Méːjík
11
Suːloːpé okkom kangkímaːdaji odokké okkom akaːla duːji édém paːyérung émna dakidanna lulaːdagji éddéi méːjígé. 2 Lekeké taniyé buluk méːjíkki Ruːnéké aidag émna tolígbinamém paːdagai.3 Ngolu méːjíkki kindag Ruːnéké gomukki moːpísém ruːtag, odokké ngolu okkom suːpag kaːbegduːji édébulum okkomsin kaːbegmangkolok Ruːnébí ru:lentag.
4 Méːjíkki Abelbí Ruːnékoloːpé Keinkémyang aiyaːné palígnamém tosaglíkka. Édílo Ruːnébí bík tosalígnamkídíːdé aidag émna tolígbikan, méːjíkki bím arolok-duːné taniːko émna lukanbika. Abelbí sikangagom suːpaksin méːjíkki bí lubiladung.a
5 Méːjíkki séː turnamsokké Inogmé gísabokangku, édémpila bík simangém séːkosin paːlaːtomang; bí sinamém anpaːsutomang. Kapilaːné bí moːpísok duːdagdo Ruːnémé méːyumsumodaggai. Ruːnébí bím gísabokangku.b 6 Méːjígé kama:pé séːkosin Ruːnémé méːyumsumolaːmang, kapilaːné séːkoi Ruːnékoloːpé gíaːdoji Ruːnébí turradung émna odokké aroruːpé bím manékídíːdém bí amaném bidag émna méngkésupaːyé.
7 Édílo Nuamé aːpéné agomdok doːyíngém okodém odoloːpé bí kangkíma édém lupaːbinammé, Nuabí pésodanna bík okum-érangém moturbonam légaːpé bottén ollungko méːjíkki omto. Méːjíkki bí moːpísém sappakto odokké méːjíkki gíné arolok-duːnamdém paːto.
8 Édílo Ruːnébí Abraammé mimongkoloːpé gídopé gokton, okodém Ruːnébí bím bipé émna pesubitagan, Méːjíkki agom-tadla Abraambí gíto. Okoloːpé gídang édém kinmaːpé bí aíké mimoːdém mépakto.c 9 Méːjíkki bí bideki kísapé Ruːnéké bím pesubinam mimoːdo duːto. Bí poːyublo dungka, Isaagbíːla Jakubbíːsin Ruːnéké lékoné pesubinamdém paːtéːto odokké bulusin poːyublo dungka. 10 Kapéné Abraambí aksaːbinam nogordém toyaːla dungngai, okodém agbinédéːla mobinédé Ruːnébí.
11 Abraambí airuːpé míjídaggagom odokké Sarabíːsin aídé ommang olamangaboi, émgom méːjíkki bí abupé ikang. Ruːnébí bík pesubinamdém ibiyé émna bí méngkésuto. 12 Édémpila séː tani atérsok, séːko sinnémpé idagaboi, doːmírtok takarkíddíko odokké gaːné ragodok sullikíddíko sabamgélaːmaːdopé ommangé lenkang.
13 Édé taniːappíːdé pesubinamdém paːtomang; bulu méːjígíːlo sikang; bulu édémbulum moːtéːpé kaːpa:la toríksuka. Bulu séː moːpíso bidekiélang pamdonné émna méːsula duːto.d 14 Kapéné séːkobulu édémpé ludagji, bulu buluk aíké mimongko mala dung émnamdém nérkíkpé léngkanbidag. 15 Bulu buluk mépagla gínam mimoːdém bulu méːyarra duːnamka:mílo; bulu odoːpé gíladlaːyakui. 16 Émpigeːla bulu édémyang aiyaːné tayéng-among mimoːdém méːyaːla duːto. Édémpila Ruːnébí buluk Ruːné émkosupénamdém anyisutomang, kapéné bí buluk légaːpé nogorko monoːbila léːbitag.e
17 Édílo Ruːnébí Abraammé ankangkaji, méːjíkki bí Isaagmé palígnam kísapé tosaglíkto. Séːkobí pesubinamkídíːdém paːtoji bí bík ao atérdém palígdanpé ito. 18 Ruːnébí bím luto, "Ngo pesubidung, édé Isaagbí séːkkoki no nok ommangém paːyé. 19 Isaagbí sigom, Ruːnébí bím lékoda turmolaːdakku émna Abraambí aroruːpé méngkésudagai. Odokké luyisula lukampé, Abraambí bík aoːdém sikolokké paːlattoku.
