Ukalata ughwa Luuti
Shiisho shikutangila
Ukalata uyu akwitishighwa ingamu iya mukolo yuuyo akabha ghwi Luuti, ukufuma mu luko ulwa bhandu abha mu chiisu icha Moghwabhu. Ichiisu icha Moghwabhu chikapalamana ni chiisu icha Isilaeli. Mu kabhalilo kala, shikulangisha ukuti kukabha nu kupulikana akiisa ku bhandu abha fyisu ifi fibhili. Akapango aka kalata uyu kali ni nongwa shiisho shikabhonekagha mu tubhalilo tuutwo ichiisu icha Isilaeli chikalongoshighwanga na bhatumuli (1375-1050 bhwo uYeesu akaali ukupaapighwa), bhwo ichiisu icha Isilaeli chikaali ukulongoshighwa na bhomalafyale. Abhatumuli bhakabha bhandu bhaabho uChaala akabhiitisha ukubhalongosha aBhaisilaeli ku bhalughu bhaabho. Soona, bhakatumulagha inongwa isha luko nu luko isha Bhaisilaeli (\xt Bhatumuli 2:10-19).
Ukalata uyu akutumanyisha ukuti ulusayo lwa Chaala luli ku bhandu abha fyisu fyoshi. UChaala akamusaya uLuuti nu kumubhiika ukubha ghwe yumo mu bhatangili abha mu chikolo icha bhomalafyale muumwo akafumila umulafyale uNdaabhiti. Bhwo fyakinda ifyinja ifyingi, uYeesu Kilisiti akapaapighwa mu chikolo chila chila. Mwa kalata uyu, ubhwisa nu bhusubhaalilighwa ubhwa Luuti ku chikolo icha mulume bhuli pabhwelu. Soona, ubhusubhaalilighwa ubhwa Chaala ubhwa kubhasunga abhandu bhaake mu tubhalilo utwa ndamyo nu kubhaafwa bhaabho bhakutaamighwa, bhuli pabhwelu.