Kɔ́ɔlamandhyaa mín ŋé sífiibhaa o ka
4
O wɛ́ɛnin ŋo kwɔ,
Ɛnza ŋé í kwɔ́sɛɛ bhá lá o lá kɛ mɔɔn olu kala ko kwáa kɛ.
Yamanba é nan í mínnin a lá.
Mɔɔn ó sháaya kóyoo ŋó mán,
aa í yɛ́ɛ kúun nɔ kɔɔnnɔn kɛ í síi.
Yaman o bɛ́ lɔ́nin ndɛ́ɛ tíinnan.
Maki 4.1-20
3 «Áa í tóomanlɔ!
Sɛɛnkɛbhaa oo bhɔ́ kɛ́ táa sí ó fíi a bhóo sɛ́ɛn man.
4 Kɛ́ tó sí fíi ó la,
sí o koo o lɔ́lu táa bé sháa ó lafɛ.
Kɔ́ɔn ólu nan kɛ ólu lakuun.
5 Á lɔ́luu bé káwa ywáa o lɔ.
Fíibhɛɛ tɛ́ tɛ o ywáa o lɔ,
ólu í fɛ́ɛ njónan,
kɛ mansɔɔ fíibhɛɛ tɛ́ tɛ ólu ɲánman.
6 Tée óo máan mínngɛ,
o fɛ́ɛ ŋólu bɛ́ já kɛ fáa,
kɛ mansɔɔ i díin ŋolu tɛ́ tɛ́ lúu lɔ́ cɛ́ɛne ne.
7 A lɔ́lu ŋé táa bé ŋwɛ́ɛn ywáa o lɔ.
Óni ŋwɛ́ɛn ŋólu í wíi ɲɔ́ɔn nvɛ,
ŋwɛ́ɛn ŋólu í sɔ́ɔsii fénvɛɛ ŋó ka,
tó a man dhyé ngɛ́.
8 A koo o lɔ́lu bé lúu dhyáanin nga.
Ólu í fɛ́ɛ kɛ ɲan kɛ dhyé ngɛ́.
Kée ŋé dhyé mbisawa kɛ,
a lɔ gbɛ́ɛ é dhyé mbiwɔɔlɔ kɛ,
a lɔ bgɛ́ɛ é dhyé ngɛnmɛn kɛ.»
9 Tó,
a tɛ́ɛ fɔ́la kó:
«Tóo é mín ngúnman kɛ́ myɛnnin kɛ́,
o á myɛnnin kɛ.»
Kɔ́ɔlamandhyaa ŋolu kɔ́ɔ o
10 Ɛnza ŋé í cɛ́bhɔ yaman o lá mínngɛ,
a yɛ kaamɔɔndhye ndá ni fyáa olu ni a fongamaa mínnu tɛ́ɛ a tɔ́ɔfɛ,
olu a mánɲaankɛ a yɛ saanan ólu kɔ́ɔ o mán.
11 Aa i yawi kó:
«Ala yɛ́ mansaya ó gbondoya o lángɛɛnman wɛ́ɛ kɛ Álee yɛ́.
Wáa kɛ́ɛnman bháa ólu,
a bɛ́ɛ fɔ́la ólu yɛ́ saanan bhóo lé man.
12 O lé kósɔn:
Kó óo ko é kɛ́,
kɛ í tó mánfɛɛli kɛ́ o la cɛ́ɛne né í kɛ́nan fósi yé.
Óni kɛ́ í tó lɔmyɛnni kɛ́ o la cɛ́ɛne né,
í kɛ́nan fósi myɛ́n.
Ké í kɛ́nan i kwɔ́sɛɛ Ala man,
ké ó á yafa i yúumu ólu man.»
Kɔ́ɔlamandhyaa mín ŋé sífiibhaa o ka o kɔ́ɔ o
13 Ɛnza ŋé fɔ i yɛ ikwɔ kó:
«A man saanan míin ngɔ́ɔ o lɔ ŋan?
Áa sé saanan tɔ́ ólu kɔ́ɔ o lɔnan díi?
