ڪِرنٿيون رَي نون ٻيجو خط
تعارف
ڪِرنٿس شھر رِي وِشواسي مَنڊلِي رَي نون سنت پولُوس رو اَي ٻيجو خط جڪو اندازن سن 57 عيسوِي ۾ لِکيو ھتو۔ اُوئي ٽيم اِيئي وِشواسي مَنڊلِي ݾون سنت پولُوس رو واسطو ݾُٺو ڪونھي ھتو۔ وِشواسي مَنڊلِي را ڪئينڪہ مِنک سنت پولُوس را تموم گھڻا برخلاف ھتا، پڻ سنت پولُوس اُوئون ݾون صُلح ڪرڻ رَي ݾارُو ڪرتو ھانَ جي اِيئون ھووَي، تو او تموم گھڻو خُوش ھوشَي۔
خط رَي پيلڪَي حِصَي ۾ سنت پولُوس ڪِرنٿس شھر رِي وِشواسي مَنڊلِي نَي آپرَي واسطَي رَي بارَي ۾ ݾُڻاوَي ھَي ڪہ اُوئي ڪھڙِي بات رَي ڪري وِشواسي مَنڊلِي ۾ آپرِي بي عِزتي ھانَ مُخالفت رو سختِي ݾون جواب ڏينو، جڪَي رَي ڪري وِشواسي مَنڊلِي آݪون توبھون ڪِي ھانَ اُوئي ݾون صُلح ڪِي۔ سنت پولُوس ڪِرنٿس رِي وِشواسي مَنڊلِي نَي مِنٿ ڪرَي ھَي ڪہ او يروشلم شھر رِي وِشواسي مَنڊلِي نَي دِل کولي دون ڏَي۔
خط رَي آخر ۾ سنت پولُوس اُوئون مِنکون نَي جواب ڏَي ھَي، جڪو آپنَي ݾاچا پرچار ڪرڻ آݪا ݾمجَھي ھَي ھانَ سنت پولُوس نَي ڪُوڙو پرچار ڪرڻ آݪو ݾمجَھي ھَي۔
خاص مضمُون
جَئي پرڀُو رِي ھانَ پراٿنا 1:1-11
سنت پولُوس ھانَ ڪِرنٿس شھر رِي مَنڊلِي رو واسطو1:12-7:16
يروشلم شھر رَي وِشواسيون رَي ݾارُو اِمداد 8:1-9:15
سنت پولُوس رو پرچار ۾ آپرَي بارَي ۾ ݾُڻاوڻ 10:1-13:10
آخري باتون 13:11-13