20 Isaagbí Jakupkéla Esouké aːpéné longékídíːdok légaːpé méːjíkki peyubito.
21 Méːjíkki Jakubbí, sidímoːdí ayírdo Jusepké aoːkídíːdém ako akopé peyubito. Bí tukun tuːyiːdo níːrasugeːla Ruːnémé kumto.
22 Édílo sidí ayíré anindaggabon, méːjíkki Jusebbí Israelkídíːdok Ijibbokké gílenkunamdém lubito odokké bík alongém kapiyén odok tayéːlo luyírbito.f
23 Musiːmé onam lédupé bík ané-abudém méːjíkki bím poːlo píumko léːsila léːto, kapilaːné bí émmum koːkomangngai émnamdém bulu kaːto, odokké bulu migomdok lulígnamdém pésotomang.
24 Méːjíkki Musiːbí, édílo bí bottékang, Paroːké omedok aoːo émkosunamdém lupaksuto.g 25 Paːblok kontégoːuné méːpodémyang, Ruːnék taniːkídíːdok lédílo bí duːg dopénam toríksuto. 26 Bí méːto Kiristok légaːpé duːg donamdé Ijibbok ompoti paːnamdémyang aiyaːdag, kapéné bí bík paːpénam bottéruːné amandém kaːbeksula dungngai.
27 Migomdok aglíːdém pésomaːpé; méːjíkki bí Ijibdém mépakto, kaːbegmaːnam Ruːném kaːbegné kísapé, bí gíladgekuma émna lupaksuto. 28 Obopoːlumém mokenédé Israel taniːlok obopoːlumém mokemaːdopé, méːjíkki Musiːbí Gíboːla donam gíːdíːdémna yabgo-kuntaːdo íːi tíglígnamdém iboto.h
29 Méːjíkki taniːkídíːdé pítírné among kísapé Líːné Gaːnédém gíkoːto; émpigeːla édílo Ijip taniːkídíːdé gíkoːpé ikíton, bulu jíngangamkang.
30 Méːjíkki kínít longéko taniːkídíːdé Jerikoːdok poka-bareːdém gíyedla gínam lédupé poka-bareːdé opagletkang. 31 Méːjíkki Raab bengkosunébí, agom-tadman taniːkídíːdok lédílo sitomang, kapilaːné rukkangkolo gíné tani:kídíːdém bí ajon kísapé boríksuto.i
32 Sémyang bojéyaːpé ngo okko émbiyan? Gidion, Barak, Samson, Jeptaa, Debid, Samuel odokké lungor-lunékídíːdok tayéːlo agomém lubipé ngokké ayíré kamang,j 33 séːkobulu méːjíkki migomdokkom motapto, aro-kébangém baːbito, odokké okodém pesubitagan édém paːto. Bulu sumyo nappangém kogemotomang,k 34 dorné umém midmoto, yoksaːlokkém dukpítsumoto. Bulu sipere:daggai, émpigeːla bulum kínggímoka; bulu mimagmokodo kínggíːla bideki maglíngkídíːdém motabamto.l 35 Méːjíkki mimékídíːdé buluk siné aítaniːkídíːdém turdopé paːlattoku.
Akkem modatto émgom bulu mélenníkkunamdém matomang, odo bulu aiyaːné lékod-turkunamdém paːpé émna.m 36 Akkem lukaːla sabukki díːto, akedém ikolilo koggabla makanaːlo tumto. 37 Bulum íːlíngki géketo, bulum aːraki tuːnyikopé rítsotto, bulum yoksaki paketo. Bulu opanna, ipusirem paːla odokké kaːlímaːnammé, meːrrogla sobennok asigém galukpé géla gígoto. 38 Séː moːpísé bulukképé arré katomangǃ Bulu sullipotaːlo, adiːlo gígoto, odokké diːrumnoːla among aruːlo bulu duːto.