14 Sífiibhaa oo Ala saaninkan ŋo lé fíila.
15 Sháa ó lafɛ láa óo mɔɔn lɔ́ léelu lé mínnuu Ala saaninkan ŋo myɛ́nnan,
wáa Sɔtaannan kɛ́nan o ywáaninngee ŋo lɔ,
aa o bhɔ́ í yóso ó lɔ.
16 Sí mínnuu bé gbófaaywaa o lɔ,
óo mɔɔn léelu le,
ní ólu kɛ́ ó kóman ó myɛ́n,
íi sɔ́n a mán ni nisɔdhyaa le íkɔlɔ.
17 Wáa Ala sáaninkan ŋo díin ngbáannin ndɛ́ kɛ́la o tíi ólu yóso ó lɔ.
Dínɲan tɔ́lɔya lɔ́ kɛ́ sii o tíi ólu la wáati mínnɔn,
wáman gbɛ́ya lɔ́ kɛ́ i sɔɔ Ala sáaninkan ŋo kósɔn,
o tíi ólu lánanya ó bhyá.
18 Sí mín núu bé ŋwɛ́ɛn ŋólu cɛ́man,
ólu mɔɔn léelu lé mín núu Ala sáaninkan ŋo myɛ́nnan,
19 wáa dínɲan hánminnanngo olu ní nanfooɲiin ŋó nɛ́li o,
óni mánnyaa ólu tá hánmin ŋo lée Ala sáaninkan ŋo náansila,
í yóso o lɔ tó nafa tɛ́ sɔ́ɔ o lá.
20 Sí mín núu bé lúudhyaanin ŋó ka,
óo mɔɔn lɔ́ léelu lé,
mín núu Ala sáaninkan ŋó myɛ́n,
tó íi sɔ́n a man,
tó aa í dhyé ngɛ,
kée mbisawa,
lɔ́ é bíwɔɔlɔ sɔ́ɔ,
lɔ́ gbɛ́ɛ é kɛnmɛn sɔ́ɔ.»
Kɔ́ɔlamandhyaa míin laman ŋó ka
21 Ɛnza ŋé fɔ i yɛ í kwɔ́ kó:
«Yɛ́ɛtii laman ŋo lámaannan,
tó kɛ gbóngbo mbíin a kúnnan,
wáman kɛ a sii gbála ŋo kɔɔ?
Ɲɔ́ɔn aa síilaa lamannziife ne ka ne?
Maki 4.21-41
22 Kɛ mansɔɔ fénoonaankɛnin nzí tɛ́ yé mín ndáa yé.
Gbondo sí tɛ́ yé mín ndáa bhɔ́ kɛ́ɛnman.
23 Ní Tóo é mín ngúnman kɛ́ myɛnnin kɛ́,
o á myɛnnin kɛ.»
24 Aa fɔ i yɛ í kwɔ́ kó:
«Áa kóman mínnu myɛ́nnan,
áa í yáakii síi olu mán.
Kɛ mansɔɔ aa dɔ ólu tá ó swáan swáannikɛfe mín nɔ́n,
Ala káa a tá ó swáan o lé lɔ́.
A yɛ́ɛ yáa a ta o móo kɛ.
25 Aa céne,
lɔ́ kɛ́ kɛ́ mɔɔn mín móo,
lɔ yáa bhyáa o tíi ó tá ó ka;
Waa fé ndɛ́ mín móo,
miin a bhóo,
o yáa bwási a lá.»
Sí mín ŋé í fɛ́ɛnan í yɛ́ɛman
26 Ɛnza ŋé fɔ íkwɔtun kó:
«Ala yɛ́ Mansaya ó bhɔ́nin yé kó mínnan o lée nín:
mɔɔn mín sí fíila lúuman.
27 Sífiibhaa o kɛ́ súnnɔɔn kɛ́ sú lɔ oo,
a kɛ tó í ɲán látee lɔ oo,
sí ó yáa í fɛ́ɛ kɛ bwóɲan kɛ́ a yíimankoondo.
28 Lúu ó gbú ó lée sunman ŋo láfɛɛnan í yɛ́ɛman,
tó aa í tínnza ngɛ,
tó a kɛ́wɛɛ,
aa í kóo kɛ.
29 Wáa a kɛ kɔ́ɔ,
kɛ ywɛ́,
án ní cɛla ŋó tá a fɛ́,
ké a cɛ wáati o wɛ́ɛ sé.»
