Passambajang metaꞌda tulung
70
Dipatuju lako tomangpalunna tomakkelong. Kelongna Raja Daud tonna passompan karoba na danggiꞌ Nakalupaii Puang Allataala.2 Oo Puang Allataala, metaꞌdanaꞌ Tatulungnaꞌ,
madoiꞌmi-Kiꞌ mpasalamaꞌnaꞌ.
3 Akeꞌ namasiriꞌ to tomadoang mpateinaꞌ,
akeꞌ naditalo nasumpalingan palai kinjaraꞌ.
Akeꞌ na teꞌda nadianggaꞌ
to tompumasannang kamacilakangkuꞌ.
4 Akeꞌ na ia to tompakapisinaꞌ to mangkada kumua, “Pissikko, pissikko,”
palai masiriꞌ sabaꞌ ditaloi.
5 Dennaa upaꞌ na sininna to tossompa-Kiꞌ
mario masannang,
na sininna to tongkamaliꞌ kasalamatan jio mai Kitaꞌ
tuli mangkada kumua, “Makuasa to Puang Allataala.”
6 Oo Puang Allataala, ia tee akuꞌ tomaparriꞌnaꞌ kukaasi-asi,
madoiꞌmi-Kiꞌ ntulungnaꞌ.
Oo Puang Allataala, Kitaꞌmo Tomangpasalamaꞌkuꞌ,
danggiꞌ Tamelaꞌ ntulungnaꞌ.