Ukalata ughwa Yoona
Shiisho shikutangila
UYoona akabha musololi ukufuma mu kaaya aka mu Ghati-Hefa kula ku chiisu icha Isilaeli. Akabha mwana ghwa Amitaayi ukufuma mu chikolo icha Sabhulooni. Akiikalagha mu chiisu icho akabhalilo aka bhulongoshi ubhwa malafyale uYelobhoghwamu ughwa bhubhili (2 Bhanyafyale 14:25). Akabhalilo kala ichiisu icha Isilaeli chikabha nu bhulughu ubhukulu ni chiisu icha Ashuulu. UChaala akamutuma uYoona ukubhuuka mu kaaya akakulu aka Ashuulu kaako ingamu yaake ghwi Ninaabhi ukuti aye abhasoke abhandu ku bhubhiibhi bhwabho.
Ukalata uyu akutumanyisha ukuti ichisa icha Chaala chili ku fyisu fyoshi. Soona, akutumanyisha ukuti umundu atabhaghiile ukulushighila ulubhaatiko ulwa Chaala. UYoona akakaana bhwo uChaala akumutuma, loole pabhumalilo akabhuuka nu kubhomba isa muumwo uChaala akiighanila. Pamupeene nu kubhuuka, uYoona akakalala leka muumwo uChaala akabhabhombela abhandu abha mu kaaya aka Ninaabhi.