूकहाँ मिल्न गए।