يُونا 2

يُونا رِي پراٿنا

يُونا مڇِي رَي پيٽ ۾ پرميشوَر آپرَي ايشوَر ݾون اَي پراٿنا ڪِي ڪہ،

‏2 ”اي پرميشوَر مھَي ڏُکون ۾ ٿَي ݾون پراٿنا ڪِي

ھانَ ٿَي مھارِي پراٿنا ݾُڻي مھنَي بݪتِي ڏينِي۔

مھَي موت رَي مُونھ ۾ ٿنَي ھيلو ڪيئو

ھانَ اوٿ ٿَي مھنَي ھيلو ڏينو۔ ‏3 

ٿَي مھنَي اُونڏَي ݾمُوندر رَي پتاݪ ۾ نوکيو

ھانَ ھُون پوڻي ۾ ٻُوڏوڙو ھتو۔

ٿارَي ݾجَي ڇاٻون ھانَ لھرون مھَي تي بَئي گئِي۔ ‏4 

ھانَ ھُون ݾمجھو ڪہ، ٿارِي درٻار ݾون ھُون پرھو ھون،

پڻ ڀڙي ھُون ايشوَر رَي گھر نَي جوئين۔ ‏5 

پوڻي مھنَي ٻوڙڻ لاگو،

ھانَ ݾمُوندر رو پوڻي مھَي ماٿَي چوڌاري ھتو

ھانَ پوڻي رو ݾائو تَھہ مھَي ماٿَي ھتو، ‏6 

ھُون جبلون رَي تَݪ توڻي گرڪ ھوئي گيو ھتو،

ھانَ ڌرتي را ݾجائِي پاݾا مھارَي ݾارُو بند ھوئي گيا ھتا۔

پڻ تو ڀِي ايشوَر ٿَي مھارِي حياتِي پتاݪ ݾون بچائِي۔ ‏7 جڏي مھارو من تڙپڻ لاگو، تو مھَي ايشوَر نَي ياد ڪيئو۔

ھانَ مھارِي پراٿنا ايشوَر رَي گھر ۾ ٿَي ڪڍي پُگِي۔ ‏8 جڪو مِنک ڪُوڙَي ڏيوتائون نَي منَي ھَي،

او ايشوَر رِي دايا ݾون اݪگا رَي ھَي۔ ‏9 ھُون ايشوَر رِي بڏائي ڪرتو اُوئي رَي ݾارُو ٻَليدون چڙائين،

ھانَ ھُون آپرا عرض پُورا ڪرين،

ڪيونڪہ مُگتي ايشوَر رَي نون ݾون ھَي۔ ‏10 

ايشوَر مڇِي نَي حُڪم ڏينو ھانَ اُوئي مڇِي يُونا نَي اُلٽِي ڪري ݾُوڪِي ڌرتي تي ٻاھر نوکيو۔