Kɔ́ɔlamandhyaa min ŋé sí ó bɛ́ lɔ fítiinin ŋo ka
30 Ɛnza ŋé fɔ íkwɔtun kó:
«Án ní sé Ala yɛ́ Mansaya ó lá lá mínnɛɛn lé mán?
Án ní sé o saanan o kɛ́la ɲán mínnɛɛn lé mán?
31 A bhɔ́nin ɲé yíi lɔ́ lé kóo la mín ndɔ́ɔ kó mútaali.
Ní í kɛ́ a lo,
ale lé a lɔ́ɔ kɛ tínmin dínɲan lɔ́ fé ngóo ó bɛ́ ka.
32 Wáa í kɛ́wɛɛ a lónan,
aa í fɛ́ɛ,
aa bwóɲan kɛ tínmin nánkwɔfe nónin ŋó bɛ́ ka.
Áa í bhóokaa bá lu kɛ́ fɔ́ sámankɔɔn ólu a nan í bhó ngɛ́ a lwée ŋó kɔɔ.»
33 Ɛnza ndɛ́ɛ bɛ́ lakawanila o bhóo ó lé mán ni saanan lu le óyoo míin ŋé tɛ́nmɛn.
A tɛɛ saanan ólu fɔ́la kɛ bhyɛ a lɔmyɛnmaa olu séngan o lé mán.
34 A tɛ́ tɛ́ dhyáa ngɛ́la i yɛ ní a tɛ tɛ́ saanan la,
wáa ale kée ndɛ́ɛ tó a yɛ kaamɔɔndhye ŋolu cɛ́man,
a tɛ́ɛ a bɛ́ kɔ́ɔ fɔ́ í yɛ.
Ɛnza ŋé fwɛ́ɛnba lɔ́ lálɔla
35 O tée kée ŋó ywáa o la,
Ɛnza ŋé fɔ a yɛ kaamɔɔndhye ŋolu yɛ kó:
«Án ni bhá ó tɛ́ɛ,
kɛ táa a ɲan dɔ́ o mán.»
36 Kaamɔɔndhye ŋolu bhɔ́ yaman o cɛ́man,
kɛ́nan í yɛ́ɛ a fɛ́ kúun ŋó lɔ.
Kúun ngbɛ́ɛ lúu táa í bhyáashaa.
37 O lée bhyɛ fwɛ́ɛnba lɔ́ bhyáa mán.
Kwɔ ó tɛ́ɛ kúu,
jí ó tɛ́ɛ kɛ́ kúun ŋó kɔ́ɔnnɔn.
A tɛ wɛɛ bhyáa kúun ŋó kɔ́ɔnnɔnlaa ó fá le.
38 Ɛnza ndɛ́ɛ súnnɔɔn lɔ́ kúun ŋo kwɔ́shaafɛ.
A kún ŋó lánin ndɛ́ɛ kunnanbhɔɔ lɔ́ ka.
A yɛ kaamɔɔndhye ŋolu a lakuun ŋo le lɔ súnnɔɔn o lɔ,
tó kɛ fɔ a yɛ kó:
«Kaamɔɔn,
án ngáa fáa o tɛ́ í láhanminan an?»
39 Aa kúun kɛ yaman ngɛ́ fwɛ́ɛn ó mán.
Aa fɔ bháji o yɛ kó:
«A jalɔ!
Í lúmandhye!»
O lée kɛ́ fwɛ́ɛn ó lɔ́ o le,
tó kɛ lúmandhye myáan twée.
40 Óo wɛɛ mínngɛ,
aa fɔ a yɛ kaamɔɔndhye ŋolu yɛ kó:
«Áa sháannan mínnɛɛn lé la?
Bháa a mán limɛliya ó sɔ́ɔ bhá ŋan?»
41 Kaamɔɔndhye ŋolu sháan ngóyoo ŋó mán,
i tɛ́ɛ ɲɔɔn mánɲaankɛla kó:
«Ɛɛ,
mɔɔn mínnɛɛn lée cɛ míin ne,
yáanin fwɛ́ɛn óni jí ó bɛ́ɛ a bwóɲanla.»