ڪُلسيون رَي نون خط
تعارف
اَي خط سنت پولُوس ڪُلسي شھر رِي وِشواسي مَنڊلِي نَي اندازن سن 60 ݾون 61 عيسوِي رَي بِچ ۾ لِکيو ھتو۔ اَي وِشواسي مَنڊلِي سنت پولُوس ڪونھي ٺائِي، پڻ آپ ڀيڙو پرچار ڪرڻ آݪون نَي اوٿ ميليا ھتا۔ اُوئون ۾ اِپفراس نون رَي شيواداري ڪُلسي شھر رِي وِشواسي مَنڊلِي ٺائِي ھتِي۔ اِيئي رَي ڪري سنت پولُوس اُوئون نَي اَي خط لِکيو ھتو۔
جڏي سنت پولُوس نَي خبر پڙِي ڪہ ڪُلسي شھر رِي وِشواسي مَنڊلِي ۾ ڪُوڙا پرچار ڪرڻ آݪا آيا ھَي، جڪو اَي ݾيکاوَي پڙيا ڪہ ايشوَر رِي اوݪکوڻ ھانَ پُورِي مُگتي رَي ݾارُو اِنسونِي ريتون ھانَ دُنيا رَي شرُوع آݪَي باتون تي بيوَڻ ضرُوري ھَي۔
سنت پولُوس اِيئون باتون رِي مُخالفت ۾ مَسيح رَي بارَي ۾ ݾاچَي ھانَ صحيح باتون لِکَي ھَي۔ سنت پولُوس ݾُڻاوَي ھَي ڪہ رُگو مَسيح يسُوع ۾ پُورِي مُگتي ھَي پڻ اِنسونِي ريتون ھانَ دُنيا رَي شرُوع آݪَي باتون مَسيح ݾون اݪگا لي جاوَي ھَي۔ ايشوَر مَسيح رَي وسيلَي ݾجَي شيون ٺائَي ھانَ ايشوَر پرڀُو يسُوع رَي وسيلَي ݾجون نَي آپ ڪڍي اَڻاوَي ھَي۔ اِيئي رَي ڪري مُگتي رُگو مَسيح رَي وسيلَي ملَي ھَي۔ آخر ۾ او ڪُوڙَي ݾيکايوڙَي باتون رَي نُقصون رَي بارَي ۾ ڀِي ݾُڻاوَي ھَي۔
خاص مضمُون
جَئي پرڀُو رِي ھانَ پراٿنا 1:1-8
مھانَ پرڀُو يسُوع ھانَ اُوئي را ڪوم 1:9-2:19
پرڀُو يسُوع رَي وسيلَي نُوئِي زندگِي 2:20-4:6
آخري باتون 4:7-18