<<    <     Zabur     53     >    >> 
Panggaukan gajaꞌna tolino
53
Dipatuju lako tomangpalunna tomakkelong. Nturuꞌ kelong Mahalat. Kelong pangpangngajahna Raja Daud.
 
2 a bIa to tomangkada llan penawanna kumua,
“Teꞌda to Puang Allataala,” iamo tobangoꞌ.
Ia to panggaukanna liwaꞌ gajaꞌ na mebaꞌcian,
teꞌda laloi to mangpanggaukan melo.
 
3 Nakita Puang Allataala jao mai suruga to tolino,
la nnangah tomacca to ssompa-I.
4 Apa lao sala ngasanmi mpugauk kagajatan,
moi mesaꞌ tau teꞌda mpugauk kameloan.
 
5 Mangkada-I Puang Allataala Nakua, “Teꞌdaraka namangngingaran to tomangpanggaukan gajaꞌ?
Naalai bang to ummaꞌ-Kuꞌ,
na teꞌda naden nametaꞌda lako Akuꞌ.”
 
6 Simalajatanni to tomangpanggaukan gajaꞌ
moi na teꞌda apa mpakalajaꞌi.
Napessamboranni Puang Allataala to bukunna to tontalimbung kamuꞌ, na dipakasiriꞌ,
sabaꞌ Napabokoꞌimi penawa Puang Allataala.
 
7 Dennaa upaꞌ na Puang Allataala to torro jao Buntu Sion mpasalamaꞌ to-Israel.
Ia ke Napemeloi poleꞌmi Puang Allataala to katuoanna to-Israel,
la mario-rioic namasannang joo ummaꞌ-Na.